jhgtrew

ஆட்சிக்கு வந்தால் இவ்வளவும் இருக்கும்.. தவெக தேர்தல் அறிக்கையை வெளியிட்ட விஜய்!

181 0

TVK Election Manifesto 2026: தவெக முதல் தேர்தல் அறிக்கை நேர்மையின் உத்தரவாதம் என சொல்லலாம். ஸ்டாலின் சார் மாதிரி ஏமாற்ற மாட்டோம். மற்றும் பலர் மாதிரி அவசரத்துல அள்ளி விட மாட்டோம் என விஜய் தெரிவித்துள்ளார்.

2026 தமிழக சட்டமன்ற தேர்தலை முன்னிட்டு தமிழக வெற்றிக் கழகத்தின் தேர்தல் அறிக்கையை அக்கட்சியின் தலைவர் விஜய் வெளியிட்டார்.

தவெக தேர்தல் அறிக்கை

முன்னதாக பல்வேறு இடங்களிலும் தேர்தல் வாக்குறுதிகள் சிலவற்றை அளித்திருந்த விஜய், இன்று முழு தேர்தல் அறிக்கையை வெளியிட்டார். இந்நிகழ்ச்சி சென்னையில் உள்ள தாஜ் கோரமண்டல் ஹோட்டலில் நடைபெற்றது. இந்நிகழ்ச்சியில் விவசாயி தொடங்கி மீனவர்கள் வரையிலான பல்வேறு துறைகளைச் சேர்ந்த நபர்களுக்கும் அவர் தவெக தேர்தல் அறிக்கை பிரதியை வழங்கி சிறப்பித்தார்.

நம்ம தமிழ்நாட்டின் முதல் பெருமை தமிழ் மொழி. அதன் முதல் பெருமை திருக்குறள். அதில் உள்ள பிறப்பொக்கும் எல்லா உயிர்க்கும் என்பது தான் நமது அடிப்படையாகும். அறம், பொருள், இன்பம் ஆகியவற்றைக் கொண்டு தான் நம்முடைய தேர்தல் அறிக்கை தயாரிக்கப்பட்டுள்ளது. தவெக முதல் தேர்தல் அறிக்கை நேர்மையின் உத்தரவாதம் என சொல்லலாம். ஸ்டாலின் சார் மாதிரி ஏமாற்ற மாட்டோம். மற்றும் பலர் மாதிரி அவசரத்துல அள்ளி விட மாட்டோம். திமுக, பாஜக ஒன்னு தான் சொல்ல அவர்களின் தேர்தல் அறிக்கையை எடுத்துப் பாருங்கள்.

எல்லா பாயிண்டும் ஒரே மாதிரி இருக்கும். என்னவெல்லாம் செய்ய முடியுமோ, எது சாத்தியமோ அதை மட்டும் தான் சொல்லியுள்ளோம். ஆட்சிக்கு வந்த பிறகு சொல்லாததையும் செய்வோம்.

விஜய் அளித்த வாக்குறுதிகள் சில

மாதம் ரூ.2,500, ஆண்டுக்கு 6 சிலிண்டர்கள், ஏழை பெண்களுக்கு ஒரு சவரன் தங்கம் & பட்டுச்சேலை, 1 முதல் 12 வகுப்பு வரை இடைநிற்றலை தவிர்க்க பெற்றோர்களுக்கு ஆண்டுக்கு ரூ.15 ஆயிரம், ரூ.5 லட்சம் வரை வட்டியில்லா கடன், 100 காமராஜர் தரம் கொண்ட பள்ளிகள், அனைத்து மாவட்டங்களிலும் தரமான கல்வியை வழங்கும் இலவச உறைவிடப்பள்ளி, ஒவ்வொரு பள்ளியிலும் நவீன உட்கட்டமைப்பு கல்வி, ஒவ்வொரு தமிழ் மாணவர்களின் கனவுக்கும் ஆதரவளிக்கும் வகையில் இளநிலை முதல் முனைவர் பட்டம் வரை ரூ.20 லட்சம் பிணையில்லா கடனுக்கான உத்தரவாதம், ஏஐ மூலம் இயங்கும் இலவச போட்டி பயிற்சி, போதைப்பொருள் இல்லாத தமிழகம், பள்ளி & கல்லூரிகள் விழிப்புணர்வு மன்றங்கள், ஒவ்வொரு குடும்பத்தினருக்கும் ரூ.25 லட்சம் வரையிலான உலகளாவிய இன்சூரன்ஸ் திட்டம், ஒவ்வொரு குடிமகனுக்கு வருடாந்திர உடல் பரிசோதனை, மலிவு விலை மருந்துகள் வழங்குதல்” என பல வாக்குறுதிகளை விஜய் அளித்துள்ளார்.

என்னை சந்திப்பது சுலபம் 

தொடர்ந்து பேசிய விஜய், “நான் ஜெயித்தான் என் தொகுதிக்கு நான் தான் பிரதிநிதி. நாம் உறுதியாக ஆட்சிக்கு வருவோம். எந்த மாற்று கருத்தும் இல்லை. தமிழ்நாட்டுக்கு நாம் என்னவாக இருந்தாலும் என்னோட தொகுதிக்கு நான் எம்.எல்.ஏ. தான். என் வீட்டுக்கு நான் பிள்ளை தான். அப்படித்தான் பெரம்பூர் மற்றும் திருச்சி கிழக்கு தொகுதிகள் எப்பவும் கூடுதல் ஸ்பெஷலாக இருக்கும்.

மாதம் ஒருமுறை கண்டிப்பாக என்னோட தொகுதிக்கு நான் வருவேன். அதுமட்டுமல்லாமல் நீங்களும் என்னை சந்திக்கலாம். அது கஷ்டம் கிடையாது. உங்கள் தேவைகளை நான் கேட்காமலேயே செய்து கொடுப்பேன்” என தெரிவித்தார்.

Related Post

lawrance 1

விஜயுடன் இணைந்து அரசியல் பயணம்’ அதிரடியாக அறிவித்த ராகவா லாரன்ஸ்

Posted by - ஜூன் 12, 2026 0
அரசியலுக்கு வருவது உறுதி என்று அறிவித்துள்ள ராகவா லாரன்ஸ். தன்னுடைய அரசியல் பயணம் குறித்து முடிவை வெளியிட்டிருக்கிறார். அதில், முதல்வர் விஜயுடன் இணைந்து அரசியல் பயணம் செய்ய…
Gemini Generated Image 80ljk280ljk280lj

இரு முனை போட்டியாக மாறி வரும் தமிழக தேர்தல் களம்!

Posted by - ஏப்ரல் 11, 2026 0
திமுக – அதிமுக கட்சிகளிடையே தொடரும் தாக்குதல் பாணி பிரச்சாரமானது தமிழக தேர்தல் களத்தை 4 முனைப் போட்டி என்ற நிலையில் இருந்து இருமுனைப் போட்டிக்கு நகர்த்தி…
nda

தமிழகத்தில் என்டிஏ ஆட்சி: மேட்ரிஸ் – ஐஏஎன்எஸ் கருத்துக் கணிப்பில் தகவல்

Posted by - மார்ச் 16, 2026 0
தமிழக அரசி​யல் களம் குறித்து கருத்​துக் கணிப்பு வெளியிட்டுள்ள தகவல் பெரும் பரபரப்பை ஏற்​படுத்​தி​யுள்​ளது. தமிழகத்​தில் திமுக கூட்​ட​ணியை பின்​னுக்​குத் தள்​ளி, தேசிய ஜனநாயகக் கூட்​டணி (என்​டிஏ)…
vv e1773726199570

முதல்வர் ரேஸில் முந்துகிறாரா விஜய்…

Posted by - மார்ச் 17, 2026 0
“பாஜக-வுடன் கூட்டணி பேசுகிறார் விஜய் என்ற செய்தியை திட்டமிட்டுப் பரப்புவதே திமுக தரப்பிடம் ‘ஊதியம்’ பெறும் யூ டியூப் சேனல்கள் தான். இதன் மூலம் விஜய்க்கு ஆதரவாக…
image 1

போலி வாக்காளர்களை நீக்கவே S.I.R பணி நடைபெறுகிறது – எல்.முருகன் விளக்கம்!

Posted by - நவம்பர் 19, 2025 0
போலி வாக்காளர்கள் மற்றும் இரட்டை வாக்காளர்களை நீக்கவே S.I.R பணி மேற்கொள்ளப்படுவதாக மத்திய அமைச்சர் எல்.முருகன் விளக்கமளித்துள்ளார். கோவை விமான நிலையத்தில் செய்தியாளர்களிடம் பேசிய அவர், விவசாயிகளின்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன