பாலா இயக்கத்தில் அருண் விஜய் நடிப்பில் உருவாகி உள்ள ‘வணங்கான்’ படத்தின் சிறப்பான தரமான அப்டேட் ஒன்றை படக்குழு வெளியிட்டுள்ளது .
உணர்ச்சி கரைப்படங்களுக்கு பெயர் போன இயக்குனர்களின் பட்டியலில் நம்பர் 1 இடத்தில் இருப்பவர் இயக்குனர் பாலா . இவர் இயக்கிய படங்களின் எண்ணிக்கை குறைவாகவே இருந்தாலும் இவரது படங்கள் காலம் கடந்து பேசும் அளவிற்கு மக்கள் மனதில் பதிந்து பொய் உள்ளது .
அந்தவகையில் இவரது இயக்கத்தில் தற்போது உருவாகி உள்ள திரைப்படம் தான் வணங்கான். ஆரம்பத்தில் இப்படத்தில் நடிக்க ஒப்பந்தமான நடிகர் சூர்யா சில பல காரணங்களால் பாதிலேயே வெளியேறினார் .
இதையடுத்து. இந்தப் படத்தில் சூர்யாவுக்கு பதிலாக நடிகர் அருண் விஜய் ஒப்பந்தமானார் . அவருக்கு ஜோடியாக இப்படத்தில் நடிகை ரோஷினி பிரகாஷ் நடித்துள்ளார். மேலும் இவர்களுடன் மிஷ்கின், சமுத்திரக்கனி ஆகியோர் முக்கிய கதாபாத்திரங்களில் நடித்துள்ளனர்.
சுரேஷ் காமாட்சியின் தயாரிப்பில் ஜி.வி.பிரகாஷ் இசையமைப்பில் விறுவிறுப்பாக தயாராகி வரும் இப்படம் குறித்த அப்டேட் கேட்டு ரசிகர்கள் அன்பு தொல்லை செய்து வந்த நிலையில் தற்போது படக்குழு ஒரு சிறப்பான தரமான அப்டேட்டை வெளியிட்டுள்ளது .
அதன்படி பாலாவின் இயக்கத்தில்உருவாகி உள்ள இப்படத்தின் டீசர் வரும் 19-ம் தேதி வெளியாக உள்ளதாக அறிவிக்கப்பட்டுள்ளது.
ஆரம்பத்திலேயே இப்படத்தின் மீதான எதிர்பார்ப்பு மிக பெரிய அளவில் இருந்து வரும் நிலையில் வணங்கான் படம் பாலாவின் ஹிட் லிஸ்டில் இணையுமா என்பதை காத்திருந்து பார்க்கலாம்.
