tn bjp

தலைவர்களுக்கே கல்தா? நயினார், வானதி, அண்ணாமலை, எல்.முருகன் தொகுதிகள் பாஜகவுக்கு இல்லை- இதான் காரணம்

234 0

 கடந்த சட்டமன்றத் தேர்தல்களில் பாஜக தலைவர்கள் போட்டியிட்ட தொகுதிகள் எவையும் இந்த முறை பாஜகவுக்கு ஒதுக்கப்படவில்லை.

அதிமுக தலைமையிலான கூட்டணியில் பாஜக போட்டியிடும் தொகுதிகளின் விவரத்தை அதிமுக பொதுச் செயலாளர் எடப்பாடி பழனிசாமி வெளியிட்டுள்ளார். இதில் கடந்த தேர்தல்களில் பாஜக தலைவர்கள் போட்டியிட்ட தொகுதிகள் எவையும் இந்த முறை பாஜகவுக்கு ஒதுக்கப்படவில்லை.

யார் யார் என்னென்ன தொகுதி?

கடந்த தேர்தலில், நயினார் நாகேந்திரன் போட்டியிட்டு எம்எல்ஏவாக வென்ற திருநெல்வேலி தொகுதி, இம்முறை பாஜகவுக்கு ஒதுக்கப்படவில்லை.

அதேபோல கரூர் தொகுதி அரவக்குறிச்சி தொகுதியில் பாஜக முன்னாள் மாநிலத் தலைவர் அண்ணாமலை போட்டியிட்டு, கடந்த 20221ஆம் ஆண்டு சட்டப்பேரவைத் தேர்தலில் தோல்வியைத் தழுவினார். 2024 நாடாளுமன்றத் தேர்தலில் கோவை தொகுதியில் போட்டியிட்டு, இரண்டாம் இடம் பிடித்தார்.

இந்த 2026ஆம் ஆண்டு தேர்தலில் சிங்காநல்லூர் தொகுதியில் அண்ணாமலை போட்டியிடுகிறார் என்று தகவல் வெளியான நிலையில், அரவக்குறிச்சி, சிங்காநல்லூர் என இரண்டு தொகுதிகளுமே பாஜகவுக்கு ஒதுக்கப்படவில்லை.

வானதி சீனிவாசனுக்கு தொகுதி மாற்றமா?

கோவை தெற்கு எம்எல்ஏவாக இருப்பவர் பாஜக தேசிய மகளிரணிச் செயலாளர் வானதி சீனிவாசன். இந்த நிலையில் கோவை தெற்கு தொகுதியும் பாஜகவுக்கு ஒதுக்கப்படவில்லை. பதிலாக கோவை வடக்கு தொகுதியை பாஜக கேட்டுப் பெற்றுள்ளது.

பாஜக முன்னாள் மாநிலத் தலைவரும் தற்போதைய மத்திய இணை அமைச்சருமான எல்.முருகன் தாராபுரம் தனித் தொகுதியில் போட்டியிட்டார். அவர் வெற்றி பெறாத சூழலில், தாராபுரம் தொகுதியும் அதிமுக கூட்டணியில் பாஜகவுக்கு ஒதுக்கப்படவில்லை.

தமிழிசை செளந்தர்ராஜன் வேளச்சேரி தொகுதியில் 2011ஆம் ஆண்டு தேர்தலிலும் விருகம்பாக்கம் தொகுதியில் 2016ஆம் ஆண்டிலும் பாஜக சார்பில் போட்டியிட்டார். இந்தத் தொகுதிகளும் பாஜகவுக்கு 2026 சட்டமன்றத் தேர்தலில் ஒதுக்கப்படவில்லை.

என்ன காரணம்?

பாஜகவுக்கு ஒதுக்கப்பட்டுள்ள தொகுதிகள் அனைத்தும் வெற்றி வாய்ப்பை அடிப்படையாகக் கொண்டு, பாஜகவேதான் தேர்வு செய்து கொடுத்ததாகவும் வானதி சீனிவாசன், நயினார் நாகேந்திரன் உள்ளிட்ட தலைவர்கள் தொகுதியை மாற்றி நிற்க உள்ளதாகவும் கூறப்படுகிறது.

குறிப்பாக வானதி கோவை தெற்கு தொகுதியிலும் நயினார் நாகேந்திரன் சாத்தூர் தொகுதியிலும் போட்டியிட உள்ளதாகத் தகவல் கசிந்துள்ளது.

அதேபோல தமிழிசை செளந்தர்ராஜன், அண்ணாமலை உள்ளிட்ட தலைவர்கள் போட்டியிட விருப்பம் இல்லை என்று வெளிப்படையாகவே தெரிவித்துவிட்டனர். மேலும் எல்.முருகன் தேசிய அரசியலில் மத்திய இணை அமைச்சராகப் பணியாற்றுவதால், மீண்டும் சட்டமன்றத் தேர்தலில் நிற்க ஆசைப்படவில்லை என்று பாஜக வட்டாரங்கள் தெரிவித்துள்ளன.

Related Post

தேர்தலில் இளைஞர்களுக்கு அதிக வாய்ப்பு: முதல்வருக்கு உதயநிதி வேண்டுகோள்

Posted by - டிசம்பர் 15, 2025 0
திரு​வண்​ணா​மலை: வரும் சட்​டப்​பேர​வைத் தேர்​தலில் போட்​டி​யிட இளைஞர்​களுக்கு அதிக வாய்ப்​பு​கள் வழங்க வேண்​டும் என்று முதல்​வரிடம் கோரிக்கை வைப்​பேன் என்று துணை முதல்​வர் உதயநிதி ஸ்டா​லின் கூறி​னார். திரு​வண்​ணா​மலை​யில்…

இனி கடைசி ஊதியத்தில் 50% பென்ஷனாக வழங்கப்படும்

Posted by - ஜனவரி 3, 2026 0
TN Govt TAPS Pension Scheme: அரசு ஊழியர்களுக்கு பழைய ஓய்வூதிய திட்டத்தின் பலன்களை வழங்கக் கூடிய, புதிய தமிழ்நாடு உறுதியளிக்கப்பட்ட ஓய்வூதிய திட்டத்தை முதலமைச்சர் ஸ்டாலின் வெளியிட்டுள்ளார்.…

மதுரை மாநாட்டிலாவது திருந்துவாரா விஜய்? பவுன்சர்கள் ஒகே.. ஆனா ரவுண்ட்ஸ் எப்போ? தவெக சம்பவம் செய்யுமா?

Posted by - ஆகஸ்ட் 21, 2025 0
மதுரை மாநாட்டின் மூலமாவது தவெக தலைவர் விஜய் தீவிர அரசியலை முன்னெடுப்பாரா? என அவரது கட்சி தொண்டர்களே ஆவலுடன் எதிர்பார்க்கின்றனர். மதுரை மாநாட்டில் விஜய் தனது மாநிலம்…
tvk vijay

TVK Vijay : ’விஜய்க்கு 120 வரை தொகுதிகள்’ இதையெல்லாம் நம்பலாமா?

Posted by - ஏப்ரல் 30, 2026 0
‘இந்தியா டு டே நிறுவன தேர்தலுக்கு பிந்தைய கருத்துக் கணிப்பு அடிப்படையில் விஜய் 90 தொகுதிகளுக்கு மேல் வெற்றி பெற வாய்ப்பே இல்லையென்றும், இது திரைப்படத்திலும் கனவிலுமே…
Gemini Generated Image 80ljk280ljk280lj

இரு முனை போட்டியாக மாறி வரும் தமிழக தேர்தல் களம்!

Posted by - ஏப்ரல் 11, 2026 0
திமுக – அதிமுக கட்சிகளிடையே தொடரும் தாக்குதல் பாணி பிரச்சாரமானது தமிழக தேர்தல் களத்தை 4 முனைப் போட்டி என்ற நிலையில் இருந்து இருமுனைப் போட்டிக்கு நகர்த்தி…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன