கேரளாவில் பெரும்பாலான படங்கள் அதிக வசூலை குவிக்காத நிலையில், இந்த படம் 50 கோடி ரூபாய்க்கும் அதிகமாக தற்போது வசூலித்துள்ளது.
தமிழ்நாட்டில் கோலிவுட் படங்கள் குறிப்பிடும் வகையில் எதுவும் வெளியாகாத நிலையில் பல திரையரங்குகளில் முன்பு வெளியான அஜித்தின் பில்லா, விஜய், சிம்பு படங்கள் உள்ளிட்டவற்றை ரீ ரிலீஸ் செய்துள்ளன. இன்னும் அடுத்த சில வாரங்களுக்கு சொல்லிக் கொள்ளும் அளவில் புதுப்படங்கள் எதுவும் ரிலீஸ் ஆகாது என்று கூறப்படுகிறது.
இந்நிலையில் மலையாளத்தில் வெளியான மஞ்சுமெல் பாய்ஸ் என்ற திரைப்படம் கேரளா மட்டும் இன்றி இந்தியா முழுவதும் நல்ல வரவேற்பை பெற்று வருகிறது. இந்த படத்தை சிதம்பரம் என்பவர் இயக்கியுள்ளார். உண்மை சம்பவத்தை மையப்படுத்தி மஞ்சுமெல் பாய்ஸ் திரைப்படம் உருவாக்கப்பட்டுள்ளது.கேரளாவில் பெரும்பாலான படங்கள் அதிக வசூலை குவிக்காத நிலையில், இந்த படம் 50 கோடி ரூபாய்க்கும் அதிகமாக தற்போது வசூலித்துள்ளது. அத்துடன் திரையரங்குகள் ஹவுஸ்ஃபுல் காட்சிகளாக இருப்பதால் படத்தின் வசூல் இன்னும் அதிகரிக்கும் என்று எதிர்பார்க்கப்படுகிறது.இந்த படத்திற்கு கிடைத்துள்ள வரவேற்பை தொடர்ந்து மஞ்சுமெல் பாய்ஸ் படத்தை தமிழ்நாட்டில் பல திரையரங்குகள் ரிலீஸ் செய்துள்ளன. தமிழ்நாட்டில் இந்த படத்திற்கு நல்ல வரவேற்பு கிடைத்துள்ளது. தற்போது வரை ரூ. 5 கோடிக்கும் அதிகமாக இந்த படம் வசூல் செய்திருப்பதாக தகவல்கள் தெரிவிக்கின்றன.
