Durimurugan

Durimurugan: துரைமுருகனை சுத்து போடும் தவெக அரசு..! குவாரிகளில் சுருட்டபட்ட ரூ.4,730 கோடி? திமுகவிற்கு DVAC ஷாக்

105 0

Duraimurugan DVAC: திமுக ஆட்சிக்காலத்தில் 4 ஆயிரத்து 730 கோடி ரூபாய் அளவிற்கு மணல் கொள்ளை நடைபெற்றதாக எழுந்த குற்றச்சாட்டில், லஞ்ச ஒழிப்புத் துறை (DVAC) விசாரணையை தொடங்கியுள்ளது.

Duraimurugan DVAC: திமுக ஆட்சிக்காலத்தில் நடைபெற்றதாக கூறப்படும் மணல் கொள்ளை குற்றச்சாட்டு, முன்னாள் அமைச்சர் துரைமுருகனுக்கு நெருக்கடியை ஏற்படுத்தியுள்ளது.

மணல் கொள்ளை வழக்கு – கையிலெடுத்த DVAC:

திமுக ஆட்சி காலத்தில் தமிழ்நாட்டில் உள்ள மணல் குவாரிகளில் அனுமதிக்கப்பட்ட அளவை தாண்டி, சுமார் 4 ஆயிரத்து 730 கோடி ரூபாய் அளவிற்கு சட்டவிரோதமாக மணல் திருடப்பட்டுள்ளதாக புகார் எழுந்தது. இதுதொடர்பாக ஏற்கனவே விரிவான விசாரணை நடத்தி அதுதொடர்பான ஆவணங்களை அமலாக்கத்துறை வழங்கியபோதும், கடந்த ஆட்சியின் போது லஞ்ச ஒழிப்புத்துறை போலீசார் எந்தவித நடவடிக்கையும் எடுக்காமல் இருந்தனர். ஆனால், ஆட்சி மாற்றத்தை தொடர்ந்து பல்வேறு ஊழல் வழக்குகளில் லஞ்ச ஒழிப்புத்துறை போலீசார் விசாரணையை முடுக்கிவிட்டுள்ளனர். அந்த வகையில் மணல் கொள்ளை வழக்கில் தொடர்புடைய ஒப்பந்ததாரர்கள், அரசு அதிகாரிகள் உள்ளிட்ட பலருக்கும் நோட்டீஸ் அனுப்பப்பட்டுள்ளதாம். இதனால் நீர்வளத்துறை மற்றும் பொதுப்பணித்துறை அதிகாரிகள் கலக்கத்தில் இருக்க, விசாரணையின் நீட்சி திமுகவின் பொதுச்செயலாளர் துரைமுருகனை இறுக்கும் என கூறப்படுகிறது.

ரூ.4,730 கோடிக்கு மணல் கொள்ளை?

தமிழ்நாட்டில் உள்ள ஆறுகளில் அனுமதி அளிக்கப்பட்ட அளவை காட்டிலும் அதிக மணல் எடுக்கப்படுவதாக எழுந்த புகாரில்,  சட்டவிரோத பணப்பரிவர்த்தனை தடுப்புச் சட்டத்தின் கீழ் அமலாக்கத்துறை வழக்குப்பதிவு செய்து விசாரணையை தொடங்கியது. மாநிலம் முழுவதும் உள்ள 28 அரசு ஆற்று மணல் குவாரிகளிலும் எவ்வளவு மணல் எடுக்கப்பட்டது என்பதை அமலாக்கத்துறை துல்லியமாக ஆய்வு செய்தது. அதன்படி, விதிமுறைகளை மீறி சட்டவிரோதமாக அள்ளப்பட்ட மணலின் மொத்த மதிப்பு மட்டும் சுமார் ரூ.4,730 கோடி என்று அமலாக்கத்துறையின் மதிப்பீடு பெரும் அதிர்வலைகளை எழுப்பியுள்ளது. இந்த முழுப் பணமும் குற்றச் செயல்கள் மூலமாக சட்டவிரோதமாக ஈட்டப்பட்ட வருமானம் என்றும் அமலாக்கத்துறை தெரிவித்துள்ளது.

தொழில்நுட்ப ரீதியான ஆதாரங்கள்:

ஆவணங்கள் அடிப்படையிலானது மட்டுமாக இல்லாமல், தொழில்நுட்ப ரீதியாகவும் மிகவும் வலுவான ஆதாரங்கள் இந்த வழக்கில் சேகரிக்கப்பட்டுள்ளன. அதன்படி ஐஐடி கான்பூர் நிறுவனத்தின் கீழ் இயங்கும் தொழில்நுட்ப நிறுவனத்தின் நிபுணர்களின் உதவியுடன் ட்ரோன்கள், அதிநவீன ஜியோ ஸ்கேனிங் மற்றும் செயற்கைக்கோள் வரைபடங்கள் மூலம் ஒவ்வொரு குவாரியிலும் பூமிக்கு அடியில் எத்தனை அடி ஆழத்திற்கு மணல் தோண்டப்பட்டுள்ளது, ஆற்றுப்படுகையின் எல்லைகளைத் தாண்டி எங்கெல்லாம் மணல் எடுக்கப்பட்டுள்ளது என ஆவணப்படுத்தப்பட்டுள்ளது.

இதுபோக  மணல் அள்ளும் ஒப்பந்ததாரர்களுக்கு பொக்லைன் இயந்திரங்களை விற்ற நிறுவனத்திடமிருந்து, அந்த இயந்திரங்களின் ஜிபிஎஸ் கோ-ஆர்டினேட்ஸ், ஜியோ ஃபென்சிங் விவரங்களை அதிகாரிகள் சேகரித்துள்ளனர். அதன் வாயிலாக அந்த இயந்திரங்கள் எந்தெந்த நாட்களில் இயங்கின? தினமும் எத்தனை மணி நேரம் ஆற்றுக்குள் வேலை செய்தன? எந்தெந்த குறிப்பிட்ட இடங்களில் நின்று மணலைத் தோண்டின? உள்ளிட்ட விவரங்கள் துல்லியமாக சேகரிக்கப்பட்டுள்ளன. அதன்படி அரசு ஒதுக்கிய எல்லைகளைத் தாண்டி, பல நூறு மீட்டர்கள் அப்பால் சென்று மணல் அள்ளப்பட்டது அம்பலமாகியுள்ளது.

துரைமுருகனுக்கு நெருக்கடி?

சேகரிக்கப்பட்ட அனைத்து ஆவணங்களையும் வழங்கி,  சம்பந்தப்பட்டவர்கள் மீது முதல் தகவல் அறிக்கை பதிவு செய்து குற்றவியல் நடவடிக்கை எடுக்க வேண்டும் என்று தமிழக காவல்துறைக்கு கடந்த 2024ம் ஆண்டு ஜுன் மாதமே அமலாக்கத்துறை கடிதம் எழுதியது. அதே ஆண்டு ஜூலை 18-ஆம் தேதி மீண்டும் ஒரு நினைவூட்டல் கடிதத்தையும் அனுப்பியது. ஆனால், அப்போதைய திமுக அரசு இதை கண்டுகொள்ளாமல் இருந்தது. ஆனால் தவெக அரசில் முதற்கட்டமாக இதில் குற்றம் நிகழ்ந்ததற்கான முகாந்திரம் உள்ளதா என்பதை உறுதி செய்யும் வகையில் விசாரணை தொடங்கப்பட்டுள்ளது. கடந்த திமுக ஆட்சியில் தமிழக அரசின் பொதுப்பணி துறையில் இருந்து, நீர்வளம் தனியாக பிரிக்கப்பட்டு, துரைமுருகன் நிர்வகிக்கப்பட்டது. ஆற்று மணல் அள்ளி விற்க குவாரிகள் உருவாக்கி நடத்த அனுமதி அளிக்கும் பொறுப்பு நீர்வளத்துறை வசம் தான் இருந்தது. இந்நிலையில் வெடித்துள்ள வழக்கு, துரைமுருகனுக்கு கடும் நெருக்கடியை ஏற்படுத்தக்கூடும் என கூறப்படுகிறது.

Related Post

%E0%AE%A4%E0%AE%BF%E0%AE%AE%E0%AF%81%E0%AE%95

ADMK: கர்நாடகத்தவருக்கு தமிழக அரசின் பிரதிநிதி பதவியா? உரிமை காக்கப்படுமா? தவெக-வை விளாசும் அதிமுக

Posted by - ஜூன் 27, 2026 0
தமிழக அரசின் டெல்லி சிறப்பு பிரதிநிதியாக ஜனநாயகன் தயாரிப்பாளர் வெங்கட் நாராயணா நியமிக்கப்பட்டிருப்பதற்கு கண்டனம் குவிந்து வருகிறது. தமிழக அரசின் டெல்லி சிறப்பு பிரதிநிதியாக ஜனநாயகன் தயாரிப்பாளர்…

சென்னை பள்ளிக்கரணை, மடிப்பாக்கம் வெள்ளத்தில் மூழ்க என்ன காரணம்? ஞாயிறு இரவு நடந்தது என்ன?

Posted by - டிசம்பர் 8, 2023 0
சென்னை: சென்னை பள்ளிக்கரணை, மடிப்பாக்கம் கீழ்கட்டளை பகுதிகள் வெள்ளத்தில் சிக்க என்ன காரணம் , ஞாயிறு இரவு என்ன நடந்தது என்பதை பார்ப்போம்.. ஞாயிறு அன்று காலை…

CM ஸ்டாலினை ரவுண்டு கட்டிய சீமான்…

Posted by - ஜூன் 10, 2025 0
 முதலமைச்சர் மோசமான நிர்வாகத்தை கொண்டிருப்பதாக, நாம் தமிழர் கட்சி தலைமை ஒருங்கிணைப்பாளர் சீமான் குற்றம்சாட்டியுள்ளார். Seeman Slams CM Stalin: அரசு மருத்துவமனைகளில் தொடரும் பணியாளர்கள் பற்றாக்குறையை போக்க…

”அடித்துக் கொல்லப்பட்ட அஜித்குமார்” – 5 காவலர்கள் கைது, சிறையிலடைக்க நீதிமன்றம் உத்தரவு

Posted by - ஜூலை 1, 2025 0
சிவகங்கையில் அஜித்குமார் மரண வழக்கில் கைது செய்யப்பட்ட 5 காவலர்களையும் சிறையிலடைக்க நீதிமன்றம் உத்தரவிட்டுள்ளது. சிவகங்கையில் அஜித்குமார் மரண வழக்கு கொலை வழக்காக மாற்றப்பட்டுள்ளது. அஜித்குமார் மரண…
vijay

Singappen Task Force: இந்தியாவில் முதல்முறை; சீறும் சிங்கப்பெண்கள்- சிறப்பு அதிரடி படையை தொடங்கிவைத்த சிஎம் விஜய்!

Posted by - ஜூன் 9, 2026 0
Singapen Athiradi Padai: மே 10 தமிழக முதலமைச்சராகப் பதவியேற்ற விஜய், குழந்​தைகள், பெண்​களின் பாதுகாப்பை உறுதி செய்ய சிங்​கப்​பெSingapen Athiradi Padai: மே 10 தமிழக…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன