Tamil Breaking News Collage Banner

CM Vijay: உள்ளே வரும் பாமக? திருமாவை சமாதானப்படுத்த முயற்சி! கழட்டிவிட அமைச்சர்கள் ஐடியா! விஜய் முடிவு என்ன?தவெக கூட்டணிக்குள் பாமக-வை கொண்டு வர முயற்சி நடந்து வரும் நிலையில், விசிக-வை சமாதானப்படுத்த முயற்சி நடந்து வருகிறது.

133 0

தவெக கூட்டணிக்குள் பாமக-வை கொண்டு வர முயற்சி நடந்து வரும் நிலையில், விசிக-வை சமாதானப்படுத்த முயற்சி நடந்து வருகிறது.

தமிழ்நாட்டில் தவெக தலைமையிலான அரசு நடைபெற்று வருகிறது. நடந்து முடிந்த இடைத்தேர்தலில் வெற்றி பெற்றதன் காரணமாக 109 தொகுதிகள் தவெக வசம் உள்ளது. தற்போது வரை தனிப்பெரும்பான்மை இல்லாமல் தடுமாறி வரும் தவெக அரசுக்கு காங்கிரஸ், விசிக, இந்திய கம்யூனிஸ்ட், மார்க்சிஸ்ட், இந்திய யூனியன் முஸ்லீம் லீக் கட்சிகள் ஆதரவுடன் ஆட்சி நடந்து வருகிறது.

இடைத்தேர்தலில் பாமக மறைமுக ஆதரவு:

இந்த நிலையில், தவெக இந்த இடைத்தேர்தலில் வெற்றி பெற மறைமுகமாக பாமக தனது ஆதரவை அளித்தது. விஜய் ஆட்சியமைக்க பெரும்பான்மை இல்லாமல் தவித்து வந்த நிலையில், அவர் 4 எம்எல்ஏ-க்களை தனது வசம் கொண்டுள்ள பாமக-வின் ஆதரவை எதிர்பார்ப்பார் என்று கருதப்பட்டது. ஆனால், அவர் திமுக கூட்டணி வசம் இருந்த கட்சிகள் பக்கமே சென்றார்.

தவெக ஆட்சியமைக்க உறுதுணையாக இருக்கும் இந்திய கம்யூனிஸ்ட், மார்க்சிஸ்ட், விசிக அவ்வப்போது விஜய்க்கு பெரும் குடைச்சலை அளித்து வருகின்றனர். இந்த நிலையில், இந்த இடைத்தேர்தலில் அதிமுக கூட்டணியில் இருந்த போதிலும் பாமக அதிமுக வேட்பாளர்களுக்கு ஆதரவை அளிக்கவில்லை. இது தவெக-விற்கான மறைமுக ஆதரவாக அமைந்தது. இதன் காரணமாகவும் மரகதம் குமரவேல் அபார வெற்றி பெற்றார்.

பாமக – விசிக ஒரே கூட்டணியிலா?

தவெக தலைமையிலான கூட்டணியில் பாமக-வையும் கொண்டு வர தவெக மூத்த தலைவர்கள் தொடர்ந்து முயற்சித்து வருகின்றனர். இதற்கு விசிக உடன்பட மறுத்து வருகின்றனர். கடந்த காலங்களில் வட தமிழகத்தில் இரு தரப்பினருக்கும் ஏற்பட்ட மோதல்கள் உள்ளிட்ட கசப்பான சம்பவத்தால் இரு தரப்பினரும் ஒரே அணியில் இணைவது மிகவும் சவாலானதாக உள்ளது.

குறிப்பாக, பாமக கூட்டணிக்குள் வந்தால் விசிக வெளியேறும் என்று திருமாவளவனும், அமைச்சர் வன்னி அரசும் திட்டவட்டமாக தெரிவித்து வருகின்றனர். வட தமிழகத்தில் வாக்கு வங்கியை அதிகரிக்கவும், பெரும்பான்மை சிக்கல் இல்லாமல் எஞ்சிய நாட்கள் ஆட்சியை நடத்தவும் பாமக-வை உள்ளே வர கொண்டு  அமைச்சர்கள் திருமாவளவனையும், விசிக-வையும் சமாதானப்படுத்தும் முயற்சியில் தொடர்ந்து ஈடுபட்டு வருகின்றனர்.

என்ன  முடிவு எடுப்பார் விஜய்?

அதேசமயம், சில அமைச்சர்கள் பாமக உள்ளே வருவதால் விசிக வெளியேறினாலும் பாமக ஆதரவை வைத்து சமாளிக்கலாம் என்று விஜய்யிடம் ஆலோசனை கூறி வருகின்றனர். இந்த விவகாரத்தில் தற்போது வரை முதலமைச்சர் விஜய் எந்தவொரு முடிவும் எடுக்காமல் உள்ளார். விரைவில் இந்த விவகாரம் தொடர்பாக விஜய் முடிவு எடுக்க உள்ளார் என்று கருதப்படுகிறது.

Related Post

விஜய் கட்சியில் அதிரடி: தூத்துக்குடி மாவட்ட செயலாளர் மாற்றம்..!

Posted by - பிப்ரவரி 10, 2024 0
TVK Vijay | நடிகர் விஜய் அரசியலில் காலடி எடுத்து வைத்ததற்கு அரசியல் தலைவர்கள், திரைப்பிரபலங்கள் உள்ளிட்ட பலரும் தங்களது வாழ்த்துகளை தெரிவித்தனர். அண்மையில், நடிகர் விஜய்…
Generated Image March 08 2026 7 08PM

கூட்டணி வாய்ப்புகளை கோட்டை விட்ட தவெக: ஆதவ் மீது ஆதங்கத்தைக் கொட்டிய விஜய்

Posted by - மார்ச் 8, 2026 0
தவெக-வை நெருங்கி வந்த கட்சிகளுடன் கூட்டணியை பேசி முடிக்காமல், முறுக்கி கொண்டிருந்த ஆதவ் அர்ஜுனா மீது அதன் தலைவர் விஜய் அதிருப்தியில் இருப்பதாக பனையூர் வட்டாரங்கள் சொல்கின்றன.…
dmk 2026

முரண்டு பிடிக்கும் விசிக, ம.கம்யூ, மநீம.! கூட்டணிக்குள் நடப்பது என்ன.?

Posted by - மார்ச் 20, 2026 0
தேர்தல் நெருங்கி வரும் நிலையில், திமுக கூட்டணியில் கூடுதல் தொகுதிகளை கேட்டு கூட்டணி கட்சிகள் நெருக்கடி கொடுத்து வரும் நிலையில், அடுத்த 3 நாட்களுக்குள் தொகுதி பங்கீட்டை…
CM Vijay Speech

CM Vijay Speech: “ஃப்ராடு, கரூர் கேங், ABUSE” திமுகவை வெளுத்து வாங்கிய விஜய் – வேடிக்கை பார்த்த உதயநிதி ஸ்டாலின்

Posted by - செப்டம்பர் 7, 2026 0
CM Vijay Speech: திமுகவை கரூர் கேங், ஃப்ராட், ஊழல்வாதிகள் மற்றும் அதிகார துஷ்பிரயோகர்கள் என, அமலாக்கத்துறை குறிப்பிட்டுள்ளதாக சட்டப்பேரவையில் முதலமைச்சர் விஜய் கடுமையாக சாடியுள்ளார். CM…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன