1 கப் கோதுமை ரவை இருந்தா போதும்.. அருமையான ருசியில் பஞ்சு போல இட்லி சுடலாம்…

251 0

காலையில் எழுந்ததும் என்ன சமைப்பது என்று தெரியலையா? இட்லி சுடலாம் என்றால் இட்லி மாவு இல்லையா? அப்படியானால் கவலைப்பட வேண்டாம். உங்கள் வீட்டில் கோதுமை ரவை உள்ளதா?

அப்படியானால் அந்த கோதுமை ரவையைக் கொண்டு இட்லி சுடுங்கள். இந்த இட்லி செய்வதற்கு சுபலமாக இருப்பதோடு, தேங்காய் சட்னியுடன் சாபிட அட்டகாசமாகவும் இருக்கும். மேலும் இது குழந்தைகள் முதல் பெரியவர்கள் வரை விரும்பி சாப்பிடக்கூடியவாறு இருக்கும்.

உங்களுக்கு கோதுமை ரவை இட்லியை எப்படி செய்வதென்று தெரிந்து கொள்ள வேண்டுமா? கீழே கோதுமை ரவை இட்லி ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

1 கப் கோதுமை ரவை இருந்தா போதும்.. அருமையான ருசியில் பஞ்சு போல இட்லி சுடலாம்...  | Godhumai Rava Idli Recipe - Tamil BoldSky

தேவையான பொருட்கள்:

* கோதுமை ரவை – 1 கப் * தயிர் – 3/4 கப்

* இஞ்சி – 1 டீஸ்பூன் (பொடியாக நறுக்கியது)

* பச்சை மிளகாய் – 2 (பொடியாக நறுக்கியது)

* கேரட் – 1-2 டேபிள் ஸ்பூன் (துருவியது)

* கறிவேப்பிலை – சிறிது (நறுக்கியது)

* கொத்தமல்லி – சிறிது (நறுக்கியது)

* சோடா உப்பு – 1 சிட்டிகை

* உப்பு – சுவைக்கேற்ப

* எண்ணெய் – 3 டீஸ்பூன்

தாளிப்பதற்கு…

* கடுகு – 1/2 டீஸ்பூன்

* உளுத்தம் பருப்பு – 1 டீஸ்பூன்

* கடலைப் பருப்பு – 2 டீஸ்பூன்

* பெருங்காயத் தூள் – 1 சிட்டிகை

செய்முறை:

* முதலில் தயிரை நன்கு அடித்து தனியாக வைத்துக் கொள்ள வேண்டும்.

* பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு, உளுத்தம் பருப்பு, கடலைப் பருப்பு மற்றும் பெருங்காயத் தூள் சேர்த்து தாளிக்க வேண்டும்.

* பின் அதில் இஞ்சி, பச்சை மிளகாய், கறிவேப்பிலை சேர்த்து தாளிக்க வேண்டும்.

* பின்பு அதில் கோதுமை ரவையை சேர்த்து மிதமான தீயில் வைத்து, பொன்னிறமாக நல்ல மணம் வரும் வரை வறுத்து இறக்கி குளிர வைக்க வேண்டும்.

* பிறகு வறுத்த கோதுமை ரவையை தயிருடன் சேர்த்து, சிறிது உப்பு தூவி நன்கு கலந்து கொள்ள வேண்டும்.

* ஒருவேளை கலவையானது மிகவும் கெட்டியாக இருந்தால், இட்லி மாவு பதத்திற்கு தேவையான அளவு நீரை ஊற்றி கலந்து கொள்ள வேண்டும்.

* அதன் பின் அதில் கேரட், கொத்தமல்லியைத் தூவி, ஒரு சிட்டிகை சோடா உப்பு சேர்த்து நன்கு கலந்து கொள்ள வேண்டும்.

* பின்னர் இட்லி தட்டை எடுத்து, அதில் எண்ணெய் தடவி, தயாரித்து வைத்துள்ள இட்லி கலவையை இட்லிகளாக ஊற்றி, இட்லி பாத்திரத்தில் வைத்து, 10-12 நிமிடம் வேக வைத்து எடுக்க வேண்டும்.

* இப்போது சுவையான கோதுமை ரவை இட்லி தயார்.

MURUGAN

முருகன் – PixelTamil.com செய்தி ஆசிரியர். தமிழ்நாடு, இந்தியா, உலகம், அரசியல் மற்றும் சினிமா தொடர்பான செய்திகளைத் துல்லியமாகவும் விரைவாகவும் வழங்குகிறார்.

Related Post

பிக்பாஸ் 7வது சீசனில் உறுதியான போட்டியாளர்கள் இவர்களா?- வெளிவந்த லிஸ்ட்

Posted by - செப்டம்பர் 22, 2023 0
பிக்பாஸ் 7 விஜய் தொலைக்காட்சியின் பிரம்மாண்ட நிகழ்ச்சியான பிக்பாஸ் 7வது சீசன் வரும் அக்டோபர் மாதம் 1ம் தேதி ஒளிபரப்பாக இருக்கிறது. நிகழ்ச்சி ஆரம்பத்தில் இருந்தே நிறைய புதிய…

குக் வித் கோமாளி 5 ஜெயித்தது குறித்து பெரிய பதிவு போட்டுள்ள பிரியங்கா தேஷ்பாண்டே

Posted by - செப்டம்பர் 30, 2024 0
குக் வித் கோமாளி 5 குக் வித் கோமாளி 5, விஜய் தொலைக்காட்சியில் மிகவும் வெற்றிகரமாக ஒளிபரப்பாகி வந்த நிகழ்ச்சி இது. சமையல் ப்ளஸ் கலாட்டா என்ற…
%E0%AE%B0%E0%AE%BE%E0%AE%95%E0%AF%81 %E0%AE%95%E0%AF%87%E0%AE%A4%E0%AF%81 %E0%AE%AA%E0%AF%86%E0%AE%AF%E0%AE%B0%E0%AF%8D%E0%AE%9A%E0%AF%8D%E0%AE%9A%E0%AE%BF %E0%AE%AA%E0%AE%B2%E0%AE%A9%E0%AF%8D %E0%AE%95%E0%AE%A9%E0%AF%8D%E0%AE%A9%E0%AE%BF %E0%AE%A4%E0%AF%81%E0%AE%B2%E0%AE%BE%E0%AE%AE%E0%AF%8D %E0%AE%95%E0%AF%81%E0%AE%AE%E0%AF%8D%E0%AE%AA%E0%AE%AE%E0%AF%8D 2

ராகு கேது பெயர்ச்சி பலன்: கன்னி, துலாம், கும்பம் உஷார்!

Posted by - நவம்பர் 13, 2026 0
இன்று ராகு – கேது பெயர்ச்சி நடைபெறுகிறது. இந்த மாற்றம் எல்லா ராசிகளுக்கும் பலன் தரும் என்றாலும், கன்னி, துலாம், கும்பம் ராசிக்காரர்கள் இந்த காலகட்டத்தில் சற்று…

அம்மாவையும் ஒழிக்க முடிவெடுக்கும் குணசேகரன்? எதிர்நீச்சல் 2 அதிர்ச்சி ப்ரோமோ

Posted by - டிசம்பர் 8, 2025 0
எதிர்நீச்சல் தொடர்கிறது சீரியலில் குணசேகரன் மற்றும் அவரது தம்பிகள் இருவரும் கைதுக்கு பயந்து ஓடி ஒளிந்து கொண்டிருக்கின்றனர். தலைமறைவாக இருக்கும் அவர்களை கைது செய்து குண்டர் சட்டத்தில்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன