%E0%AE%A4%E0%AE%AE%E0%AE%BF%E0%AE%B4%E0%AE%95%E0%AE%A4%E0%AF%8D%E0%AE%A4%E0%AE%BF%E0%AE%B2%E0%AF%8D %E0%AE%89%E0%AE%A3%E0%AF%8D%E0%AE%A3%E0%AE%BF %E0%AE%95%E0%AE%BE%E0%AE%AF%E0%AF%8D%E0%AE%9A%E0%AF%8D%E0%AE%9A%E0%AE%B2%E0%AF%8D

தமிழகத்தில் உண்ணி காய்ச்சல் பாதிப்பு ஜனவரி வரை இருக்கும்: காய்ச்சல் இருந்தால் உடனே மருத்துவமனைக்கு செல்ல வேண்டும்

196 0

சென்னை: தமிழகத்​தில் உண்​ணிக் காய்ச்​சல் பாதிப்பு வரும் ஜனவரி மாதம் வரை இருக்​கும், காய்ச்​சல் இருந்​தால் உடனே மருத்​து​வ​மனைக்கு செல்ல வேண்​டும் என்று பொது சுகா​தா​ரத்​துறை இயக்​குநர் சோமசுந்​தரம் தெரி​வித்​துள்​ளார்.

சென்னை அண்ணா பல்​கலைக்​கழக மாணவர் ஒரு​வர் டெங்கு காய்ச்​சலால் உயி​ரிழந்​த​தாக தகவல் வெளி​யான நிலை​யில், இதை மறுத்த சுகா​தா​ரத்​துறை ‘ஸ்க்​ரப் டைபஸ்’ என்ற உண்​ணிக் காய்ச்​சல் பாதிப்பு தான் உயி​ரிழப்​புக்கு காரணம் என்று தெரி​வித்​தது. இந்​நிலை​யில், பொது சுகா​தா​ரத்​துறை இயக்​குநர் சோமசுந்​தரம் உண்​ணிக் காய்ச்​சல் தொடர்​பான விழிப்​புணர்வு வீடியோ ஒன்றை சமூக வலை​தளத்​தில் வெளி​யிட்​டுள்​ளார்.

அந்த வீடியோ​வில் அவர் கூறி​யிருப்​ப​தாவது: உண்​ணிக் காய்ச்​சல் என்​பது பாக்​டீரியா கிரு​மி​யால் வரும் காய்ச்​சல் ஆகும். ஆள் உயரத்​துக்கு வளரும் புல், புதர்​கள் மற்​றும் வயல்​வெளி​களில் வாழும் ஒரு வகை உண்ணி மற்​றும் பூச்சி கடிப்​ப​தன் மூலம் இந்த நோய் பரவு​கிறது. முன்பு காடு​கள் மற்​றும் வயல்​வெளி​களில் வேலை பார்ப்​பவர்​களுக்கு மட்​டுமே இந்த நோய் பரவி வந்​தது.

ஆனால், தற்​போது பரு​வநிலை மாற்​றம் மற்​றும் மக்​களின் இடப்​பெயர்வு காரண​மாக அனைத்து இடங்​களி​லும் பரவலாக நோய் காணப்​படு​கிறது. குறிப்​பாக, ஆகஸ்ட் முதல் ஜனவரி மாதம் வரை இந்த காய்ச்​சலின் பாதிப்பு அதி​க​மாக இருக்​கும். இந்த காய்ச்​சலை கண்டு பொது​மக்​கள் அச்​சப்பட தேவை​யில்​லை. மற்ற காய்ச்​சலை போன்று சாதா​ரண​மாக உடல்​வலி, பசி​யின்மை போன்ற அறிகுறிகள் இருக்​கும்.

காய்ச்​சல் அறிகுறி இருந்​தால் தாம​திக்​காமல் அரு​கில் உள்ள மருத்​து​வரை அணுக வேண்​டும்.இவ்​வாறு அவர் தெரி​வித்​துள்​ளார்.

அதே வீடியோ​வில், மதுரை அரசு மருத்​து​வக் கல்​லூரி மருத்​து​வ​மனை பொதுநல மருத்​து​வர் பி.​வி.​பால​முரு​கன் கூறுகை​யில், “வயல்​வெளி​கள், புல்​வெளி​களில் நடக்​கும் போது, பேன்ட், ஷூ, முழு கை சட்டை அணிய வேண்​டும். டெங்கு காய்ச்​சல் போல், அதிக காய்ச்​சல், தலை​வலி, உடல் சோர்​வு, வறட்டு இரு​மல் போன்​றவை இருக்​கும். குறிப்​பாக, 4 மணிக்கு காய்ச்​சல் இல்​லாமல் இருந்​தவருக்​கு, 4:15 மணி​யள​வில் அதி​கள​வில் காய்ச்​சல் பாதிப்பு இருக்​கும்.

உண்ணிக் காய்ச்சலை ஆரம்ப நிலை​யில் கண்​டறிந்​தால் குணப்​படுத்​தலாம். உரிய சிகிச்சை பெறா​விட்​டால், நுரை​யீரல் பாதிப்​பு, மூளை பாதிப்​பு, இதய பாதிப்பு ஏற்​படும். அவ்​வாறு வந்​தா​லும் சிகிச்சை அளிக்​கப்​படும். ஆனால், இணை நோ​யாளி​கள் தாமத​மாக வரும்​போது உயி​ரிழப்பு ஏற்​படும். இந்த நோய்க்​கான பரிசோதனை அனைத்து அரசு மருத்​து​வ​மனை​களி​லும் செய்​யப்​படு​கிறது” என்று தெரி​வித்​துள்​ளார்.

சுகா​தா​ரத்​துறை அமைச்​சர் அருண்​ராஜ் செய்​தி​யாளர்​களிடம் கூறுகை​யில், “அண்ணா பல்​கலைக்​கழக மாணவர் உயி​ரிழப்​புக்கு உண்​ணிக் காய்ச்​சல் எனப்​படும் ஸ்கரப் டைபஸ் பாதிப்பு தான் காரணம். டெங்கு போன்றே காய்ச்​சல், தலை​வலி, வாந்தி என இருக்​கும். பூச்சி கடிக்​கும் இடத்​தில் ஒரு தழும்பு போன்ற வடு இருக்​கும். 2025-ல் 5,142 ஸ்கரப் டைபஸ் பாதிப்​பு​கள் பதி​வாகி​யுள்​ளன. இந்த ஆண்​டில் இது​வரை 4,619 பேர் பாதிக்​கப்​பட்​டுள்​ளனர்” என்​று தெரிவித்​தார்​.

Related Post

ஆரோக்கியத்தை மேம்படுத்தும் மூலிகை தேநீர்

Posted by - டிசம்பர் 11, 2023 0
புதுணர்வு தரும் பானமான தேநீர், உலக அளவில் பெரும்பான்மையான மக்களால் விரும்பப்படுகிறது. காலையில் எழுந்ததும் தேநீர் பருகாவிட்டால், பலருக்கும் அன்றைய நாள் முழுமை பெறாது. கலாசாரம் மற்றும்…
கடல் ஆம்புலன்ஸ் திட்டம் குறித்து அமைச்சர் ஆ.ஸ்ரீநாத் தூத்துக்குடியில் அளித்த பேட்டி

கடல் ஆம்புலன்ஸ் திட்டம் 2027 ஏப்ரலில் தொடக்கம்: அமைச்சர்

Posted by - நவம்பர் 22, 2026 0
கடல் ஆம்புலன்ஸ் திட்டம் வரும் 2027-ம் ஆண்டு ஏப்ரல் மாதத்தில் செயல்படுத்தப்படும் என்று தமிழக மீன்வளம் மற்றும் மீனவர் நலத்துறை அமைச்சர் ஆ.ஸ்ரீநாத் தெரிவித்துள்ளார். தூத்துக்குடியில் செய்தியாளர்களைச்…

”சட்டப்பேரவை மரபை ஆளுநர் காக்கவேண்டும்..” – தவெக தலைவர் விஜய்

Posted by - ஜனவரி 6, 2025 0
இன்று நடைபெற்ற நடப்பாண்டின் முதல் சட்டமன்ற கூட்டத்தொடரில் உரையாற்றாமல் ஆளுநர் ஆர்.என்.ரவி வெளியேறிய சம்பவம் பேசுபொருளான நிலையில், சட்டப்பேரவை மரபை ஆளுநர் காக்க வேண்டும் என தவெக…

Tamil Nadu Budget 2024 Live : 12.00 மணி வரை தமிழக நிதிஅமைச்சர் அறிவித்த திட்டங்கள்….

Posted by - பிப்ரவரி 19, 2024 0
3000 பேருந்துகள் கொள்முதல் செய்யப்படும்…! 3000 பேருந்துகள் கொள்முதல் செய்ய திட்டமிடப்பட்டுள்ளது. மேலும், 500 மின்சார பேருந்துகள் கொள்முதல் செய்து இந்த நிதியாண்டில் செயல்படுத்தப்படும் எனநிதியமைச்சர் தங்கம்…

ராமேசுவரத்தில் முன்னோர்களுக்கு தர்ப்பணம் கொடுக்க திரண்ட பக்தர்கள்

Posted by - பிப்ரவரி 20, 2023 0
இந்தியாவில் உள்ள புனித ஸ்தலங்களில் ராமேசுவரமும் ஒன்று. காசி செல்லும் பக்தர்கள் கங்கை நீரை எடுத்து வந்து ராமேசுவரம் ராமநாத சுவாமிக்கு அபிஷேகம் செய்ய வேண்டும் என்பது…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன