எம்.ஜி.ஆர்., ஆக முயன்று தோற்ற மு.க. முத்து – தந்தை கருணாநிதிக்கு எதிராகவே பரப்புரை.. ஜெ., உதவி

313 0

மறைந்த முதலமைச்சரும், நடிகருமான எம்.ஜி. ஆரை போலவே திரைப்படங்களில் நடித்து பிரபலமாக முயன்று மு.க. முத்து தோல்வியுற்றார் என்பது குறிப்பிடத்தக்கது.

MK Muthu Died: மறைந்த முன்னாள் முதலமைச்சர் கருணாநிதியின் மூத்த மகன் மு.க. முத்து உடல்நலக்குறைவால் காலமானார்.

மகனை MGR-ஆக்க முயன்ற கருணாநிதி:

பேரறிஞர் அண்ணா மறைவை தொடர்ந்து நடைபெற்ற தமிழ்நாடு சட்டமன்ற தேர்தலில், திமுக வெற்றி பெற்று கருணாநிதி முதலமைச்சரானார். இந்த வெற்றியில் எம்.ஜி.ஆருக்கு பெரும் பங்கு உண்டு என்பதை எவராலும் மறுக்க முடியாது. அப்படி இருக்கையில் தான் இருவருக்கும் இடையே ஏற்பட்ட கருத்து வேறுபாடுகளால், எம்.ஜி.ஆர் எப்போது வேண்டுமானாலும் திமுகவை விட்டு வெளியேறலாம் என கருணாநிதி முன்கூடிட்யே கணித்துவிட்டார். அப்படி நடந்தால் எம்.ஜி.ஆரை. பின்பற்றி திமுகவிற்கு வாக்களித்தவர்களின் ஆதரவை எதிர்காலத்தில் இழக்க நேரிடும் என்பதை உணர்ந்தார். அதன் விளைவாக, தனது மூத்த மகன் மு.க. முத்துவை, அன்றைய சூப்பர் ஸ்டார் எம்.ஜி. ஆருக்கு எதிராக திரைத்துறையில் களமிறக்கினார்.

MGR-ஐ காப்பியடித்த மு.க. முத்து

பிள்ளையோ பிள்ளை படத்தில் அறிமுகமான மு.க. முத்து, ஒட்டுமொத்தமாக எம்.ஜி.ஆரின் ஜெராக்ஸ் காப்பியாகவே திரையில் தோன்றினார். அதேபாணியிலான உடல்மொழி, சிகை அலங்காரம், முக அலங்காரம், ஆடைகள் என ஒட்டுமொத்தமாக மினி என்.ஜி. ஆராகவே காட்சியளித்தார். தொடர்ந்து பூக்காரி, சமையல்காரன் மற்றும் அணையா விளக்கு என பல படங்களில் நடித்தார். குறிப்பாக பிள்ளையோ பிள்ளை திரைப்படத்தின் படப்பிடிப்படை தொடங்கி வைக்க சென்ற எம்.ஜி.ஆர்.,, அந்த இடத்தில் தன்னை போன்றே இருந்த மு.க. முத்துவை பார்த்து ஷாக் ஆகியுள்ளார். தொடர்ந்து படம் ரிலீசாக அதனை பார்த்த பிறகு, நல்ல நடிகரான மு.க. முத்து தனக்கான பாணியை உருவாக்கிக் கொள்ள வேண்டும் என அறிவுறுத்திவிட்டு வந்தார்.

ஆரம்பத்தில் ஓரளவிற்கு வெற்றிக் கிடைத்தாலும், காலப்போக்கில் தமிழ் சினிமாவில் ஒரே எம்.ஜி.ஆர். தான் என்பதை உணரும் அளவிற்கு மு.க. முத்து கடும் தோல்விகளை கண்டார். இதனிடையே, 1977ம் ஆண்டு எம்.ஜி. ஆர்., தலைமையிலான அதிமுக ஆட்சிக்கும் வந்துவிட்டது. இதையடுத்து மு.க. முத்துவின் ஒட்டுமொத்த திரைப்பயணம் மழுங்க தொடங்கியது.

ஜெயலலிதா நிதியுதவி

தோல்விகளால் துவண்டுபோன மு.க. முத்து மதுபோதைக்கு அடிமையாக, தந்தை கருணாநிதியும் அவரை ஒதுக்க தொடங்கினார்.  இருப்பினும் தேவையான நேரங்களில் உதவிகளையும் செய்து வந்தார். ஆனால்,  போதைக்கு அடிமையானது, தனது பரம எதிரியாக இருந்த ஜெயலலிதாவை அணுகி அதிமுக அலுவலகத்திற்கே சென்று ரூ.5 லட்சம் நிதியுதவி பெற்றது கருணாநிதியை முகவும் பாதித்தது. இதனால் தந்தை மகனுக்கு இடையேயான உறவில் பெரும் விரிசல் ஏற்பட்டது.

தந்தைக்கு எதிராக களமிறங்கிய மகன்

மிகவும் நலிவடைந்த நிலையில் இருந்த மு.க. முத்து தன்னை, திமுகவின் எதிரிக்கட்சியான அதிமுகவில் இணைத்துக் கொண்டார். அதன் விளைவாக , தன் தந்தைக்கு எதிராகவே தீவிரமாக பரப்புரையில் ஈடுபட்டார். கருணாநிதியின் வீட்டிற்கு அருகிலேயே வாடகை வீட்டில் வசித்து,  திமுக மீது அடுக்கடுக்கான குற்றச்சாட்டுகளை முன்வைத்தார். இதனால் கடும் அதிருப்தி அடைந்த கருணாநிதி தனது அதிகாரத்தை பயன்படுத்தி, மகனை அங்கிருந்து வெளியேற்றியதாகவும் கூறப்படுகிறது. இருப்பினும், கடந்த 2009ம் ஆண்டு மு.க. முத்துவின் உடல்நிலை மிகவும் மோசமாக, தந்தை கருணாநிதி மீண்டும் ஆதரவுக்கரம் அளித்தார். இந்நிலையில் தான், சென்னை அடுத்த ஈஞ்சம்பாக்கத்தில் வசித்து வந்த மு.க. முத்து தனது 77வது வயதில் உடல்நலக்குறைவு காரணமாக உயிரிழந்துள்ளார்.

Related Post

ஏசி வாங்க பட்ஜெட் இல்லையா? கோடையை சமாளிக்க குறைந்த விலையில் விற்பனை செய்யப்படும் ஏசிக்களின் பட்டியல் இதோ.

Posted by - மே 2, 2024 0
MarQ FKAC103SFAA  : இந்த ஏசியின் விலை வெறும் 18,888 மட்டுமே. இந்த 3 ஸ்டார் ரேட்டட் ஏசிக்கு 230 வி 50 ஹெர்ட்ஸ் மின்சாரம் தேவைப்படும். இந்த…

கொடிபசலைக்கீரை.. கொட்டி கொட்டி கொடுக்கும் நன்மைகள்.. பளபள சருமத்துக்கு கைகொடுக்கும் கொடிபசலை இலைகள்

Posted by - டிசம்பர் 11, 2023 0
சென்னை: கொடிபசலை கீரைகளின் நன்மை என்ன தெரியுமா? சரும பாதுகாப்புக்கு எப்படியெல்லாம் இந்த கீரையின் சாற்றினை பயன்படுத்தலாம் தெரியுமா? சிகப்பு, பச்சை என்று 2 வகையான கொடி…

அர்த்த மண்டபத்தில் இருந்து வெளியேற்றப்பட்ட இளையராஜா – விளக்கம் அளித்த ஆண்டாள் கோயில் நிர்வாகம்!

Posted by - டிசம்பர் 16, 2024 0
அதைத் தொடர்ந்து அர்த்த மண்டப நுழைவு வாயிலில் வைத்து இளையராஜாவிற்கு மரியாதை அளித்தனர். அதன்பின் இளையராஜா வெளியே வந்து நின்று சாமி தரிசனம் செய்தார். மேலும் “திவ்ய…

`திருட்டுப்போன பைக்கை ஓட்டி வந்த போலீஸ்’ – தஞ்சாவூர் டி.ஐ.ஜி-யிடம் புகார் அளித்த விவசாயி

Posted by - டிசம்பர் 2, 2022 0
“திருட்டுப்போன பைக்கை வாய்மேடு போலீஸ் ஸ்டேஷனில் பணியாற்றும் போலீஸ் ஒருவர் பயன்படுத்திவருவது தெரியவந்தது. போலீஸ் என்பதால் பயந்துபோன நான், பைக் குறித்து எதுவும் கேட்கவில்லை.” ஒரு வருடத்துக்கு…

மகளிர் உரிமை தொகை ரூ.1000 இன்னும் வரலியா?அப்ளை பண்ணிட்டீங்களா? மெசேஜ் வந்தவர்கள் என்ன செய்ய வேண்டும்

Posted by - செப்டம்பர் 23, 2023 0
சென்னை: மகளிர் உரிமைத்தொகையில் இன்னொரு சிறப்பு ஒன்று வெளியாகி உள்ளது.. தமிழக அரசு வெளியிட்ட இந்த அறிவிப்பானது, பெரும் நிம்மதியை ஏற்படுத்தி வருகிறது. மகளிர் உரிமைத்தொகை திட்டம்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன