w

தமிழகத்தில் சைபர் மோசடிக்கு உதவிய 837 பேர் கைது: 48 மணி நேரம் சிறப்பு அதிரடி நடவடிக்கை

126 0

சென்னை: தமிழகம் முழுவதும் மேற்கொண்ட 48 மணி நேர சிறப்பு அதிரடி நடவடிக்கையில், சைபர் மோசடியில் தொடர்புடைய 837 பேர் கைது செய்யப்பட்டனர். அவர்களிடம் இருந்து 204 செல்போன்கள், 185 சிம் கார்டுகள் பறிமுதல் செய்யப்பட்டுள்ளன.

சிபிஐ அதிகாரிகள், மும்பை கமிஷனர், வருமான வரித் துறை கமிஷனர் என பல உயரதிகாரிகளின் பெயர்களைக் கூறி பல கும்பல்கள் பொதுமக்களை மிரட்டி கோடிக்கணக்கில் பணம் பறித்து வருகிறது.

வாட்ஸ் அப் வீடியோகால் மூலம் அழைக்கும் சைபர் மோசடி கும்பல், ‘உங்கள் ஆதார், பான் எண்களைப் பயன்படுத்தி சட்டவிரோதமாக போதைப் பொருட்கள் கடத்தப்பட்டுள்ளது. சட்டவிரோதப் பணப் பரிவர்த்தனை நடந்துள்ளது. இதுதொடர்பாக உங்களை கைது செய்ய போகிறோம்’ என்று உயரதிகாரி போல் நடித்து மிரட்டும்.

அதற்கேற்ப சீருடைகளையும் அந்தக் கும்பலைச் சேர்ந்தவர்கள் அணிந்து மிரட்டி பணம் பறிக்கின்றனர். நாங்கள் சொல்லும் வரை வெளியில் செல்ல கூடாது, யாரிடமும் பேச கூடாது. உங்களை ‘டிஜிட்டல் கைது’ செய்துள்ளோம் என்று பல நாட்கள் மிரட்டிய சம்பவங்களும் நடந்துள்ளன.

தவிர ஆன்லைன் வர்த்தகம் மற்றும் முதலீட்டு திட்டங்களில் அதிக லாபம் கிடைக்கும் என ஆசைவார்த்தை கூறி பணம் சுருட்டுதல் உள்ளிட்ட பல்வேறு சைபர் குற்றங்கள் தொடர்ந்து அதிகரித்து வருகின்றன.

இந்த மோசடிகளில் ஈடுபடும் கும்பல்கள், தமிழகம் முழுவதும் ஆயிரத்துக்கும் மேற்பட்டோரை இடைத்தரகர்கள் மற்றும் முகவர்களாகப் பயன்படுத்தி வருகின்றன. அவர்களுக்கு மோசடி தொகையில் 10 சதவீதம் வரை கமிஷன் வழங்கப்படுவதாகத் தகவல் வெளியாகியுள்ளன.

எளிதில் பணம் சம்பாதிக்கலாம் என்ற ஆசையில் இளைஞர்கள், கல்லூரி மாணவர்கள் சிலரும், தங்களது வங்கி கணக்குகளை மோசடி கும்பல்கள் பயன்படுத்த அனுமதித்து வருவது விசாரணையில் தெரிய வந்தது.

டிஜிபி உத்தரவு: சைபர் மோசடிக்குத் துணைபோகும் முகவர்கள் மற்றும் இடைத்தரகர்களைக் கண்டறிந்து கைது செய்ய அனைத்து மாவட்ட போலீஸ் அதிகாரிகளுக்கும் டிஜிபி மகேஷ் குமார் அகர்வால் உத்தரவிட்டார்.

இதையடுத்து மாநில சைபர் குற்றப்பிரிவு போலீஸார் ஒருங்கிணைப்பில் மாவட்ட போலீஸாருடன் இணைந்து கடந்த 6 மற்றும் 7-ம் தேதிகளில் 48 மணி நேர சிறப்பு அதிரடி நடவடிக்கை மேற்கொள்ளப்பட்டது. மாநில சைபர் குற்றப்பிரிவு டிஜிபி பாலநாகதேவி தலைமையில் நடைபெற்ற இந்த நடவடிக்கையில், தமிழகம் முழுவதும் 837 சைபர் குற்றவாளிகள் கைது செய்யப்பட்டனர்.

இந்த நடவடிக்கையில் தேசிய சைபர் குற்றப் புகார் இணையதளமான (என்சிஆர்பி) 9,804 புகார்களுடன் சம்பந்தப்பட்ட ரூ.545 கோடியே 27 லட்சத்து 27,809 மதிப்பிலான மோசடி பணப் பரிவர்த்தனைகள் தொடர்பாக விசாரணை நடத்தப்பட்டது. சைபர் குற்ற வழக்குகளில் பதிவு செய்யப்பட்ட 601 முதல் தகவல் அறிக்கைகளில் தொடர்புடைய 837 பேர் கைது செய்யப்பட்டுள்ளனர்.

Related Post

கடலை மாவு இருக்கா? அப்ப இந்த மாதிரி சட்னி செய்யுங்க.. இட்லி, தோசை, பூரிக்கு செமயா இருக்கும்..

Posted by - டிசம்பர் 12, 2023 0
காலையில் உங்கள் வீட்டில் இட்லி, தோசை தான் செய்யப் போகிறீர்களா? எப்போதும் காலையில் இட்லி, தோசை சாப்பிடுவது சரி, அதற்காக சைடு டிஷ் கூட ஒரே மாதிரி…

கொளுத்தும் வெயிலுக்கு இதமான பாதாம் பால் சர்பத்… எப்படி செய்வது?

Posted by - மார்ச் 16, 2023 0
வெயில் காலம் ஆரம்பித்துவிட்டது. நாளுக்கு நாள் வெயிலின் தாக்கம் அதிகரித்து வரும் நிலையில், ஆரோக்கியத்தின் மீது கவனம் செலுத்த வேண்டியது அவசியம். அந்தவகையில், உங்கள் குழந்தைகள் மற்றும்…

முதல் சீசனில் டி.என்.ஏ டெஸ்ட்… இதுல என்னவா இருக்கும்? பாரதி கண்ணம்மா 2 சீரியல் புது அப்டேட்!

Posted by - பிப்ரவரி 6, 2023 0
பாரதியாக புதிதாக களம் இறங்குகிறார் சிபு சூர்யன். ரோஜா சீரியலில் அர்ஜுன் சாராக இவர் செய்த சாகசங்களை யாரும் மறந்திருக்க மாட்டார்கள். சின்னத்திரை ரசிகர்களின் பேச்செல்லாம் பாரதி…

வார இறுதியை இந்த 10 படங்களோடு கொண்டாடுங்க..

Posted by - ஆகஸ்ட் 8, 2024 0
அடுத்த வாரம் தங்கலான் உட்பட ஏகப்பட்ட படங்கள் திரைக்கு வர இருக்கிறது. அதனாலேயே பிரசாந்த் அந்தகன் படத்தை ஒரு வாரம் முன்னதாகவே வெளியிட பிளான் செய்துவிட்டார். அதன்படி நாளை இப்படம் திரைக்கு வருகிறது.…

மீண்டும் பாக்கியாவுடன் இணைய போகிறாரா கோபி.. பாக்யலட்சுமியில் நடக்கவிருக்கும் அடுத்த திருப்பம்

Posted by - ஏப்ரல் 10, 2023 0
பாக்யலட்சுமியில் அடுத்த திருப்பம் பாக்கியலட்சுமி சீரியலில் தற்போது தன்னுடைய மகள் தன்னை விட்டு பிரிந்து சென்றதால் மனமுடைந்துபோன கோபி தண்ணியடித்துவிட்டு தெருவில் கிடந்தார். அவரை முன்னாள் மனைவி பாக்கியா தான்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன