‘அரண்மனை-4’ படம் விரைவில் திரையரங்குகளில் வெளியாக உள்ள நிலையில் அப்படத்தின் BTS புகைப்படங்களை பகிர்ந்து நடிகை தமன்னா நெகிழ்ச்சி தெரிவித்துள்ளார்.
தமிழ் சினிமவில் நடிகராகவும் இயக்குனராகவும் வலம் வருபவர் தான் சுந்தர்.சி . இவரது இயக்கத்தில் இதுவரை எத்தனையோ படங்கள் வெளியாகி இருந்தாலும் இவர் இயக்கி நடித்த அரண்மனை படத்தின் அனைத்து பாகங்களுக்கும் மக்கள் மத்தியில் அமோக வரவேற்பு கிடைத்துள்ளது.
அந்தவகையில் இவரது இயக்கத்தில் தற்போது உருவாகி உள்ள அரண்மனை 4 படத்தின் மீது ஏகபோக எதிர்பரப்பு நிலவி வருகிறது.
சுந்தர்.சி இயக்கி நடித்துள்ள இப்படத்தில் தமன்னா, ராஷி கண்ணா, யோகி பாபு, கோவை சரளா, சிங்கம்புலி, VTV கணேஷ், டெல்லி கணேஷ், ஜே பி, விச்சு, கே ஜி எஃப் ராம், சேசு, சந்தோஷ் பிரதாப், மொட்டை ராஜேந்திரன் உள்ளிட்ட பலர் நடித்துள்ளனர்.
ஹிப்ஹாப் ஆதி இசையமைத்துள்ள இப்படத்தின் ட்ரைலர் கடந்த சில நாட்களுக்கு முன் வெளியான நிலையில் அந்த ட்ரைலருக்கு ரசிகர்கள் மத்தியில் நல்ல வரவேற்பு கிடைத்தது.
இதையடுத்து இந்த படமும் மே 3 ஆம் தேதி உலகம் முழுவதும் உள்ள திரையரங்குகளில் வெளியாக உள்ளது
இந்நிலையில் ‘அரண்மனை-4’ படம் விரைவில் திரையரங்குகளில் வெளியாக உள்ள நிலையில் அப்படத்தின் BTS புகைப்படங்களை பகிர்ந்து நடிகை தமன்னா நெகிழ்ச்சி தெரிவித்துள்ளார்.
“அரண்மனை-4 படத்தில் நடிப்பது சவாலாக இருந்தாலும், மிகவும் ஜாலியாக இருந்தது. அனைத்து சண்டை காட்சிகளிலும் நான்தான் நடித்தேன். இந்த படத்தின் ஒரு பகுதியாக இருப்பது சந்தோஷமாக உள்ளது” என படத்தின் BTS புகைப்படங்களை பகிர்ந்து நடிகை தமன்னா நெகிழ்ச்சியுடன் தெரிவித்துள்ளார்.
