கூட்டணி கேள்விக்கு டென்ஷன்.. தேர்தல் நேரத்தில் திமுகவை விட்டு கட்சிகள் பிரியும்.. இபிஎஸ் அதிரடி…

314 0

டெல்லியில் செய்தியாளர்களை சந்தித்த எடப்பாடி பழனிசாமி, பாஜக கூட்டணி குறித்த கேள்விக்கு டென்ஷனான நிலையில், தேர்தல் நேரத்தில் திமுக கூட்டணி உடையும் என்பதுபோல் பேசியதால் பரபரப்பு ஏற்பட்டுள்ளது.

டெல்லியில் நேற்று மத்திய உள்துறை அமைச்சர் அமித் ஷாவை சந்தித்த தமிழ்நாடு எதிர்க்கட்சித் தலைவரும், அதிமுக பொதுச் செயலாளருமான எடப்பாடி பழனிசாமி, இன்று செய்தியாளர்களை சந்தித்தார். அப்போது, பாஜக உடன் கூட்டணி உண்டா என்ற கேள்விக்கு, இப்போது என்ன தேர்தல் அறிவிக்கப்பட்டுவிட்டதாக என கேட்டு டென்ஷனானார். அவர் என்ன பேசினார் என்பது குறித்து தற்போது பார்க்கலாம்.

கூட்டணி குறித்து என்ன கூறினார் இபிஎஸ்.?

டெல்லி சென்று மத்திய அமைச்சர் அமித் ஷாவை சந்தித்த எடப்பாடி பழனிசாமி, தமிழ்நாட்டில் நிலவும் பிரச்னைகள், இருமொழிக் கொள்கை, தொகுதி மறுசீரமைப்பு உள்ளிட்ட விஷயங்கள் குறித்து மட்டுமே பேசி, கோரிக்கை மனுவை அளித்ததாக, இன்று செய்தியாளர்களை சந்தித்தபோது தெரிவித்தார்.

அதைத் தொடர்ந்து, அரசியல் குறித்து என்ன பேசினீர்கள் என்ற செய்தியாளர் ஒருவரின் கேள்விக்கு பதிலளித்த எடப்பாடி பழனிசாமி, மக்கள் பிரச்னைகள் தொடர்பாக மட்டுமே பேசியதாகவும், அரசியல் பேசவில்லை என்றும், கழுவும் மீனில் நழுவும் மீனாக பதிலளித்தார்.

ஆனாலும் விடாத மற்றொரு நிருபர், அப்படியானால் பாஜக உடன் கூட்டணி இல்லை என்று எடுத்துக்கொள்ளலாமா என கேள்வி எழுப்பினார். இதைக் கேட்ட எடப்பாடி பழனிசாமி, “ஏங்க, இல்ல..இருக்குதுன்னு… இப்ப என்ன எலெக்ஷனா நடக்குது.?“ என டென்ஷன் ஆனார். தொடர்ந்து, கடந்த இரண்டு முறையும் தேர்தல் நேரத்தில்தானே கூட்டணி குறித்து பேசினோம், தற்போது தேர்தல் அறிவிக்கப்பட்டுவிட்டதா.?, எல்லோருமே தேர்தல் நெருங்கும் நேரத்தில்தான் கூட்டணி அமைப்பார்கள் என்று கூறினார்.

தேர்தல் நேரத்தில் திமுக கூட்டணி உடையும் என சூசகமாக கூறிய இபிஎஸ்

மேலும், கூட்டணி என்பது வேறு, கொள்கை என்பது வேறு.. எங்கள் கொள்கை எப்போதும் நிலையாக இருக்கும், ஆனால் தேர்தல் நேரத்தில், சூழ்நிலைகளுக்கு ஏற்ப கூட்டணி அமைக்கப்படும் என பதிலளித்தார். அதோடு, தேர்தல் கூட்டணி என்பது, சந்தர்ப்ப சூழ்நிலைகளுக்கு ஏற்ப மாறும் என்று கூறியதோடு, திமுகவில் அங்கம் வகிக்கும் கூட்டணி கட்சிகள் அங்கேயே இருக்கப் போகிறதா என்று கேள்வி எழுப்பினார்.

இதனால், திமுக கூட்டணியில் விரிசல் ஏற்படும் என்பதை அவர் சூசகமாகவே தெரிவித்ததாக கூறப்படுகிறது. அதோடு, பாஜக உடன் கூட்டணி இல்லை என்பதை கடைசி வரை அவர் கூறவே இல்லை. இதனால், அவர் அமித் ஷாவிடம் நிச்சயம் கூட்டணி குறித்தும் பேசியிருக்கலாம் என்றே கூறப்படுகிறது.

Related Post

வெள்ளிக்கிழமை எந்த சாமியைக் கும்பிடணும்? செல்வம், அமைதி, குடும்ப வளர்ச்சிக்கான முக்கிய வழிபாடுகள் 2025ல் வைரல்!

Posted by - டிசம்பர் 12, 2025 0
2025ல் ஆன்மீக ஆர்வம் அதிகரிச்சதோட, “வெள்ளிக்கிழமை எதை கும்பிடணும்? எது செல்வத்துக்கு நல்லது?”ன்னு Google-ல search பண்ணுறவர்களின் எண்ணிக்கை அதிகரிச்சிருக்கு. அதனால Friday devotional updates இப்போ…

மாநகர பஸ்களில் அடுத்தடுத்த நிறுத்தங்களின் பெயரை அறிவிக்கும் வசதி- உதயநிதி தொடங்கி வைத்து பயணம்….

Posted by - நவம்பர் 26, 2022 0
போக்குவரத்து துறை அமைச்சர் சிவசங்கர் தலைமையில் நடைபெற்ற நிகழ்ச்சியில் உதயநிதி ஸ்டாலின் எம்.எல்.ஏ. பங்கேற்று பஸ்களை கொடியசைத்து தொடங்கி வைத்தார். அமைச்சர்கள் சிவசங்கர், பி.கே.சேகர்பாபு, போக்குவரத்துத்துறை செயலாளர்…

தமிழக வெற்றிக் கழகத்தின் சின்னம் இதுவா? தேர்தலில் மெர்சல் காட்ட விஜய் மாஸ்டர் ப்ளான்!

Posted by - ஜூன் 21, 2025 0
தமிழக வெற்றிக் கழகத்திற்கு ஆட்டோ சின்னத்தை ஒதுக்குமாறு தேர்தல் ஆணையத்தை அணுக அக்கட்சியின் தலைவர் நடிகர் விஜய் முடிவு செய்துள்ளார். தமிழ்நாட்டில் சட்டமன்ற தேர்தல் நடைபெற இன்னும்…

தமிழகத்தில் காலை 10 மணி வரை 10 மாவட்டங்களில் மழைக்கு வாய்ப்பு

Posted by - நவம்பர் 8, 2023 0
தமிழகத்தில் வடகிழக்கு பருவமழை மற்றும் வளிமண்டல கீழடுக்கு சுழற்சி காரணமாக மழை பெய்து வருகிறது. மேலும், வடகிழக்கு பருவமழை தீவிரமாகி பெரும்பாலான மாவட்டங்களில் மழை பெய்து வருகிறது.…

”தகுதிவாய்ந்த குடும்பத் தலைவிகளா… மக்களை ஏமாற்றும் பட்ஜெட்…” – எடப்பாடி பழனிசாமி விமர்சனம்!

Posted by - மார்ச் 20, 2023 0
தமிழக பட்ஜெட்டை புறக்கணித்து வெளியே வந்த எதிர்க்கட்சி தலைவர் எடப்பாடி பழனிசாமி செய்தியாளர்களை சந்தித்தார். தமிழ்நாடு பட்ஜெட் மக்களை ஏமாற்றும் மின் மினிப்பூச்சி பட்ஜெட் என எதிர்க்கட்சி…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன