425 நாட்கள் ஓடிய படம்.. கரகாட்டக்காரன் 34 வருடங்கள் நிறைவு! கொண்டாடும் ரசிகர்கள்…
இப்போது டிவியில் ஒளிபரப்பினால் கூட கரகாட்டக்காரன் படத்தை ரசித்து பார்க்கும் ரசிகர்களும் அதிக அளவில் இருக்கின்றனர்.இப்படி ஒரு கிளாசிக் ஹிட்டான படத்தை கங்கை அமரன் இயக்கியிருந்தார். விஜயா மூவிஸ் நிறுவனம் தயாரித்திருந்தது.ராமராஜன் – கனகா ஜோடியாகவும், காமெடிக்கு கவுண்டமணி, செந்தில், கோவை சரளா மற்றும் குணச்சித்திர வேடங்களில் சண்முகசுந்தரம், காந்திமதி, சந்திரசேகர், சந்தான பாரதி உள்ளிட்ட பலர் நடித்திருந்தனர்.
இந்தப் படத்தின் ஹைலைட் இதில் வரும் கவுண்டமணி செந்தில் காமெடி தான். குறிப்பாக அந்த வாழைப்பழ காமெடி 31 வருடங்கள் ஆனாலும் இப்போதும் ரசிகர்கள் பார்த்தால் விழுந்து விழுந்து சிரிப்பார்கள்.
அந்தக் காமெடியை தற்போதைய ஜெனரேஷன் டிவி நிகழ்ச்சிகளில் பல இடங்களில் பயன்படுத்துவதை பார்க்க முடியும்.கரகாட்டக்காரன் ஜூன் 16, 1989ல் திரைக்கு வந்தது. ரிலீஸ் ஆகி தியேட்டர்களில் ஒரு வருடத்துக்கு மேல் ஓடியது இந்த படம். 425 நாட்கள் ஓடியது கரகாட்டக்காரன் என்று கூறப்படுவதுண்டு. தற்போது ரிலீஸ் ஆகும் படங்கள் மூன்று நாட்கள், ஒரு வாரம் தாக்குப்பிடிப்பது கடினமாக இருக்கும் சூழலில், இப்படி ஒரு வருடத்திற்கும் மேல் தியேட்டர்களில் ஓடியது என்பது ஆச்சரியமான விஷயம்தான்.
