குடைமிளகாயை வெச்சு இந்த மாதிரி சட்னி செய்யுங்க.. குழந்தைங்க 2 இட்லி எக்ஸ்ட்ரா சாப்பிடுவாங்க…

296 0

உங்கள் வீட்டில் குடைமிளகாய் உள்ளதா? அப்படியானால் அந்த குடைமிளகாய் கொண்டு சட்னி செய்யுங்கள். குடைமிளகாயில் வைட்டமின் சி அதிகம் உள்ளது. எனவே இதைக் கொண்டு சட்னி செய்து சாப்பிடும் போது, நோயெதிர்ப்பு சக்தி வலுபெறும்.

உங்களுக்கு குடைமிளகாய் கொண்டு எப்படி சட்னி செய்வதென்று தெரிந்து கொள்ள வேண்டுமா? கீழே குடைமிளகாய் சட்னியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.குடைமிளகாயை வெச்சு இந்த மாதிரி சட்னி செய்யுங்க.. குழந்தைங்க 2 இட்லி  எக்ஸ்ட்ரா சாப்பிடுவாங்க... | Red Capsicum Chutney Recipe In Tamil - Tamil  BoldSky

தேவையான பொருட்கள்:

சிவப்பு குடைமிளகாய் சட்னிக்கு..

* பெரிய சிவப்பு குடைமிளகாய் – 1 (துண்டுகளாக்கப்பட்டது)

* பெரிய தக்காளி – 1 (நறுக்கியது)

* பூண்டு – 5 பல் (நறுக்கியது)

* வரமிளகாய் – 3

* உப்பு – சுவைக்கேற்ப

* புளி – 1 சிறிய துண்டு

* எண்ணெய் – 3 டேபிள் ஸ்பூன்

* கடுகு – 1/2 டீஸ்பூன்

* உளுத்தம் பருப்பு – 1/2 டீஸ்பூன்

பச்சை குடைமிளகாய் சட்னிக்கு..

* பச்சை குடைமிளகாய் – 2 (துண்டுகளாக்கப்பட்டது)

* பச்சை மிளகாய் – 2 (நறுக்கியது)

* கறிவேப்பிலை – சிறிது

* பூண்டு – 6 பல்

* எள்ளு விதை – 1 டேபிள் ஸ்பூன்

* சீரகம் – 1 டீஸ்பூன்

* கடுகு – 1 டீஸ்பூன்

* புளி பேஸ்ட் – 1 டேபிள் ஸ்பூன்

* கொத்தமல்லி – 2 டேபிள் ஸ்பூன்

* மஞ்சள் தூள் – 1/2 டீஸ்பூன்

* உப்பு – சுவைக்கேற்ப

* சர்க்கரை – 1 டீஸ்பூன்

* எண்ணெய் – 1 டேபிள் ஸ்பூன்

மஞ்சள் குடைமிளகாய் சட்னிக்கு…

* மஞ்சள் குடைமிளகாய் – 1 (நறுக்கியது)

* பெரிய வெங்காயம் – 1 (துண்டுகளாக்கப்பட்டது)

* பச்சை மிளகாய் – 3

* மஞ்சள் தூள் – 1 டீஸ்பூன்

* உப்பு – சுவைக்கேற்ப

* சர்க்கரை – 1/2 டீஸ்பூன்

* புளிபேஸ்ட் – 1 டீஸ்பூன்

* எண்ணெய் – 3 டேபிள் ஸ்பூன்

* கடுகு – 1 டீஸ்பூன்

செய்முறை:

சிவப்பு குடைமிளகாய் சட்னிக்கு…

* முதலில் ஒரு வாணலியை அடுப்பில் வைத்து, அதில் 1 டேபிள் ஸ்பூன் எண்ணெய் ஊற்றி சூடானதும் வரமிளகாய் மற்றும் பூண்டு சேர்த்து வதக்கி இறக்கிக் கொள்ள வேண்டும்.

* பின் அதே எண்ணெயில் சிவப்பு குடைமிளகாய் மற்றும் தக்காளியை சேர்த்து, பச்சை வாசனை போக வதக்கி இறக்கி குளிர வைக்க வேண்டும்.

* பின்பு மிக்சர் ஜாரில் வதக்கிய பொருட்கள் அனைத்தையும் சேர்த்து, சுவைக்கேற்ப உப்பு மற்றும் புளியை சேர்த்து நன்கு மென்மையாக அரைத்துக் கொள்ள வேண்டும்.

* பின் ஒரு சிறு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு மற்றும் உளுத்தம் பருப்பை சேர்த்து தாளிக்க வேண்டும்.

* பிறகு அதில் அரைத்த சட்னியை ஊற்றி, எண்ணெய் பிரியும் வரை வேக வைத்து இறக்கினால், சுவையான சிவப்பு குடைமிளகாய் சட்னி தயார்.

பச்சை குடைமிளகாய் சட்னிக்கு…

* ஒரு வாணலியை அடுப்பில் வைத்து, அதில் எள்ளு விதைகளை சேர்த்து பொன்னிறமாக வறுத்து, தனியாக ஒரு தட்டில் எடுத்து வைத்துக் கொள்ள வேண்டும்.

* பின் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு மற்றும் சீரகம் சேர்த்து தாளிக்க வேண்டும்.

* பின்பு அதில் கறிவேப்பிலை, பச்சை மிளகாய், பூண்டு சேர்த்து சிறிது நேரம் வதக்க வேண்டும்.

* பின் அதில் குடைமிளகாயை சேர்த்து, சுவைக்கேற்ப உப்பு மற்றும் மஞ்சுள் தூள் சேர்த்து நன்கு கிளறி விட வேண்டும்.

* குடைமிளகாய் நன்கு வெந்ததும், அதில் சிறிது சர்க்கரை மற்றும் வறுத்து வைத்துள்ள எள்ளு விதைகளை சேர்த்து கிளறி, புளி பேஸ்ட் சேர்த்து கிளறி இறக்கி குளிர வைக்க வேண்டும்.

* பிறகு மிக்சர் ஜாரில் வதக்கிய பொருட்களை சேர்த்து அரைத்தால், சுவையான பச்சை குடைமிளகாய் சட்னி தயார்.

மஞ்சள் குடைமிளகாய் சட்னிக்கு…

* ஒரு வாணலியை அடுப்பில் வைத்து, அதில் 1 டேபிள் ஸ்பூன் எண்ணெய் ஊற்றி சூடானதும், வெங்காயம், குடைமிளகாய் சேர்த்து 5 நிமிடம் நன்கு வதக்க வேண்டும்.

* பின் அதில் சுவைக்கேற்ப உப்பு, சர்க்கரை, புளி மற்றும் மஞ்சள் தூள் சேர்த்து நன்கு கிளறி, 5 நிமிடம் வேக வைக்க வேண்டும்.

* பிறகு வதக்கிய பொருட்களை இறக்கி குளிர வைத்து, மிக்சர் ஜாரில் போட்டு நன்கு மென்மையாக அரைத்துக் கொள்ள வேண்டும்.

* பின்பு ஒரு வாணலியை அடுப்பில் வைத்து, அதில் 2 டேபிள் ஸ்பூன் எண்ணெய் ஊற்றி சூடானதும், கடுகு சேர்த்து தாளித்து, அரைத்த சட்னியை சேர்த்து கிளறி, எண்ணெய் பிரியும் வரை வேக வைத்து இறக்கினால், சுவையான மஞ்சள் குடைமிளகாய் சட்னி தயார்.

MURUGAN

முருகன் – PixelTamil.com செய்தி ஆசிரியர். தமிழ்நாடு, இந்தியா, உலகம், அரசியல் மற்றும் சினிமா தொடர்பான செய்திகளைத் துல்லியமாகவும் விரைவாகவும் வழங்குகிறார்.

Related Post

ஐபிஎல் 2024.. கஸ்டமர்கள் குதூகலம்.. 3 மாதங்களுக்கு டேட்டா.. மாதம் ரூ.222 மட்டும்.. Jio கிரிக்கெட் திட்டம்!

Posted by - மார்ச் 19, 2024 0
ஐபிஎல் 2024 (IPL 2024) போட்டிகள் வரும் மார்ச் 22ஆம் தேதி தொடங்க இருக்கும் வேளையில் ஜியோ நிறுவனம், ஒட்டுமொத்த கிரிக்கெட் ரசிகர்களையும் தட்டித்தூக்கும் திட்டங்களை கொடுக்கிறது.…

சப்பாத்திக்கு அருமையான காஷ்மீரி மட்டன் குருமா

Posted by - ஏப்ரல் 4, 2023 0
முஸ்லீம்கள் நோன்பு காலத்தில் மட்டனை சமைத்து சாப்பிடுவார்கள். சூடான சாதத்துடன் சாப்பிடவும் இந்த ரெசிபி சூப்பராக இருக்கும். தேவையான பொருட்கள்: மட்டன் – அரை கிலோ வரமிளகாய்…

டிஆர்பி இல்லாததால் இழுத்து மூடப்படும் சன் டிவியின் முக்கியமான சீரியல்..

Posted by - ஆகஸ்ட் 1, 2024 0
சீரியல் என்றாலே அது சன் டிவி தான் என்று சொல்லும் அளவிற்கு எப்பொழுதுமே டிஆர்பி ரேட்டிங்கில் முதல் இடத்தை பிடித்து மக்கள் மனதில் உயரத்தில் இருந்தது. ஆனால் தற்போது கொஞ்சம்…

IPL 2023 : பரபரப்பான ஆட்டத்தில் ராஜஸ்தானை வீழ்த்தியது பஞ்சாப் அணி… 5 ரன் வித்தியாசத்தில் த்ரில் வெற்றி

Posted by - ஏப்ரல் 6, 2023 0
ஹெட்மேயர் – துருவ் ஜுரல் 7 ஆவது விக்கெட்டிற்கு 27 பந்துகளில் 62 ரன்கள் பார்ட்னர்ஷிப் அமைத்து அணியை வெற்றிக்கு மிக அருகில் கொண்டு சென்றனர் ஐபிஎல்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன