அதிமுகவுக்கு நயினார்… ஓபிஎஸ் – தினகரனுக்கு அண்ணாமலை!

193 0

அதிமுக தலைமைக்குப் பிடிக்காத தினகரன், ஓபிஎஸ் ஆகியோருடன் பாஜக முன்னாள் மாநில தலைவர் அண்ணாமலை அதிக நெருக்கமாக இருப்பதில் யாருக்கும் வியப்பில்லை. ஆனால், தங்களுக்குப் பிடிக்காத நபரான அண்ணாமலை, இவர்கள் இருவரையும் வைத்து என்னவோ திட்டம் தீட்டுகிறார் என்பதால் பழனிசாமி இந்த விவகாரத்தில் வெளிக்காட்டிக் கொள்ள முடியாத கோபத்தில் இருக்கிறார்.

அதேசமயம், அண்ணாமலையை வைத்து, தினகரனும் ஓபிஎஸ்ஸும் வேறெந்த திசையிலும் ஊடுபாய்ந்து விடாமல் இருக்க அணைபோட்டு வருகிறார் அமித் ஷா. அவரைப் பொறுத்தவரை பழனிசாமியை சாந்தப்படுத்த நயினார் நாகேந்திரனையும் ஓபிஎஸ், தினகரனுக்கு அணைகட்ட அண்ணாமலையையும் அழகாகப் பயன்படுத்தி வருகிறார்.

தலைவர் பொறுப்பிலிருந்து நீக்கப்பட்ட பிறகு அன்றாடச் செய்திகளில் அடிபடுவதை விட்டு சற்றே ஒதுங்கி இருந்தார் அண்ணாமலை. தேர்தல் நெருங்குவதால் இப்போது மீண்டும் முன்னணிக்கு வந்திருக்கிறார். டெல்லி சென்று பாஜக முக்கிய தலைவர்களை சந்திப்பது, கமலாலயத்தில் செய்தியாளர்களைச் சந்தித்து ஆளும் கட்சிக்கு எதிராக அனல் கக்கும் வசனங்களைப் பேசுவது என தமிழக பாஜக இப்போது மீண்டும் அண்ணாமலையை மையமாக வைத்து சுழல ஆரம்பித்திருக்கிறது.

2026 தேர்தலில் தமிழகத்தைவிட்டு திமுக துடைத்து எறியப்படும் என்று ஆவேசப்பட்டிருக்கும் அமித் ஷா, அதற்கான வியூகங்களை வகுக்கவே அண்ணாமலையை டெல்லிக்கு அழைத்து பேசியிருப்பதாகச் சொல்கிறார்கள்.

திமுக கூட்டணிக்கு எதிராக வலுவான கூட்டணியை அமைக்கவும், அதிமுக-வுக்கு வெளியில் இருக்கும் அக்கட்சியின் முக்கிய தலைவர்களை கூட்டணிக்குள் கொண்டு வரவும் அண்ணாமலைக்கு அமித் ஷா சில அசைன்மென்ட்களை கொடுத்திருப்பதாக பாஜக-வினரே சொல்கிறார்கள். இதன் ஒருபகுதியாகவே, ஓபிஎஸ், டிடிவி, தினகரனை சந்தித்துப் பேசி வருகிறார் அண்ணாமலை.

இந்த வேலைகளை நயினார் வசம் ஒப்படைத்தால் கூட்டணிக்குள் மீண்டும் குழப்பம் வரும் என்பதால் இதை அண்ணாமலையிடம் ஒப்படைத்திருக்கிறார் அமித் ஷா.

ஜெயலலிதா காலத்தில் அதிமுக-வில் அவர் தான் எல்லாமே மற்றவர்கள் எல்லாம் அவர் என்ன சொல்கிறாரோ அதைச் செய்து முடிக்கும் களப்பணியாளர்களாக மட்டுமே இருந்தார்கள்.

அந்தக் கட்சியில் அப்படியே இருந்து பழகிவிட்ட நயினார் நாகேந்திரன் இன்னும் முழுமையான பாஜக-காரராக மாறவில்லை. ஆனால், அண்ணாமலை அதற்கு நேர்மாறாக இருக்கிறார். அதனால் தான் அவரை ஆயுதமாக எடுத்துச் சுழற்றுகிறார் அமித் ஷா.

Related Post

s 11

SIR படிவங்களை திருப்பி வழங்க கால அவகாசம்

Posted by - டிசம்பர் 11, 2025 0
தமிழ்நாட்டில் எஸ்ஐஆர் படிவங்களை திருப்பி ஒப்படைப்பதற்கான கால அவகாசத்தை நீட்டித்துள்ளது தேர்தல் ஆணையம். அதன்படி, வரும் 14-ம் தேதி கடைசி நாளாகும். தமிழ்நாடு உட்பட 6 மாநிலங்களில்,…
fb

மே 4ஆம் தேதி வாக்குகள் இப்படித்தான் எண்ணப்படும்.! தேர்தல் ஆணையம் வெளியிட்ட முக்கிய அறிவிப்பு

Posted by - ஏப்ரல் 27, 2026 0
Tamil Nadu Assembly election vote counting : காலை 8:00 மணிக்குத் தபால் வாக்குகள் எண்ணும் பணி துவங்கும் என தெரிவித்துள்ள தேர்தல் ஆணையம், 30…

மக்களே! ரூபாய் 3 ஆயிரம்.. பொங்கல் பரிசுத்தொகுப்புடன் வழங்க அரசு முடிவு?

Posted by - டிசம்பர் 10, 2025 0
2026ம் ஆண்டு பொங்கல் பண்டிகைக்கு பொங்கல் பரிசுத்தொகுப்புடன் ஒவ்வொரு குடும்ப அட்டைக்கும் ரூபாய் 3 ஆயிம் வழங்க தமிழக அரசு முடிவு செய்துள்ளதாக தகவல் வெளியாகியுள்ளது. தமிழ்நாட்டில்…
election 2026

தமிழக சட்டப்பேரவைக்கு ஏப்.23ல் ஒரே கட்டமாக தேர்தல்: மே.4ல் வாக்கு எண்ணிக்கை

Posted by - மார்ச் 15, 2026 0
சென்னை: தமிழக சட்டப்பேரவை தேர்தல் ஏப்ரல் 23 ம் தேதி ஒரே கட்டமாக நடைபெறுகிறது. மே 4-ம் தேதி வாக்கு எண்ணிக்கை நடைபெற்று, முடிவுகள் அறிவிக்கப்படும் என்று தலைமை…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன