%E0%AE%95%E0%AE%9F%E0%AF%8D%E0%AE%9F%E0%AE%BE%E0%AE%AF %E0%AE%B5%E0%AF%86%E0%AE%B1%E0%AF%8D%E0%AE%B1%E0%AE%BF %E0%AE%A8%E0%AF%86%E0%AE%B0%E0%AF%81%E0%AE%95%E0%AF%8D%E0%AE%95%E0%AE%9F%E0%AE%BF%E0%AE%AF%E0%AE%BF%E0%AE%B2%E0%AF%8D %E0%AE%A4%E0%AE%B5%E0%AF%86%E0%AE%95

CM Vijay: மதுராந்தகம் மக்கள் மத்தியில் இன்று விஜய்! என்ன பேசப்போகிறார்? எதிர்பார்ப்பில் வாக்காளர்கள்?

112 0

முதலமைச்சர் விஜய் இன்று மதுராந்தகம் தொகுதியில் இடைத்தேர்தலுக்கான பரப்புரையில் ஈடுபட உள்ளார். மிகப்பெரிய எதிர்பார்ப்பு எழுந்துள்ளது.

தமிழ்நாட்டில் காலியாக உள்ள 7 தொகுதிகளில் மதுராந்தகம் மற்றும் தாராபுரம் ஆகிய இரு தொகுதிகளுக்கும் வரும் அக்டோபர் 6ம் தேதி இடைத்தேர்தல் நடைபெற உள்ளது. தமிழ்நாட்டில் தனிப்பெரும்பான்மை இல்லாமல் ஆட்சி நடத்தி வரும் தவெக-விற்கு இந்த இடைத்தேர்தல் மிகவும் முக்கியமானதாக கருதப்படுகிறது.

மதுராந்தகத்தில் இன்று விஜய்:

இந்த இடைத்தேர்தலில் தவெக – திமுக – அதிமுக – நாம் தமிழர் – இந்திய கம்யூனிஸ்ட் என 5 முனைப் போட்டி நிலவுகிறது. இந்த நிலையில், ஆளுங்கட்சியான தவெக வேட்பாளர்களுக்கு ஆதரவாக முதலமைச்சர் விஜய் இன்று மதுராந்தகத்தில் பரப்புரையில் ஈடுபடுகிறார்.

3 மணிக்கு பரப்புரை:

அதிமுக-வில் இருந்து சட்டமன்ற உறுப்பினர் பதவியை ராஜினாமா செய்துவிட்டு தவெக-வில் வேட்பாளராக களமிறங்கும் மரகதம் குமரவேலுக்கு ஆதரவாக விஜய் இன்று பரப்புரையில் ஈடுபடுகிறார்.  செங்கல்பட்டு, மதுராந்தகம் தொகுதிக்குட்பட்ட ஆத்தூர் சுங்கச்சாவடி அருகே மாலை 3 மணியளவில் பரப்புரையில் ஈடுபடுகிறார்.

முதலமைச்சர் விஜய்யின் இந்த பரப்புரையில் பங்கேற்க 5 ஆயிரம் பேருக்கு மட்டுமே அனுமதி வழங்கப்பட்டுள்ளது. இதற்கு அதிகமான அளவிலான மக்களை காவல்துறை அனுமதிக்காது. முதலமைச்சர் விஜய்யின்  இந்த பரப்புரையில் கர்ப்பிணி, சிறுவர், சிறுமிகள் ஆகியோருக்கு அனுமதி கிடையாது. மேலும், வயதானவர்கள், மாற்றுத் திறனாளிகள், உடல்நலம் குன்றியவர்கள் ஆகியோருக்கு அனுமதி கிடையாது.

கட்டாய வெற்றி நெருக்கடியில் தவெக?

முதலமைச்சர் விஜய் சாலை வலம் வந்த பிறகு தனது பரப்புரையை மேற்கொள்கிறார். முதலமைச்சர் விஜய் இன்று மதுராந்தகம் தொகுதிக்கு வருவதால் தொகுதி முழுவதும் பலத்த பாதுகாப்பு ஏற்பாடு செய்யப்பட்டுள்ளது. போக்குவரத்திலும் பல்வேறு மாற்றங்கள் செய்யப்பட்டுள்ளது. தனிப்பெரும்பான்மை இல்லாத தவெக அரசுக்கு இந்த இரண்டு தொகுதிகளின் வெற்றி மிக மிக முக்கியமாக அமைந்துள்ளது.

இன்று பரப்புரையில் ஈடுபட உள்ள முதலமைச்சர் விஜய் தற்போது தமிழ்நாட்டையே உலுக்கி வரும் ஜெம் வீரமணி விவகாரம் குறித்து பேசுவார் என்று கருதப்படுகிறது. மேலும், இந்த விவகாரத்தில் கடந்த கால திமுக அரசின் செயல்பாடுகள் குறித்தும் பேசுவார் என்று எதிர்பார்க்கப்படுகிறது.

முதல் இடைத்தேர்தல்:

முதலமைச்சர் விஜய் மதுராந்தகம் தொகுதியில் மட்டுமின்றி தாராபுரத்திற்கும் விரைவில் பரப்புரையில் ஈடுபட உள்ளார். ஆளுங்கட்சியாக தவெக பொறுப்பேற்ற பிறகு நடக்கும் முதல் இடைத்தேர்தல் என்பதால் இது விஜய்க்கு மிக மிக முக்கியமான தேர்தல் ஆகும்.

இந்த தேர்தலைப் பொறுத்தமட்டில் அதிமுக எம்எல்ஏ-க்களாக பொறுப்பேற்றவர்கள் பதவியை ராஜினாமா செய்து தவெக-வில் போட்டியிடுவது பெரும் எதிர்ப்பை, பின்னடைவை தவெக-விற்கு ஏற்படுத்தியுள்ளது. மேலும், ஆளுங்கட்சியான தவெக அரசுக்கு ஆதரவு அளித்துள்ள இந்திய கம்யூனிஸ்ட் கட்சியே தனது வேட்பாளர்களை களமிறக்கியுள்ளது.

மிகப்பெரிய எதிர்பார்ப்பை ஏற்படுத்தியுள்ள இந்த 2 தொகுதிகளின் இடைத்தேர்தல் முடிவுகள் வரும் அக்டோபர் 9ம் தேதி வெளியாக உள்ளது.

 

Related Post

ChatGPT Image Aug 6 2026 11 21 39 AM

’சட்டப்பேரவையில் உதயநிதி, எடப்பாடியை காட்டாமல் நேரலை’ ஆளுங்கட்சியினர் மட்டுமே காட்டப்படுவதாக புகார்

Posted by - ஆகஸ்ட் 6, 2026 0
சட்டப்பேரவையில் வேளாண் பட்ஜெட் தாக்கல் செய்யப்பட்டு வரும் நிலையில், முதல்வர் விஜய் உள்ளிட்ட தவெக ஆளுங்கட்சி உறுப்பினர்களை மட்டுமே சட்டப்பேரவை நேரலையில் காட்டுவதாகவும் எதிர்க்கட்சிகளான திமுக, அதிமுக,…
Gemini Generated Image mdnoecmdnoecmdno

குற்றவாளி வீட்டில் பிரியாணி சாப்பிட்ட ‘சார்’ சட்டத்தின் முன் நிறுத்தப்படுவார் – பழனிசாமி உறுதி

Posted by - ஏப்ரல் 9, 2026 0
குற்றவாளி வீட்டில் பிரியாணி சாப்பிட்ட ‘சார்’ அதிமுக ஆட்சியில் சட்டத்தின் முன் நிறுத்தப்படுவார் என்று சென்னையில் பிரச்சாரத்தில் ஈடுபட்ட அதிமுக பொதுச்செயலாளர் பழனிசாமி கூறினார். தேர்தல் அறிவிக்கப்பட்ட…
e

வரலாறு காணாத வாக்குப்பதிவு! 5 மணி நிலவரப்படி 82.24% – ஆட்சி மாற்றத்தின் அறிகுறியா?

Posted by - ஏப்ரல் 23, 2026 0
தமிழகத்தில் இந்த முறை தேர்தலில் வாக்குப்பதிவு வரலாறு காணாத அளவிற்கு உயர்ந்துள்ளது. மாலை 5 மணி நிலவரப்படி 82.24% வாக்குகள் பதிவாகியுள்ளது. இதுகுறித்து பிரபல அரசியல் விமர்சகர்கள்…

மேடையில் அமித் ஷா அப்படி என்ன சொன்னார்? தமிழிசை அளித்த பதில்

Posted by - ஜூன் 13, 2024 0
ஆந்திர மாநில முதலமைச்சராக சந்திரபாபு நாயுடு பதவியேற்ற விழாவில், உள்துறை அமைச்சர் அமித்ஷா, தெலங்கானா முன்னாள் ஆளுநர் தமிழிசையை அவமதிக்கும் வகையில் நடந்துகொண்டது சர்ச்சையை கிளப்பி உள்ளது.…

மத்திய அமைச்சரவையில் இடம்பெறும் 2 புதிய தமிழக முகங்கள்… வெளியான பட்டியல்?

Posted by - ஜூன் 7, 2024 0
பாஜக மாநில தலைவர் அண்ணாமலை, முன்னாள் ஆளுநர் தமிழிசை சௌந்தரராஜன், வானதி சீனிவாசன் உள்ளிட்டோருக்கும் அமைச்சரவையில் இடம் வழங்க ஆலோசிக்கப்பட்டு வருவதாக தகவல்கள் தெரிவிக்கின்றன. நரேந்திர மோடியின்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன