இங்க நான் தான் கிங்கு திரைப்படம் குறித்து ரசிகர்கள் கருத்து…

சந்தானம் நடிப்பில் வெளியாகியுள்ள “இங்க நான் தான் கிங்கு” திரைப்படம் ரசிகர்களிடையே நல்ல வரவேற்பை பெற்றுள்ளது.

சந்தானம் நடிப்பில் வெளியாகியுள்ள இங்க நான் தான் கிங்கு திரைப்படம் இன்று உலகம் முழுவதும் திரையரங்கில் வெளியாகி உள்ளது. இந்த திரைப்படத்தை ஆனந்த் நாராயண் இயக்கி உள்ளார். சந்தானம், பிரயாலயா, மனோபாலா, தம்பி ராமையா, முனீஸ்காந்த், பால சரவணன், லொள்ளு சபா ஷேசு, லொள்ளு சபா மாறன், விவேக் பிரசன்னா என பல நட்சத்திரங்கள் இத்திரைப்படத்தில் நடித்துள்ளனர். இப்படத்திற்கு டி.இமான் இசையமைத்துள்ளார்.

திருமணம் நடக்க சொந்தமாக வீடு இருக்க வேண்டும் என்பதற்காக கடன் வாங்கி தவிக்கும் சந்தானம், அந்த கடனை எப்படி அதே திருமணம் மூலம் அடைக்கிறார் என்பதே இப்படத்தின் கதை களமாக உள்ளது. பொதுவாக சந்தானம் படம் என்றால்காமெடிக்கு பஞ்சம் இருக்காது. அதேபோல் இந்த திரைப்படத்திலும் காமெடி வேறலெவலாக இருப்பதாக ரசிகர்கள் கூறுகின்றனர். படம் முழுக்க காட்சிக்கு காட்சி நகைச்சுவையை அள்ளித் தெளித்திருக்கிறார் இயக்குநர் என்று தெரிவிக்கின்றனர்.மேலும் இந்த படத்தில் சந்தானம், தம்பி ராமையா, பால சரவணன் கூட்டணி வேறலெவல் காம்போவாக இருப்பதாகவும் காமெடி, டான்ஸ் என சந்தானம் நன்றாக நடித்து இருப்பதாகவும் ரசிகர்கள் தங்கள் கருத்துக்களை தெரிவிக்கின்றனர். குறிப்பாக டி.இமான் பிண்ணனி இசை, பாடல்கள் நன்றாக‌ இருப்பதாகவும் இந்த கோடை விடுமுறைக்கு குடும்பத்துடன் பார்க்க வேண்டிய படம் என்றும் ரசிகர்கள் கருத்துக்களை கூறுகின்றனர்.