நீண்ட நேரம் சாப்பிடாமல் இருப்பதால், உணவின் மீதான ஏக்கம், அதிகமாக சாப்பிடுதல் மற்றும் இரத்த சர்க்கரை ஏற்றத்தாழ்வுகளை தூண்டுகிறது. காலப்போக்கில், இது கொழுப்பு சேமிப்பை ஊக்குவிக்கும் கார்டிசோல் போன்ற மன அழுத்த ஹார்மோன்களை அதிகரிக்கக்கூடும்.
சாப்பிடாமல் இருப்பது அல்லது நீண்ட நேரம் பசியுடன் இருப்பது எடை குறைக்க உதவும் என்று பலர் நம்புகிறார்கள். இருப்பினும், சுகாதார நிபுணர்கள், குறிப்பாக இயற்கை மருத்துவம் மற்றும் ஆயுர்வேத நிபுணர்கள் இதற்கு நேர்மாறான ஒன்றை பரிந்துரைக்கின்றனர்.
உங்கள் வயிற்றை அதிக நேரம் காலியாக வைத்திருக்கும்போது, உங்கள் உடல் ஆற்றலைச் சேமிக்க, வளர்சிதை மாற்றத்தை மெதுவாக்குகிறது. இது எடை அதிகரிப்பிற்கு வழிவகுக்கும், குறிப்பாக தொப்பை அதிகரிக்கும்.
நீண்ட நேரம் சாப்பிடாமல் இருப்பதால், உணவின் மீதான ஏக்கம், அதிகமாக சாப்பிடுதல் மற்றும் இரத்த சர்க்கரை ஏற்றத்தாழ்வுகளை தூண்டுகிறது. காலப்போக்கில், இது கொழுப்பு சேமிப்பை ஊக்குவிக்கும் கார்டிசோல் போன்ற மன அழுத்த ஹார்மோன்களை அதிகரிக்கக்கூடும். ஆகவே உணவைத் தவிர்ப்பதற்குப் பதிலாக, சீரான, சரியான நேரத்தில் உணவை உட்கொள்வது எடையைக் கட்டுப்படுத்தவும் செரிமானத்தை அதிகரிக்கவும் ஆரோக்கியமான வழியாகும்.
நீண்ட நேரம் சாப்பிடாமல் இருப்பதன் பக்க விளைவுகள்: உயிரைக் காப்பாற்றிக்கொள்ளும் நிலைக்கு உடல் செல்கிறது: நீங்கள் நீண்ட நேரம் சாப்பிடாமல் இருக்கும்போது, உங்கள் உடல் பட்டினி கிடப்பதாக நினைக்கிறது. உங்களைப் பாதுகாக்க, இது உங்கள் வளர்சிதை மாற்றத்தைக் குறைக்கிறது. இது எடை இழப்பை கடினமாக்குகிறது.
கொழுப்பு சேமிப்பு மண்டலமாக வயிறு மாறுகிறது: நீண்ட நேரம் சாப்பிடாமல் இருப்பது உங்கள் வயிற்றைச் சுற்றி அதிக கொழுப்பைச் சேமிக்கச் செய்யும். இந்தக் கொழுப்பு உங்கள் உறுப்புகளைச் சுற்றிப் படிந்து நீரிழிவு மற்றும் இதயப் பிரச்சனைகள் போன்ற நோய்களுக்கு வழிவகுக்கும்.
இரத்த சர்க்கரை அளவுகள் ஏறி இறங்கும்: உங்கள் வயிறு அதிக நேரம் காலியாக இருந்தால், உங்கள் இரத்த சர்க்கரை அளவுகள் குறையும். பின்னர், நீங்கள் சாப்பிடும்போது, அவை அதிகரிக்கும். இந்த ஏற்ற இறக்கம் சர்க்கரை அளவு உங்கள் உடலை குழப்பமடையச் செய்து கொழுப்பு சேமிப்பை அதிகரிக்கிறது.
பசி உங்கள் மனநிலையை ஆட்கொள்கிறது: உங்களுக்கு அதிகமாகப் பசிக்கும்போது, அதிகமாக சாப்பிடுவது, ஆரோக்கியமற்ற சிற்றுண்டிகளைத் தேர்ந்தெடுப்பது அல்லது எரிச்சல் மற்றும் சோர்வாக உணருவதற்கான வாய்ப்புகள் அதிகம். இது மோசமான உணவு மற்றும் குறைந்த ஆற்றல் சுழற்சியை உருவாக்குகிறது.
மன அழுத்தம் அதிகரிக்கிறது: பசி உங்கள் உடலில் கார்டிசோல் என்ற மன அழுத்த ஹார்மோனை வெளியிட காரணமாகிறது. அதிக கார்டிசோல் உங்கள் உடலில் தொப்பை கொழுப்பை சேமிக்க வைக்கிறது.
செரிமானம் பலவீனமடைகிறது: நீண்டநேரம் பசியுடன் இருப்பது, உங்கள் செரிமான நெருப்பை (அக்னி) பலவீனப்படுத்துகிறது இதனால் வீக்கம், வாயு மற்றும் அஜீரணம் ஏற்படுவதாக ஆயுர்வேதம் கூறுகிறது.
மனநிலை மாற்றங்கள்: வெறும் வயிற்றில் மூளையில் குளுக்கோஸ் குறைவாக இருப்பதால் பதட்டம், எரிச்சல் மற்றும் கவனம் செலுத்துவதில் சிரமம் ஏற்படலாம்.
பட்டினி இருப்பதால் ஏற்படும் ஆபத்துகள்:
வயிற்றைச் சுற்றி கொழுப்பு அதிகரிப்பு
அமில ரிஃப்ளக்ஸ் மற்றும் அல்சர்
மெதுவான வளர்சிதை மாற்றம்
மனநிலை பிரச்சனைகள்
பதட்டம் அல்லது குறைந்த ஆற்றல்,நீரிழிவு மற்றும் இதய நோய்.
