ஒரே நேரத்தில் பல சேனல்கள்.. Tata Play டிடிஎச் சேவையின் ரூ.199 பிளான்!

414 0

நீங்களொரு டாடா ப்ளே (Tata Play) கஸ்டமர் என்றால்.. உங்களுடைய டிடிஎச் (டைரக்ட்-டு-ஹோம்) ஆப்ரேட்டரிடம் இருந்து கிடைக்கும் ரூ.199 திட்டத்தை பற்றி, நீங்கள் கட்டாயம் அறிந்துகொள்ள வேண்டும். இந்த திட்டத்தில் அப்படி என்ன ஸ்பெஷல்? இதன் கீழ் என்னென்ன நன்மைகள் கிடைக்கும்? இதோ விவரங்கள்:

பலரும் கேபிள் டிவி கனெக்ஷனை ‘கட்’ செய்துவிட்டு ஓடிடி தளங்களுக்கு ‘ஜம்ப்’ அடித்துவரும் நிலைப்பாட்டில், தன்னுடைய டிடிஎச் வாடிக்கையாளர்களை தக்கவைக்கும் நோக்கத்தின் கீழ் டாடா பிளே நிறுவனமானது டாடா பிளே ரெக்கார்ட் பிரீமியம் (Tata Play Record Premium) என்கிற சேவையை வழங்கி வருகிறது.பெயர் குறிப்பிடுவது போலவே இது, வாடிக்கையாளர்கள் தங்களுக்கு பிடித்த நிகழ்ச்சிகளை பதிவு செய்ய உதவுகிறது. இந்த சேவையின் சிறப்பம்சம் என்னவென்றால், இது ஒரே நேரத்தில் பல சேனல்களில் இருந்து கன்டென்ட்-ஐ ரெக்கார்ட் செய்ய அனுமதிக்கிறது (Record multiple channels at same time).

அதாவது நீங்கள் வேறொரு சேனலில் எதையாவது பார்த்து கொண்டிருக்கும் அதே நேரத்தில், பின்னர் பார்க்க வேண்டிய மற்றொரு டிவி நிகழ்ச்சியை ரெக்கார்ட் செய்யலாம். சுருக்கமாக டாடா பிளே ரெக்கார்ட் பிரீமியம் சேவையின் கீழ் இருக்கும் வாடிக்கையாளர்கள் – நேரத்தட்டுப்பாடு, ஒரே நேரத்தில் 2 நிகழ்ச்சிகள் போன்ற காரணங்களால் – எந்தவொரு நிகழ்ச்சியையும் இழக்க வேண்டிய அவசியமே இருக்காது.

என்ன விலை? எவ்வளவு நேரம் ரெக்கார்ட் செய்யலாம்? டாடா ப்ளேவின் ரெக்கார்ட் பிரீமியம் சேவைக்கு மாதம் ரூ.199 செலவாகும். இந்த சேவைக்கான சந்தாவை டாடா பிளே இணையதளம் அல்லது டாடா பிளே மொபைல் ஆப் வழியாக டிஜிட்டல் முறையில் வாங்கலாம்.

இந்த சந்தாவின் கீழ் உங்களுக்கு 100 மணிநேர ரெக்கார்டிங் கிடைக்கும். மேலும் (முன்னரே குறிப்பிட்டபடி) ஒரே நேரத்தில் 20 ப்ரோகிராம்களை உங்களால் பதிவு செய்ய முடியும். இன்னொரு சுவாரசியமான விஷயம் என்னவென்றால்.. உங்கள் அக்கவுண்ட் செயலிழந்தாலும் கூட, நீங்கள் ரெக்கார்ட் செய்த ப்ரோகிராம்களை 30 நாட்களுக்குப் பார்க்க முடியும்.இந்தச் சேவை டாடா பிங்கே பிளஸ் செட்-டாப்-பாக்ஸ் (Tata Play Binge+ STB) வாடிக்கையாளர்களுக்கு மட்டுமே கிடைக்கும் என்பதும் இங்கே குறிப்பிடத்தக்கது. டாடா பிளே நிறுவனத்திடம் டாடா பிளே பேஸிக் ரெக்கார்ட் (Tata Play Basic Record) என்கிற இலவச ரெக்கார்டிங் சந்தாவும் உள்ளது. ஆனால் இந்த திட்டத்தின் கீழ் உங்களால் 25 மணிநேரம் வரையிலான கன்டென்ட்-ஐ மட்டுமே பதிவு செய்ய முடியும்.

மேலும் ஒரே நேரத்தில் ஒரே ஒரு புரோகிராம் மட்டுமே ரெக்கார்ட் செய்ய அனுமதிக்கப்படும். அதுமட்டுமின்றி டாடா பிளே பேஸிக் ரெக்கார்ட் சந்தாவின் கீழ் நீங்கள் செய்யும் பதிவுகள் ஆனது 3 மாதங்களுக்கு பிறகு (சரியாக பதிவு செய்த தேதியிலிருந்து) நீக்கப்படும் என்பதும் இங்கே குறிப்பிடத்தக்கது.

சமீபத்தில் டாடா பிளே பிங்கேவில், ஜப்பானிய அனிமேஷன் பிளாட்ஃபார்ம் ஆன அனிமேக்ஸ் சேர்க்கப்பட்டதும் இங்கே குறிப்பிடத்தக்கது. இந்திய நுகர்வோர்கள் மத்தியில் அனிமேஷன் கன்டென்ட்கள் பிரபலமடைந்து வருவதை மனதிற்கொண்டு டாடா பிளே நிறுவனம் இந்த நடவடிக்கை எடுத்துள்ளது.

இதன் கீழ் டாடா பிளே பிங்கே சந்தாதாரர்கள் இப்போது அனிமேக்ஸில் இருந்து தங்களுக்கு பிடித்த அனிமேஷன் கன்டென்ட்டை பார்க்க முடியும். அனிமேக்ஸ் என்பது டாடா பிளே பிங்கே சேவையில் பயனர்கள் அணுகக்கூடிய பல தளங்களில் ஒன்றாகும். அனிமேக்ஸ் தவிர, டாடா பிளே பிங்கே சேவையில் டிஸ்னி பிளஸ் ஹாட்ஸ்டார் (Disney+ Hotstar), ஆப்பிள் டிவி பிளஸ் (Apple TV+), ஜீ5 (ZEE5) உள்ளிட்ட ஓடிடி சேவைகளும் கிடைக்கும்

கூடவே பியூஸ் பிளஸ் (Fuse+), ஹால்மார்க் (Hallmark), எம்எக்ஸ் பிளேயர் (MX Player), பிடிசி பிளே (PTC Play), லயன்ஸ்கேட் பிளே (Lionsgate Play), ஆஹா (Aha), வ்ரூட் (VROTT), ஸ்டேஜ் (STAGE), சன் நெக்ஸ்ட் (Sun NXT), ரீல் டிராமா (ReelDrama) உட்பட பல வகையான ஓடிடி தளங்களுக்கான அணுகல்களும் கிடைக்கும்.

Related Post

Revolt EV Bike வாங்கலாமா? வேண்டாமா?

Posted by - டிசம்பர் 23, 2025 0
Petrol விலை நாளுக்கு நாள் உயர்ந்து கொண்டிருக்குற இந்த நேரத்துல, Electric Bike (EV Bike) வாங்கலாமா என்ற கேள்வி பலருக்கும் வருகிறது.இந்த EV bikes-ல அதிகம்…

கிளாமரில் அசத்தும் நடிகை ப்ரியா பவானி ஷங்கர்.. வைரல் போட்டோஷூட் புகைப்படங்கள்

Posted by - ஜூன் 20, 2023 0
ப்ரியா பவானி ஷங்கர் சின்னத்திரையில் இருந்து வெள்ளித்திரையில் என்ட்ரி கொடுத்து கலக்கி கொண்டிருக்கும் நடிகைகளில் ஒருவர் ப்ரியா பவானி ஷங்கர். இவர் நடிப்பில் இந்த ஆண்டு பத்து…

பெரிய உசுரு போக போகுது.. சக்திக்கு என்னாச்சு? எதிர்நீச்சல் தொடர்கிறது இன்றைய ப்ரோமோ

Posted by - நவம்பர் 13, 2025 0
சன் டிவியின் எதிர்நீச்சல் தொடர்கிறது சீரியலில் ஆதி குணசேகரன் பற்றிய உண்மை பெண்கள் எல்லோருக்கும் தெரியவந்துவிட்ட நிலையில் கதை இனி எப்படி நகர போகிறது என ரசிகர்கள்…

மகேஷுக்கு தெரியவந்த உண்மை.. அன்புவை தாக்க போகிறாரா! சிங்கப்பெண்ணே பரபரப்பு ப்ரோமோ

Posted by - செப்டம்பர் 13, 2025 0
சன் டிவியின் சிங்கப்பெண்ணே சீரியலில் ஆனந்தி கர்ப்பமாக இருக்கும் தகவல் மகேஷுக்கு எப்போது தெரியவரும், அப்படி நடந்தால் அவர் என்ன செய்வார் என ரசிகர்கள் அதிகம் எதிர்பார்த்து…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன