விஜய் வரணும்.. குஷிப்படுத்த பாஜககாரங்க பேசிக்கிறாங்க, அதிமுகவில் சீமான்? – எடப்பாடி பேச்சு

218 0

அதிமுக தலைமையிலான கூட்டணியில் இணைய விஜயின் தவெக மற்றும் சீமான் ஆகியோருக்கு, எடப்பாடி பழனிசாமி அழைப்பு விடுத்துள்ளார்.

தொண்டர்களை குஷிப்படுத்த ஆட்சியில் பங்கு என, பாஜகவினர் பேசி வருவதாக எடப்பாடி பழனிசாமி பேசியுள்ளார்.

எடப்பாடி பழனிசாமி நச் பதில்கள்:

அதிமுக பொதுச்செயலாளரும், எதிர்க்கட்சி தலைவருமான எடப்பாடி பழனிசாமி, “மக்களை காப்போம், தமிழகத்தை மீட்போம்” என்ற பெயரில் தீவிர பரப்புரையில் ஈடுபட்டு வருகிறார். பாஜக உடனான கூட்டணி, திமுக மீதான குற்றச்சாட்டுகள் என பல்வேறு விவகாரங்கள் தொடர்பாக இந்த சுற்றுப் பயணத்தின் போது பேசி வருகிறார். இந்நிலையில் தான், தனியார் ஊடகத்திற்கு எடப்பாடி பழனிசாமி பேட்டியளித்துள்ளார். அதில், தேர்தல் வியூகம், கூட்டணியை பலப்படுத்துவது மற்றும் திமுகவின் செயல்பாடுகள் தொடர்பாக பல்வேறு கேள்விகள் எழுப்பப்பட்டுள்ளன.

கூட்டணி ஆட்சியா?

பாஜக தலைவர்கள் சொல்வதை போன்று தமிழ்நாட்டில் கூட்டணி ஆட்சி அமையுமா? என்ற கேள்விக்கு, “தொண்டர்களை உற்சாகப்படுத்தவே தமிழகத்தில் கூட்டணி ஆட்சி அமைக்கப்படும் என அவர்கள் கூறிவருகின்றனர். அதையெல்லாம் பொருட்படுத்த வேண்டியதில்லை. அதேநேரம் பாஜக – அதிமுக கூட்டணி உடையாது, அதற்கான முயற்சிகளும் பலனிக்காது. எங்கள் கூட்டணியில் எந்த முரண்பாடும் இல்லை” என எடப்பாடி பழனிசாமி பதிலளித்துள்ளார்.

பாஜகவிற்கு பதிலடியா?

தமிழ்நாட்டில் அதிமுக – பாஜக கூட்டணி ஆட்சி அமையும் என அமித் ஷா கூறிய நிலையில், அதற்கு நாங்கள் ஏமாளிகள் அல்ல என எடப்பாடி பழனிசாமி பேசியது கூட்டணியில் சலசலப்பை ஏற்படுத்தியது. இதுதொடர்பான கேள்விக்கு பதிலளிக்கையில், “ஆட்சியில் பங்கு கொடுக்க நாங்கள் ஏமாளிகள் அல்ல என்பதை பாஜக தலைமைக்கு பதிலடி கொடுக்க வேண்டும் என்ற நோக்கத்தில் நான் கூறவில்லை. அதிமுகவை பாஜக விழுங்கிவிடும் என திமுக கூட்டணி கட்சிகள் கூறி வந்ததற்கு பதிலளிக்கவே அப்படி பேசினேன்” என எடப்பாடி தெரிவித்துள்ளார்.

தனிப்பெரும்பான்மையுடன் ஆட்சி

2026ம் ஆண்டு தேர்தல் குறித்த கேள்விக்கு, “2026 சட்டசபை தேர்தலிலும் அதிமுக தலைமையில் ஒற்றைக்கட்சி ஆட்சி தான் அமையும். அந்த அரசு மக்களின் எண்ணத்தின்படி அமையும். தமிழ்நாட்டில் ஒற்றைக்கட்சி ஆட்சியைத்தான் மக்கள் விரும்புகிறார்கள்.  இதுவரை தமிழகத்தில் ஒற்றைக் கட்சிதான் ஆட்சியமைத்துள்ளதாகவும், அடுத்த தேர்தலிலும் இதுவே தொடரும்” என நம்பிக்கை தெரிவித்துள்ளார்.

விஜய், சீமானுக்கு அழைப்பு:

கூட்டணியை வலுப்படுத்துவது தொடர்பான கேள்விக்கு, “திமுகவை வீழ்த்த வேண்டும் என நினைக்கும் கட்சிகள் அதிமுக கூட்டணிக்கு வரவேண்டும். ஒத்த கருத்துடைய கட்சிகள் தங்களது கூட்டணிக்கு வரலாம் என்பது விஜயின் தமிழக வெற்றிக் கழகத்திற்கும், சீமான் தலைமையிலான நாம் தமிழர் கட்சிக்கும் பொருந்தும். ஆனால், கூட்டணி தொடர்பாக விஜய் கட்சியுடன் பேச்சுவார்த்தை ஏதும் நடத்தவில்லை” என எடப்பாடி விளக்கம் அளித்துள்ளார்.

விஜய் வருவாரா?

விடுதலை சிறுத்தைகள், கம்யூனிஸ்ட் உள்ளிட்ட கட்சிகளுக்கு எடப்பாடி அழைப்பு விடுத்தாலும், தாங்கள் திமுக கூட்டணியிலேயே தொடர்வோம் என அறிவித்துள்ளன. இந்நிலையில் தான், பாஜக உள்ள கூட்டணியில் நாங்கள் இடம்பெறமாட்டோம் என திட்டவட்டமாக கூறிய, தவெகவை தங்கள் கூட்டணிக்கு வர எடப்பாடி அழைப்பு விடுத்துள்ளார். இது சாத்தியமாகுமா? தேர்தலுக்கு இன்னும் 8 மாதங்களே உள்ளதால், கூட்டணியில் ஏதேனும் அதிரடி மாற்றங்கள் ஏற்படுமா? என்பதை பொறுத்து இருந்து தான் பார்க்க வேண்டும்.

Related Post

TVK IT Wing

TVK IT Wing: பொய்யிற் சிறந்த பெருமானே.. கொஞ்சமாவது அப்டேட் ஆகுங்க.. ஸ்டாலினுக்கு தவெக பதிலடி!

Posted by - செப்டம்பர் 26, 2026 0
தேர்தல் முடிவு வந்ததும், வாக்களித்த விரல் மை காய்வதற்குள் தேசிய ஜனநாயக கூட்டணியில் இருந்த பலருடன் கைகோர்த்து, கொல்லைப்புறம் வழியாக ஆட்சியைப் பிடிக்க அலைந்ததை மக்கள் பார்த்தார்களே…
fasdfr vv

தமிழகத்தில் தேர்தல் பிரச்சாரம் ஓய்ந்தது: 234 தொகுதிகளுக்கும் நாளை வாக்குப் பதிவு

Posted by - ஏப்ரல் 22, 2026 0
சென்னை: தமிழக சட்​டப்​பேர​வைத் தேர்​தல் பிரச்​சா​ரம் நேற்று மாலை 6 மணி​யுடன் ஓய்ந்​தது. நாளை காலை 7 மணிக்கு வாக்​குப் பதிவு தொடங்​கு​கிறது. தேர்​தல் பாது​காப்​புப் பணி​யில்…
Generated Image March 08 2026 7 08PM

கூட்டணி வாய்ப்புகளை கோட்டை விட்ட தவெக: ஆதவ் மீது ஆதங்கத்தைக் கொட்டிய விஜய்

Posted by - மார்ச் 8, 2026 0
தவெக-வை நெருங்கி வந்த கட்சிகளுடன் கூட்டணியை பேசி முடிக்காமல், முறுக்கி கொண்டிருந்த ஆதவ் அர்ஜுனா மீது அதன் தலைவர் விஜய் அதிருப்தியில் இருப்பதாக பனையூர் வட்டாரங்கள் சொல்கின்றன.…
Gemini Generated Image po1o0gpo1o0gpo1o

TVK Vijay காவலர்களுக்கு ஜாக்பாட்… கொங்கு மண்டலத்தில் விஜய் கொடுத்த அதிரடி ‘ப்ராமிஸ்’!

Posted by - ஏப்ரல் 15, 2026 0
அடிப்படை காவலர்களுக்கான பணி ஊதியம் ரூ.18,200ல் இருந்து ரூ.25 ஆயிரமாக உயர்த்தப்படும் என தவெக தலைவர் விஜய் அறிவித்தார். நடிகரும் தவெக தலைவருமான விஜய் இன்று திருப்பூரில்…

“86 வயதில் பொய்யா? திமுகவின் பித்தலாட்டம்” துரைமுருகனை நேரடியாகச் அட்டாக் செய்த ஈபிஎஸ்

Posted by - ஆகஸ்ட் 9, 2025 0
இன்று வாக்காளர் பட்டியல் திருத்தத்திற்கு இபிஎஸ் வாய்த்திறக்காதது ஏன் என்று துரைமுருகன் கேள்வி கேட்கிறார். 86 வயதில் பொய்யான அறிக்கை வெளியிடுகிறார் என்று ஈபிஎஸ் கேள்வி எழுப்பியுள்ளார்.…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன