முதல்வர் மீது உதயநிதி கடும் தாக்கு: “தவறு செய்தவர்கள் மீது நடவடிக்கை எடுக்க துணிச்சல் இல்லை”கள்ளக்குறிச்சி மாவட்ட ஆட்சியருக்கு தகாத செய்தி அனுப்பியதாக தவெக எம்.எல்.ஏ அருள் விக்னேஷ் மீது குற்றச்சாட்டு எழுந்துள்ள நிலையில், அவர் மீது இன்னும் நடவடிக்கை எடுக்கப்படாதது ஏன் என்று எதிர்க்கட்சித் தலைவர் உதயநிதி ஸ்டாலின் கேள்வி எழுப்பியுள்ளார்.
இதுதொடர்பாக சமூக வலைதளத்தில் அவர் வெளியிட்ட பதிவில், கோரிக்கை வைக்க வந்தவரைத் தாக்கியதாகக் கூறப்படும் துணை சபாநாயகர் மீதும் இதுவரை எந்த நடவடிக்கையும் இல்லை என சுட்டிக்காட்டினார். “இது ஆட்சியா, அல்லது தவெக-வினர் அத்துமீற அமைக்கப்பட்ட கூட்டமைப்பா?” என்றும் அவர் கேள்வி எழுப்பினார்.
சொந்தக் கட்சியினர் மீது நடவடிக்கை எடுக்கும் துணிச்சல் முதல்வருக்கு இல்லை என விமர்சித்த உதயநிதி, இந்தப் பிரச்சினைகளிலிருந்து கவனத்தைத் திசைதிருப்பவே அதிகாரிகளுடன் ஆய்வுக் கூட்டம், எம்.எல்.ஏக்களுடன் ஆலோசனைக் கூட்டம் என அவசரமாக நடத்தப்படுவதாகவும் குற்றம்சாட்டினார்.
ஆலோசனைக் கூட்டத்தில் முதல்வர் ஆவேசமாகப் பேசியதாக ஆன்லைன் குழுக்கள் மூலம் ரீல்ஸ் பரப்பினால் மக்கள் இந்த விவகாரங்களை மறந்துவிடமாட்டார்கள் என்றும் அவர் கூறினார். மனசாட்சி இருந்தால் தவறு செய்யும் கட்சியினரை முதல்வர் கட்டுப்படுத்த வேண்டும், இல்லையெனில் மக்கள் அதற்குப் பதில் சொல்வார்கள் என்றும் எச்சரித்தார்.