தவெக தொண்டர்களே! பிறந்த நாளில் முக்கிய அறிவிப்பை வெளியிடும் விஜய்? என்னவா இருக்கும்?

379 0

தமிழக வெற்றிக் கழகத்தின் தலைவரும், நடிகருமான விஜய் அடுத்த மாதம் வரும் அவருடைய பிறந்த நாளில் முக்கிய அறிவிப்பை வெளியிடுவார் என்று கருதப்படுகிறது.

தமிழ்நாட்டில் சட்டமன்ற தேர்தல் நடைபெற இன்னும் ஓராண்டு மட்டுமே உள்ளது. அரசியல் கட்சிகள் அதற்கான பணிகளில் தீவிரமாக செயல்பட்டு வருகிறது.  ஆளுங்கட்சியான திமுக தங்களது 5 ஆண்டுகால ஆட்சி திட்டங்கள், கூட்டணியை வலுப்படுத்துவது எனவும், அதிமுக ஏற்கனவே பா.ஜ.க.வுடன் கூட்டணியை அமைத்தும் தங்கள் தேர்தல் பணிகளை தொடங்கிவிட்டது.

தவெக-வுக்கு முதல் தேர்தல்:

தமிழக சட்டமன்ற தேர்தல் முன் எப்போதும் இல்லாத அளவிற்கு சூடுபிடித்திருப்பதற்கு காரணம் நடிகர் விஜய் ஆவார். அறிமுக அரசியல்வாதியாக வரும் தேர்தலில் அவருடைய தமிழக வெற்றிக் கழகம் களமிறங்குகிறது. கடந்தாண்டு பிப்ரவரியில் அரசியல் கட்சியைத் தொடங்கிய விஜய், கடந்தாண்டு பிற்பாதியில் இருந்துதான் அரசியலில் தனது கவனத்தை செலுத்தி வருகிறார்.

நடப்பாண்டு முதல் தீவிரமாக அரசியல் களத்தில் இறங்கியுள்ள விஜய், பூத் கமிட்டியை வலுப்படுத்துதல் உள்ளிட்ட கட்சியை அடிமட்டத்தில் இருந்து வலுப்படுத்தும் பணிகளை மேற்கொண்டு வருகிறார். இந்த நிலையில், மக்களை தவெக பக்கம் இழுக்கும் முயற்சியாக விஜய் விரைவில் தமிழ்நாடு முழுவதும் சுற்றுப்பயணம் மேற்கொள்ள இருக்கிறார்.

விரைவில் சுற்றுப்பயணம்?

விஜய் சுற்றுப்பயணம் மேற்கொள்ள இருக்கிறார் என்ற தகவல்கள் தொடர்ந்து வெளியாகி கொண்டே  இருக்கும் சூழலில், அவர் எப்போது இந்த பயணத்தை தொடங்குவார்? என்ற கேள்வி எழுந்துள்ளது. இதுதொடர்பாக நேற்று பேசிய ஆதவ் அர்ஜுனா விஜய் வரும் டிசம்பர் மாதத்திற்குள் தனது சுற்றுப்பயணத்தால் பெரும் அதிர்வலையை ஏற்படுத்துவார் என்று கூறினார்.

பிறந்த நாளில் முக்கிய அறிவிப்பு:

விஜய்யின் பிறந்த நாள் அடுத்த மாதம் வர உள்ள நிலையில், அவருடைய பிறந்தநாள் பரிசாக அவரின் ஜனநாயகன் படத்தின் முக்கிய அப்டேட் வெளியாக உள்ளது. அதனுடன் அவருடைய சுற்றுப்பயண அதிகாரப்பூர்வ அறிவிப்போ அல்லது அவர் சுற்றுப்பயணத்தை அதிகாரப்பூர்வமாக தொடங்குவார் என்றோ கருதப்படுகிறது.

விஜய் சுற்றுப்பயணம் மேற்கொள்ள உள்ள நிலையில், தமிழ்நாடு முழுவதும் தமிழக வெற்றிக் கழகத்தினர் அதற்கான பணிகளில் தீவிரமாக ஈடுபட்டு வருகின்றனர். விஜய் சுற்றுப்பயணம் வருவதற்குள் பூத் கமிட்டியை வலுப்படுத்துவதுடன் தமிழக வெற்றிக் கழகத்தின் உறுப்பினர் சேர்க்கையையும் அதிகரிக்க கட்சித் தலைமை உத்தரவிட்டுள்ளது.

அடுத்தாண்டு சட்டமன்ற தேர்தல் நடப்பதால் ஆளுங்கட்சியான திமுக தங்களது ஆட்சியைத் தக்க வைக்க பல்வேறு முக்கிய அறிவிப்புகளை அடுத்தடுத்த நாட்களில் வெளியிடுவதற்கு பிரதான வாய்ப்புகள் உள்ளது.

கூட்டணியில் யார்?

அதேசமயம் தமிழக வெற்றிக் கழகத்தினருடன் இதுவரை எந்த பெரிய கட்சியும் கைகோர்க்கவில்லை. இதனால், ஒருபுறம் முக்கிய அரசியல் கட்சிகளை தங்கள் பக்கம் கூட்டணிக்கு கொண்டு வரவும் விஜய் தீவிரமாக நடவடிக்கையில் ஈடுபட்டு வருகிறார். மேலும், அக்டோபரில் விஜய் மிகப்பெரிய மாநாட்டை மதுரையில் நடத்த முடிவு செய்துள்ளதாகவும் தகவல்கள் வெளியாகியுள்ளது. இனி வரும் நாட்கள் தமிழக வெற்றிக் கழகத்திற்கு மிகவும் சவாலானதாக இருக்கும் என்றே கருதப்படுகிறது.

Related Post

சென்னை கோயம்பேடு சந்தையில் தக்காளி விலை ரூ.170: சில்லறை விற்பனையில் 200 ரூபாயை தாண்டியது

Posted by - ஆகஸ்ட் 1, 2023 0
தக்காளி விலை தொடர்ந்து ஏற்றத்தை கண்டு வருகிறது. நேற்று கோயம்பேடு சந்தையில் ஒரு கிலோ 160 ரூபாய் என்ற அளவில் விற்பனை செய்து வந்த நிலையில், இன்று…

தமிழ்நாடு சட்டப்பேரவையில் இருந்து வெளியேறியது ஏன்? – ஆளுநர் ஆர்.என்.ரவி விளக்கம்

Posted by - மே 4, 2023 0
காலாவதியான சித்தாந்தத்தை நிலைநிறுத்துவதற்காக முன்வைக்கப்படும் அரசியல் முழக்கமே திராவிட மாடல் என்று ஆளுநர் ஆர்.என்.ரவி விமர்சித்துள்ளார். சட்டப்பேரவையிலிருந்து வெளியேறியது ஏன் என விளக்கமளித்து ஆங்கில நாளிதலுக்கு தமிழக…

குக் வித் கோமாளி மாதம்பட்டி ரங்கராஜ் ஹீரோவாக நடிக்கும் புது படம்.. ஹீரோயின் யார் தெரியுமா?

Posted by - செப்டம்பர் 28, 2024 0
விஜய் டிவியின் குக் வித் கோமாளி 5ம் சீசனில் நடுவராக இருந்து வருபவர் மாதம்பட்டி ரங்கராஜ். அவர் சமையல் துறையில் பிரபலம் என்பதால் குக் வித் கோமாளி…

குல்லா அணிந்து.. லுங்கியுடன் என்ட்ரி கொடுத்த தவெக தலைவர் விஜய்!

Posted by - மார்ச் 7, 2025 0
சென்னை ராயப்பேட்டை ஒய்எம்சிஏ மைதானத்தில் இஃப்தார் நோன்பு திறக்கும் நிகழ்ச்சி நடைபெறுகிறது. இந்த நிகழ்ச்சியில் பங்கேற்பதற்காக தலையில் குல்லாவுடன் லுங்கி அணிந்து வந்துள்ளார் விஜய். தவெக சார்பில்…
food

தோசை சாப்பிட உங்களுக்கு பிடிக்குமா? தோசை சாப்பிட்டே உங்க எடையை ஈஸியா குறைக்கலாமாம் தெரியுமா?

Posted by - டிசம்பர் 2, 2023 0
எடையை அதிகரிப்பது என்பது அவ்வளவு எளிதானதாக இருக்கிறதோ எடையைக் குறைப்பது அவ்வளவு கடினமானதாக உள்ளது. அதிகரித்த எடையைக் குறைக்க பெரும்பாலான மக்கள் டயட்டை நம்பியிருக்கிறார்கள். எடையைக் குறைக்க…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன