தமிழ்நாட்டில் அடுத்தடுத்து ரீரிலீசாக காத்திருக்கும் 6 படங்கள்.. எந்தெந்த படங்கள் தெரியுமா?தமிழ் சினிமாவில் பெயர் சொல்லும் அளவிற்கு சூப்பர் ஹிட் கொடுக்கும் படங்களின் வரவு நாளுக்கு நாள் குறைந்து கொண்டே வருகிறது. குடும்பத்துடன் வந்து கொண்டாடும் படங்களின் எண்ணிக்கையும் குறைந்து விட்டது. இதனால் மலையாளம், தெலுங்கு மொழிகளில் உருவாகும் படங்கள் தமிழ் நாட்டில் வெளியாகி சூப்பர் டூப்பர் ஹிட் அடித்து வருகிறது. மஞ்சும்மெல் பாய்ஸ், ப்ரேமலு போன்ற படங்கள் தமிழ் நாட்டில் வெளியாகி ரசிகர்கள் மத்தியில் மாபெரும் வரவேற்பை பெற்றது. தமிழ் சினிமா ரசிகர்கள் தற்போது மலையாளம், தெலுங்கு மொழி படங்களை பார்க்க தொடங்கிவிட்டனர்.
சமீபகாலமாக ரசிகர்கள் கொண்டாடும் வகையில் எந்த தமிழ் படமும் வருவதில்லை, இதனால் திரையரங்குகளுக்கு வரும் மக்கள் வீட்டில் ஓடிடியில் நல்ல படங்களை தேர்ந்தெடுத்து குடும்பத்துடன் பார்த்து மகிழ்கின்றனர். இதனால் தமிழ் ரசிகர்களை குதூகலத்தில் ஆழ்த்தும் வகையில் தமிழ் படங்கள் தற்போது தியேட்டர்களில் மீண்டும் ரீ ரிலீஸ் செய்யபடுகிறது.
கொரோனா பெருந்தொற்றுக்கு பிறகு, ரசிகர்களை மீண்டும் திரையரங்குகளின் பக்கம் ஈர்க்க ஏற்கனவே ரிலீஸ் ஆன ஹிட் கொடுத்த தமிழ் படங்கள் மீண்டும் திரையரங்குகளில் ரீ ரிலீஸ் செய்யப்பட்டது குறிப்பிடத்தக்கது.அந்த வகையில், ரீ ரிலீஸ் செய்யப்பட்ட படங்களின் வரிசையில் சில நாட்களுக்கு முன்பு 20 ஆண்டுகள் கழித்து விஜய் நடிப்பில் உருவான கில்லி படம் ரீ ரிலீஸ் செய்யப்பட்டது. இந்த படம் திரையரங்குகளில் பட்டையை கிளப்பி வருகிறது. ரசிகர்கள் கில்லியின் ரீ ரிலீஸை உச்சக்கட்டத்தில் கொண்டாடி வருகின்றனர். திரையரங்குகள் முழுவது கான்செர்ட் அரங்கம் போல காட்சியளிக்கிறது. கில்லி படம் ரீ ரிலீஸ் செய்யப்பட்டு 10 நாட்களுக்கு மேல் ஆகியும் கூட, திரையரங்குகள் இன்றும் ஹவுஸ்புல்லாக தான் இருக்கிறது.
ரீ ரிலீஸ் செய்யப்பட்ட கில்லி திரைப்படம் 10 கோடி வசூல் சாதனை படைத்துள்ளது, இந்த படத்தின் மாபெரும் வெற்றி அடுத்தடுத்த தமிழ் படங்களை ரீ ரீலிஸ் செய்ய தூண்டியுளளது. அந்த வகையில் அடுத்தடுத்து ரீ ரிலிசுக்கு 6 படங்கள் காத்திருக்கிறது. அதன்படி மே 11 ஆம் தேதி அஜித்தின் பிறந்தநாளை முன்னிட்டு மங்காத்தா, பில்லா படங்கள் ரீ ரிலீஸ் ஆகவுள்ளது. மேலும், மே 19 ஆம் தேதி விஜய்யின் குஷி படமும், மே 30 ஆம் தேதி கமலின் இந்தியன் படமும் ரீ ரிலிசாக உள்ளது.
