election tamilnadu

வைகோவை அட்டாக் செய்த மாணிக்கம் தாகூர்.. சிக்கலில் திமுக கூட்டணி!

164 0

காங்கிரஸ் எம்.பி., மாணிக்கம் தாகூர் மிக கடுமையாக பேசி வருகிறார். அவரின் வார்த்தைகள் எல்லாம் கூட்டணியில் நெருடலை உண்டாக்குவது போல இருக்கிறது என வைகோ தெரிவித்ததற்கு மாணிக்கம் தாகூர் பதிலடி கொடுத்துள்ளார்.

காங்கிரஸ் கட்சியின் உட்கட்சியின் மோதல் பற்றிய மதிமுக பொதுச்செயலாளர் வைகோவுக்கு தமிழக காங்கிரஸ் எம்.பி., மாணிக்கம் தாகூர் பதிலடி கொடுத்துள்ளார்.

மதுரை மாவட்டத்தில் மதிமுக சார்பில் மண்டல அளவிலான தேர்தல் நிதியளிப்பு கூட்டம் நேற்று (பிப்ரவரி 19) நடைபெற்றது. இந்த கூட்டத்தில் அக்கட்சியின் பொதுச்செயலாளர் வைகோ பங்கேற்றார். இந்நிகழ்ச்சியில் தேனி, திண்டுக்கல், சிவகங்கை, ராமநாதபுரம், மதுரை புறநகர் ஆகிய மாவட்டங்கள் சார்பாக ரூ.1.38 கோடி நிதி அளிக்கப்பட்டது. மதுரை மாவட்டம் சார்பில் ரூ.52 லட்சம் வழங்கப்பட்டது.

கூட்டணி ஆட்சிக்கு வாய்ப்பில்லை

இந்நிகழ்ச்சிக்குப் பின் வைகோ செய்தியாளர்களைச் சந்தித்தார். அப்போது, “அரசியலில் மதிமுக நேர்மையாக இருக்கிறார்கள் என நினைத்து தான் மக்கள் தேர்தல் நிதி தருகிறார்கள். வரும் சட்டமன்ற தேர்தலில் மதிமுக பேச்சுவார்த்தைக் குழு அமைத்து திமுகவுடன் தொகுதி பங்கீடு குறித்து பேச்சுவார்த்தை நடத்திய பின்பு தான் போட்டியிடும் தொகுதிகள் பற்றி தெரிய வரும். மேலும் இந்த தேர்தலில் மதிமுக தனி சின்னத்தில் போட்டியிடும். நாங்கள் இடம் பெற்றுள்ள திமுக தலைமையிலான கூட்டணி பெரும்பான்மையான இடங்களில் வெற்றி பெற்று திமுக ஆட்சி அமைக்கும். கூட்டணியில் தேமுதிக இணைந்தது தித்திப்பான செய்தி. அதேசமயம் தமிழ்நாட்டில் கூட்டணி ஆட்சிக்கு வாய்ப்பில்லை என தெரிவித்தார்.

காங்கிரஸ் கட்சி பற்றி விமர்சனம்

தொடர்ந்து பேசிய அவரிடம் காங்கிரஸ் கட்சி ஆட்சியில் பங்கு கேட்பது பற்றி கேள்வியெழுப்பப்பட்டது. அதற்கு, “காங்கிரஸ் கட்சியின் எம்.பி., மாணிக்கம் தாகூர் மிக கடுமையாக பேசி வருகிறார். அவரின் வார்த்தைகள் எல்லாம் கூட்டணியில் நெருடலை உண்டாக்குவது போல இருக்கிறது. நாங்களும் திருப்பி அடிப்போம் என்று மாணிக்கம் தாகூர் சொன்னது ராமநாதபுரத்தில் 2 பேர் சண்டையிட்டால் எப்படி பேசுவார்களோ அப்படி உள்ளது. இதனை அக்கட்சியில் உள்ளவர்களே கண்டித்துள்ளனர்.

அக்கட்சி தொடங்கிய நாள் முதல் கலகக்குரல் எழுப்புவது அவர்களில் வழக்கமாக இருந்து வருகிறது. உட்கட்சி விவகாரத்தில் காங்கிரஸின் கதர் சட்டைகள் எல்லாம் கிழிக்கப்பட்டிருக்கும். இது ஒன்றும் புதிது கிடையாது. காங்கிரஸ் கட்சியினர் ஒரே நேரத்தில் 9 குரல் கொடுப்பார்கள். இதற்கெல்லாம் பதில் சொல்ல முடியாது” என வைகோ தெரிவித்தார்.

தலைமை சொன்ன ஒத்த வார்தைக்கு மரியாதை

இதற்கு பதிலடி கொடுத்துள்ள மாணிக்கம் தாகூர் எம்.பி., தனது எக்ஸ் வலைத்தளப் பக்கத்தில், “ கூட்டணி குறித்து பேச கூடாது என்று அகில இந்திய காங்கிரஸ் தலைமை சொன்ன ஒத்த வார்தைக்கு மரியாதை கொடுத்து இதை தாண்டி பொறுமையுடன் கடந்து போறேன். பயந்துகிட்டு இல்ல அண்ணன் வைகோ அவர்களே” என தெரிவித்துள்ளார். இதனால் மீண்டும் திமுக கூட்டணிக்குள் சலசலப்பு ஏற்பட்டிருக்கிறது.

Related Post

ASS

வாக்குப்பதிவை 2 மணி நேரம் நீட்டிக்கக் கோரி தேர்தல் ஆணையத்துக்கு விஜய் கடிதம்

Posted by - ஏப்ரல் 23, 2026 0
சென்னை: தமிழக சட்டப்பேரவைத் தேர்தலில் வாக்குப்பதிவு நேரத்தை இரண்டு மணி நேரம் நீட்டிக்க வேண்டும் என தேர்தல் ஆணையத்துக்கு தமிழக வெற்றிக் கழக தலைவர் விஜய் கடிதம் எழுதி…

டெல்லியில் அமித் ஷாவுடன் இபிஎஸ் ஆலோசனை

Posted by - செப்டம்பர் 17, 2025 0
சென்னை: டெல்லியில் மத்திய உள்துறை அமைச்சர் அமித் ஷாவை அதிமுக பொதுச் செயலாளர் பழனிசாமி நேற்று சந்தித்தார். பசும்பொன் முத்துராமலிங்கத் தேவருக்கு பாரத ரத்னா விருது வழங்க வேண்டும்…
Generated Image November 17 2025 11 32AM

பிரசாந்த் கிஷோரிடம் இருந்து பாடம் கற்பாரா விஜய்?

Posted by - நவம்பர் 17, 2025 0
குஜராத் முதல்வராக இருந்த மோடியை நாட்டின் பிரதமராக உயர்த்த வியூகம் வகுத்தவர், பிஹாரில் நிதிஷ்குமார், மேற்கு வங்கத்தில் மம்தா பானர்ஜி, ஆந்திராவில் ஜெகன்மோகன் ரெட்டி, தமிழகத்தில் மு.க.ஸ்டாலின்…

தவெக மாநாடு ஏற்பாட்டில் ஒப்பந்ததாரர் கைவிரிப்பு: அரசியல் அழுத்தமே காரணம்!

Posted by - ஆகஸ்ட் 20, 2025 0
தமிழக வெற்றிக் கழகத்தின் மாநில மாநாட்டில் இருக்கைகள் அமைப்பதற்கு தமிழக ஒப்பந்ததாரர்கள் தீடிரென கைவிரித்தனர். இதனால், கேரளாவில் இருந்து இருக்கைகள் கொண்டு வரப்பட்டுள்ளன. தவெக 2- ஆவது…
lawrance

Raghava Lawrence Politics: அரசியலுக்கு வரும் நேரம் வந்துவிட்டது.! அதிரடி அறிவிப்பை வெளியிட்ட ராகவா லாரன்ஸ்

Posted by - ஜூன் 12, 2026 0
Raghava Lawrence Politics : நான் அரசியலில் ஈடுபடுவேன் என்று ஒருபோதும் நினைத்ததில்லை. பணம் சம்பாதிப்பதிலோ அல்லது பதவியை அடைவதிலோ எனக்கு எந்த நோக்கமும் இருந்ததில்லை என…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன