சுந்தர் சி வடிவேலு காம்போ இஸ் பேக்…கவலை மறந்து சிரிக்க வைக்கும் கேங்கர்ஸ்…முழு விமர்சனம் இதோ

339 0

சுந்தர் சி , வடிவேலு நடிப்பில் இன்று திரையரங்குகளில் வெளியாகி இருக்கும் கேங்கர்ஸ் படத்தின் முழு விமர்சனம் இதோ

கேங்கர்ஸ்

சுந்தர் இயக்கி வடிவேலுவுடன் இணைந்து நடித்துள்ள கேங்கர்ஸ் திரைப்படம் இன்று திரையரங்கில் வெளியாகியுள்ளது. கேததின் டெரஸா , வானி போஜன் , முனிஷ்காந்த் , பக்ஸ், காளை , ஹரிஷ் பேரடி , அருள்தாஸ் , சந்தான பாரதி உள்ளிட்ட பலர் இப்படத்தில் நடித்துள்ளார்கள். சி சத்யா இப்படத்திற்கு இசையமைத்துள்ளார். பல சூப்பர்ஹிட் நகைச்சுவை படங்களைக் கொடுத்த சுந்தர் சி வடிவேலு காம்போ கேங்கர்ஸ் படத்திலும் தொடர்கிறது. இப்படத்தின் முழு விமர்சனத்தை இங்கே பார்க்கலாம் .

கேங்கர்ஸ் கதை

அரசு பள்ளியில் படிக்கும் மாணவி ஒருவர் திடீரென்று காணாமல் போகிறார். இதே பள்ளியில் ஆசிரியராக பணிபுரிகிறார்கள் சுஜிதா (கேதரின் டெரஸா) மற்றும் பி டி மாஸ்டர் சிங்காரம் (வடிவேலு). பின் புதிதாக வந்து சேர்கிறார் சரவணன் (சுந்தர் சி). உள்ளூர் அரசியல்வாதிகளான மைம் கோபி மற்றும் அருள்தாஸ் பள்ளியை தங்களது சாராய விற்பனை மற்றும் இன்னும் சில தவறான செயல்களுக்கு பயன்படுத்திக் கொள்கிறார்கள். இவர்களை ஒவ்வொருத்தராக  மறைந்திருந்து அட்டாக் செய்கிறார்  சுந்தர் சி. ஒவ்வொரு முறை வில்லன்களை சுந்தர் சி அடித்துவிட்டு வர அந்த இடத்தில் வந்து மாட்டிக் கொள்கிறார் வடிவேலு.  இப்படி தொடரும் கதை முதல் பாதியோடு டைவர்ஷன் எடுத்து இரண்டாம் பாதியில் புதிய ரூட்டில் செல்கிறது. முக்கிய வில்லனாக வரும் ஹரிஷ் பேரடி மறைத்து வைத்திருக்கும் 100 கோடியை கொள்ளையடிப்பதே கதையாக மாறுகிறது. ஒருகட்டத்திற்கு மேல்  என்ன கதை என்பதையே மறந்து  ஆடியன்ஸை வயிறு வலிக்க சிரிக்க வைக்கிறார்கள் கேங்கர்ஸ்.

கேங்கர்ஸ் விமர்சனம்

வடிவேலுவை முழுக்க முழுக்க ஒரு காமெடி படத்தில் பார்க்க வேண்டும் என்கிற ஆசை சிறுசு முதல் பெருசுவரை எல்லாருக்கும் இருக்கிறது. அந்த குறையை கேங்கர்ஸ் படம் தீர்த்து வைக்கிறது. பி.டி வாத்தியார் சிங்காரமாக வரும் வடிவேலு தான் இப்படத்தின் நாயகன் என்றே சொல்லலாம். கதை ரீதியாக புதிதாக சொல்வதற்கு ஏதும் இல்லை. சமாளிப்பதற்கு ஒரு கதை , சம்பிரதாயத்திற்கு சில சண்டைக்காட்சிகள் , சம்பந்தமில்லாத ஒரு மசாலா பாடல் என சுந்தர் சி படங்களுக்கே உரிய எல்லாமும் இந்த படத்திலும் இருக்கின்றன. ஆனால் நம்முடைய ஃபோகஸ் எல்லாம் இருப்பது வடிவேலு என்கிற ஒரு நபரின் மேல்தான். துளியளவும் எனர்ஜி குறையாமல் நகைச்சுவையில் அதகளம் செய்கிறார்.

முதல் பாதியில் ஒரு சில இடங்களைத் தவிர மற்ற காட்சிகளில் காமெடி பெரிதாக சிரிக்க வைப்பதில்லை. ஆனால் இரண்டாம் பாதியில் தான் நடக்கிறது உண்மையான சுந்தர் சி வடிவேலு மேஜிக். இவர்களுடன் பக்ஸ் , சந்தானபாரதி , முனிஷ்காந்த் , காளை என அனைவரும் சேர்ந்து ரகளை செய்திருக்கிறார்கள். வெவ்வேறு கெட் அப்களில் வரும் வடிவேலு துளியும் எனர்ஜி குறையாமல் படம் முழுவதும் காணப்படுகிறார். ஹீரோயிசத்தை எல்லாம் ஓரம்கட்டிவிட்டு எல்லா நடிகர்களிடமும் உச்சபட்ச நடிப்பை வாங்கியிருக்கிறார் சுந்தர் சி. திரையரங்கில் நடக்கும் க்ளைமேக்ஸ் காட்சி ஃபன் அன்லிமிடட். குறிப்பாக வடிவேலு மற்றும் பக்ஸ் கூட்டணி அல்டிமேட்.

கடந்த ஆண்டு அரண்மனை 4 , கடைசியாக வெளியான மதகஜராஜா என அடுத்தடுத்து இரு வெற்றிகளை கொடுத்த சுந்தர் சி தற்போது கேங்கர்ஸ் படத்தின் மூலம் ஹாட்ரிக் வெற்றியை பதிவு செய்துள்ளார். இறுதியாக சுந்தர் சி யுனிவர்சில் இருந்து ஒரு சின்ன ட்விஸ்ட் வைத்து கேங்கர்ஸ் 2 ஆம் பாகத்திற்கான லீட் கொடுத்து முடிகிறது படம்.

Related Post

பிறந்தநாளில் ரசிகர்களுக்கு விஜய் கொடுக்கவுள்ள பரிசு.. வெளிவரவிருக்கும் வெறித்தனமான அப்டேட்

Posted by - ஜூன் 8, 2023 0
விஜய் பிறந்தநாள் வருகிற ஜூன் 22 நடிகர் விஜய்யின் 49வது பிறந்தநாள். இந்த நாளில் கண்டிப்பாக விஜய் நடிக்கும் படத்தின் அப்டேட் வெளிவரும் என்பதை அனைவரும் அறிவோம். இந்நிலையில்,…

எதிர்நீச்சல் சீரியலில் திடீரென மறைந்த நடிகர் மாரிமுத்துவின் கடைசி காட்சி- எங்கே உள்ளார் பாருங்க, வைரல் போட்டோ

Posted by - செப்டம்பர் 12, 2023 0
எதிர்நீச்சல் சீரியல் திருச்செல்வம் அவர்கள் பல வருடங்களுக்கு முன் கோலங்கள் என்ற தொடரை இயக்கி மக்களிடம் பெரிய தாக்கத்தை ஏற்படுத்தினார். அதன்பிறகு சில காலம் அவரது பெயர்…
Tamil Cinema News Sigma Flop Poster

பாக்ஸ் ஆபிஸ்: படுதோல்வியடைந்த சிக்மா திரைப்படத்தின் இறுதி வசூல்

Posted by - அக்டோபர் 14, 2026 0
Sigma movie final box office collection: ஜேசன் சஞ்சய் இயக்கத்தில் உருவாகி வெளிவந்த சிக்மா திரைப்படத்தின் வசூல் குறித்து நாம் ஒவ்வொரு நாளும் பார்த்து வருகிறோம்.…

விஜய் சேதுபதி எடுத்த முடிவு, கோபத்தில் ரசிகர்கள்.. என்ன காரணம் தெரியுமா

Posted by - செப்டம்பர் 29, 2023 0
விஜய் சேதுபதி ஒரு பக்கம் ஹீரோ, மறுபக்கம் வில்லன் என பட்டையை கிளப்பி வருபவர் மக்கள் செல்வன் விஜய் சேதுபதி. இவர் ஹீரோவாக நடித்து கடைசியாக வெற்றிபெற்ற…

இணையத்தில் எழுந்த ‘கருப்பு’ கிண்டல்கள்: காரணம் என்ன?

Posted by - செப்டம்பர் 15, 2025 0
இணையத்தில் திடீரென்று ‘கருப்பு’ படத்தினை முன்வைத்து பெரும் கிண்டல்கள் எழுந்தது. இதற்கு காரணம் என்னவென்று தெரியவந்துள்ளது. ஆர்.ஜே.பாலாஜி இயக்கத்தில் சூர்யா நடிப்பில் உருவாகி வரும் படம் ‘கருப்பு’.…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன