யாரெல்லாம் கொய்யா பழம் சாப்பிடக்கூடாது..? அவசியம் தெரிஞ்சுக்கோங்க..!

281 0

கொய்யாவிற்கு அலர்ஜி இருக்கும் நபர்கள், கர்ப்பமாக இருப்பவர்கள். தாய்ப்பால் கொடுப்பவர்கள் அல்லது கீழ்காணும் உடல்நல குறைபாடுகள் இருப்பவர் கொய்யா சாப்பிடுவதை தவிர்த்து கொள்ள வேண்டும்.

அருமையான சுவை மற்றும் மலிவு விலையில் கிடைக்க கூடிய மிகவும் சத்தான பழங்களில் ஒன்று கொய்யா. இதனை காயாக இருக்கும் போதும் அப்படியே சுவைத்து சாப்பிடலாம், பழமாக இருக்கும் போதும் சுவைக்கலாம்.

குறைந்த கலோரிகள் மற்றும் அதிக நார்ச்சத்து நிறைந்திருக்கும் கொய்யா பொதுவாக பெரும்பாலான மக்களுக்கு பாதுகாப்பானது மற்றும் சத்தானது. இருப்பினும் இந்த பழத்தில் காணப்படும் சில கலவைகள் அனைவருக்கும் ஒரே மாதிரியான பலன்களை தராது. சிலருக்கு பக்கவிளைவுகளை ஏற்படுத்த கூடும்.

கொய்யாவிற்கு அலர்ஜி இருக்கும் நபர்கள், கர்ப்பமாக இருப்பவர்கள். தாய்ப்பால் கொடுப்பவர்கள் அல்லது கீழ்காணும் உடல்நல குறைபாடுகள் இருப்பவர் கொய்யா சாப்பிடுவதை தவிர்த்து கொள்ள வேண்டும்.

கொய்யாவை யார் சாப்பிட கூடாது?

  • செரிமான பிரச்சனை உள்ளவர்கள்…. கொய்யாவை சாப்பிட்டாலே குமட்டல் அல்லது வயிற்று பகுதியில் அசௌகரியம் போன்ற விரும்பத்தகாத அறிகுறிகளை ஒருவர் தொடர்ந்து எதிர்கொண்டால் அவர் கொய்யா சாப்பிடுவதை தவிர்த்து கொள்ள வேண்டும்.
  • எக்ஸிமா: அடோபிக் டெர்மடிடிஸ் என குறிப்பிடப்படும் எக்ஸிமா சருமத்தில் அரிப்பு, சிவத்தல், வறட்சி மற்றும் எரிச்சல் உள்ளிட்ட நிலைமைகளை ஏற்படுத்த கூடியது. இது ஒருவகை தோலழற்சியாகும். Eczema பிரச்சனை உள்ளவர்கள் கொய்யா இலை சாற்றை தவிர்க்க வேண்டும், ஏனெனில் இது எக்ஸிமா அறிகுறிகளை. மோசமாக்கும். கொய்யா இலை சாற்றில் உள்ள சில கெமிக்கல்ஸ், குறிப்பாக எக்ஸிமா போன்ற சாரும் சிக்கல் உள்ளவர்களுக்கு தோல் எரிச்சலை ஏற்படுத்தும். கொய்யா இலை சாற்றை மேற்பூச்சாகப் பயன்படுத்தினால் சிலருக்கு தோல் எரிச்சல் ஏற்படலாம்.
  • நீரிழிவு நிலை… லோ கிளைசெமிக் இன்டெக்ஸ் காரணமாக நீரிழிவு நோயால் பாதிக்கப்பட்டவர்கள் விரும்பும் பழங்களில் கொய்யாவும் ஒன்று. ஆனால் இதனை டயட்டில் சேர்த்துக் கொண்டால், ரத்த சர்க்கரை அளவை தவறாமல் கண்காணிக்க வேண்டும். சுமார் 100 கிராம் கொய்யாவில் 9 கிராம் இயற்கை சர்க்கரை உள்ளது. எனவே, இதனை அதிகமாக சாப்பிடுவது ரத்த சர்க்கரை அளவை அதிகரிக்கலாம். அதே போல் நீரிழிவிற்காக மருந்து எடுத்து கொள்பவர்கள் கொய்யா இலைச்சாற்றை எச்சரிக்கையுடன் பயன்படுத்த வேண்டும்.
  • விரைவில் அறுவை சிகிச்சை செய்து கொள்ள போகிறவர்கள்… ஒருவர் ஏதேனும் அறுவை சிகிச்சை செய்து கொள்ள திட்டமிட்டிருந்தால் குறைந்தது அதற்கு 2 வாரங்களுக்கு முன் கொய்யாவை மருந்தாக அல்லது சப்ளிமென்ட்டாக சாப்பிடுவதை தவிர்த்து கொள்ள வேண்டும். ஏனெனில் கொய்யா ரத்த சர்க்கரை அளவை குறைக்கும் என்பதோடு ரத்தப்போக்கு அபாயத்தை அதிகரிக்கும்.

கொய்யாவில் உள்ள சத்துக்களின் விவரம்:

சுமார் 55 கிராம் அளவுள்ள ஒரு கொய்யாவில் அடங்கி இருக்கும் ஊட்டச்சத்துக்களின் விவரங்கள் கீழே…

  • எனர்ஜி – 37.4 கிலோகலோரி
  • தண்ணீர் – 44.4 கிராம்
  • கார்போஹைட்ரேட்ஸ் (ஃபைபர் உட்பட) – 7.86 கிராம்
  • கொழுப்புகள் – 0.522 கிராம்
  • புரதம் – 1.4 கிராம்
  • ஃபைபர் சத்து – 2.97 கிராம்
  • கால்சியம் – 9.9 மில்லிகிராம்
  • இரும்பு – 0.143 மில்லிகிராம்
  • மெக்னீசியம் – 12.1 மில்லிகிராம்
  • பொட்டாசியம் – 229 மில்லிகிராம்
  • சோடியம் – 1.1 மில்லிகிராம்
  • பாஸ்பரஸ் – 22 மில்லிகிராம்
  • வைட்டமின் சி – 125 மில்லிகிராம்
  • ஃபோலேட் – 27 மில்லிகிராம்
  • வைட்டமின் ஏ – 17mcg
  • லைகோபீன் 2,860mcg.

மேலே நீங்கள் பார்த்த ஊட்டச்சத்துக்கள் தவிர கொய்யாவில் பி வைட்டமின்ஸ், வைட்டமின்கள் கே மற்றும் ஈ, செலினியம், ஜிங்க், காப்பர் மற்றும் மாங்கனீஸ் போன்ற பிற ஊட்டச்சத்துக்களும் உள்ளன.

கொய்யா சாப்பிடுவதால் கிடைக்கும் சில முக்கிய ஆரோக்கிய நன்மைகள்…

வைட்டமின் சி, லைகோபீன் போன்ற அழற்சி எதிர்ப்பு மற்றும் ஆன்டி-ஆக்ஸிடன்ட்ஸ் நிறைந்துள்ளதால் கொய்யா நுகர்வு பல ஆரோக்கிய நன்மைகளை அளிக்கிறது. கொய்யாவில் உள்ள வைட்டமின்ஸ் மற்றும் ஆன்டிஆக்ஸிடன்ட்ஸ் மூளை மற்றும் நரம்பு ஆரோக்கியத்தை மேம்படுத்த உதவுகின்றன. கொய்யாவில் காணப்படும் பல ஆன்டிஆக்ஸிடன்ட்கள் செல்களை ஆரோக்கியமாக பராமரிக்க உதவுவதோடு, கேன்சரிலிருந்தும் கூட பாதுகாக்கும்.

சிறந்த செரிமான ஆரோக்கியம் மற்றும் ஆரோக்கியமான குடல் பாக்டீரியாக்களின் வளர்ச்சிக்கு உதவுகிறது. ரத்தத்தில் உள்ள கொலஸ்ட்ரால் மற்றும் சர்க்கரை அளவை சீராக வைக்கவும், நோய் எதிர்ப்பு சக்தியை வலுவாக்கவும், முடி, தோல், எலும்புகள் மற்றும் கண் ஆரோக்கியத்திற்கும் நல்லது. கொய்யாவின் மருத்துவப் பயன்பாடுகளுக்கு போதுமான அறிவியல் சான்றுகள் இல்லை என்றாலும் வயிற்றுப்போக்கு, கண்புரை, நீரிழிவு நோய், உயர் ரத்த அழுத்தம், மாரடைப்பு மற்றும் பக்கவாதம், உயர் ரத்த கொழுப்பு, இருமல், முன்கூட்டியே ஏற்படும் முதுமை, முகப்பரு பல என பல நிலைமைகளுக்கு எதிராக நம்மை பாதுகாக்க கொய்யா உதவும் என ஆராய்ச்சி கூறுகிறது.

கொய்யாவை அப்படியேவோ அல்லது கொய்யா ஜாம்கள், பழச்சாறுகள் மற்றும் பிற உணவுகள் மற்றும் பானங்கள் வடிவில் சாப்பிடலாம். கொய்யா இலைகள் மூலிகை டீ-க்களாகவும், மாத்திரைகள், காப்ஸ்யூல்கள் மற்றும் பவுடர் வடிவில் வணிக ரீதியாக கிடைக்கின்றன.

Related Post

சப்பாத்திக்கு அருமையான காஷ்மீரி மட்டன் குருமா

Posted by - ஏப்ரல் 4, 2023 0
முஸ்லீம்கள் நோன்பு காலத்தில் மட்டனை சமைத்து சாப்பிடுவார்கள். சூடான சாதத்துடன் சாப்பிடவும் இந்த ரெசிபி சூப்பராக இருக்கும். தேவையான பொருட்கள்: மட்டன் – அரை கிலோ வரமிளகாய்…

ஜில்லென தண்ணீர் குடித்தால் மெட்டபாலிசம் அதிகரித்து எடை குறையுமா.?

Posted by - பிப்ரவரி 16, 2023 0
உடல் எடை அதிகரிப்பு மற்றும் உடல் பருமன் ஆகியவை உலக அளவில் மிகப்பெரிய குறைபாடாக மாறி வருகிறது. அவசரமாக இயங்கும் உலகம், ஆரோக்கியமற்ற உணவுகள், உடல் உழைப்பு…

‘இனி இவருக்கு பதில் இவர்’ எதிர் நீச்சல் தொடரில் இருந்து விலகிய முக்கிய நடிகை. அடடே இவரா ?

Posted by - ஜனவரி 6, 2023 0
சின்னத்திரை சீரியல் இயக்குனர்களில் மிகவும் பிரபலமான இயக்குனராக திகழ்பவர் திருச்செல்வம். இவர் ஆரம்பத்தில் டப்பிங் தியேட்டரிலும், இளையராஜா மியூசிக் கம்போஸ் செய்யும் ஒலிப்பதிவு கூடத்திலும் பணிபுரிந்து கம்போஸ் பின்…

எதிர்நீச்சல் சீரியல் நடிகைக்கு ஏற்பட்ட எலும்பு முறிவு- தற்போது அவரது நிலைமை என்ன, புகைப்படத்துடன் இதோ

Posted by - மார்ச் 7, 2023 0
எதிர்நீச்சல் சீரியல் திருச்செல்வம் இயக்க சன் தொலைக்காட்சியில் கடந்த வருடம் பிப்ரவரி மாதம் தொடங்கப்பட்ட ஒரு தொடர் எதிர்நீச்சல். இதில் கனிகா, ஹரிப்பிரியா, பிரியதர்ஷினி என பல மக்களுக்கு நன்கு பரீட்சயப்பட்ட…

முருங்கைக் கீரையை வெச்சு அடுத்தமுறை இப்படி குழம்பு செய்யுங்க.. குழந்தைங்க விரும்பி சாப்பிடுவாங்க…

Posted by - ஆகஸ்ட் 29, 2023 0
வாரம் ஒருமுறை கீரையை உணவில் சேர்ப்பது உடலுக்கு மிகவும் நல்லது. ஏனெனில் கீரையில் உடலுக்கு வேண்டிய இரும்புச்சத்து, கண்களின் ஆரோக்கியத்திற்கு தேவையான வைட்டமின்கள் அதிகமாக உள்ளன. மேலும்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன