தோனி ‘7’ம் நம்பர் ஜெர்சியை மாற்றுவதன் பின்னால்… இப்படி ஓர் பின்னணி இருக்கா?

சென்னை சூப்பர் கிங்ஸ் அணிக்கு மட்டுமல்ல, இந்திய அணிக்காக விளையாடத் தொடங்கியதில் இருந்தே தோனி 7ஆம் எண் கொண்ட ஜெர்சியை அணிந்து வருகிறார்.பெரும் எதிர்பார்ப்புக்கு மத்தியில் 2026ஆம் ஆண்டுக்கான ஐபிஎல் தொடர் வரும் 28ஆம் தேதி தொடங்கவிருக்கும் நிலையில், தோனி ஃபேஸ்புக்கில் பதிவிட்டுள்ள ஒரு வீடியோதான் இப்போது சமூக வலைத்தளங்களில் ஹாட் டாபிக்.அந்த வீடியோவில், “சில எண்கள் நம்முடன் தங்கிவிடும். 7 என்ற எண் எனக்கு அப்படி உள்ளது. ஆனால் இன்று நான் 8-க்கு மாறுகிறேன். அதற்கான காரணம் உங்களுக்கு விரைவில் தெரியவரும்” என்று கூறியுள்ளார்.சென்னை சூப்பர் கிங்ஸ் அணிக்கு மட்டுமல்ல, இந்திய அணிக்காக விளையாடத் தொடங்கியதில் இருந்தே தோனி 7ஆம் எண் கொண்ட ஜெர்சியை அணிந்து வருகிறார்.கிரிக்கெட் உலகில் ‘எண் 7’ என்றால் அது ஒரு உணர்ச்சி. பல கோடி ரசிகர்களின் இதயத்துடிப்பு. அப்படிப்பட்ட சூழலில் தோனி ஏன் தனது எண்ணை மாற்றுகிறார் என்பதே மில்லியன் டாலர் கேள்வியாக உள்ளது.வரவிருக்கும் ஐபிஎல் தொடருக்காகவோ அல்லது ஒரு புதிய வணிக ஒப்பந்தத்திற்காகவோ தோனி தனது ஜெர்சி எண்ணை மாற்ற வாய்ப்புள்ளதாகக் கூறப்படுகிறது.சிலர் இது அவரது புதிய பிசினஸ் ஸ்டார்ட்-அப் தொடர்பான விளம்பரமாக இருக்கலாம் என்றும் கணித்து வருகின்றனர். ‘நம்பர் 7’ இல்லாத தோனியை நினைத்துப் பார்க்க முடியவில்லை என நெட்டிசன்கள் பதிவிட்டு வருகின்றனர்.ஜூலை 7ஆம் தேதி பிறந்ததால், தோனி 7ஆம் ஜெர்சியை அணிந்து வருகிறார். அவர் சர்வதேசப் போட்டிகளில் இருந்து ஓய்வு பெற்ற நிலையில், அந்த 7ஆம் ஜெர்சிக்கும் பிசிசிஐ விடைகொடுத்துள்ளது குறிப்பிடத்தக்கது. அதற்கு முன்னதாக லெஜண்ட் சச்சின் டெண்டுல்கர் அவருடைய 10ஆம் எண் ஜெர்சிக்கும் பிசிசிஐ ஓய்வு அளித்து கௌரவப்படுத்தியது.