திமுக, அதிமுகவை விட அதிக உறுப்பினர்களைக் கொண்ட கட்சி தவெக! மணி வார்த்தை பொய் ஆகுமா?

318 0

திமுக, அதிமுக ஆகிய இருபெரும் திராவிட கட்சிகளைவிட புதிதாக தொடங்கப்பட்ட விஜயின் தவெக கட்சிக்கு அதிகளவு உறுப்பினர்கள் இருப்பதாக பிரபல ஜர்னலிஸ்ட் தெரிவித்துள்ளார்.

தமிழக அரசியலில்  தளபதி விஜயின் வருகை எல்லோராலும் கூர்ந்து பார்க்கப்படுகிறது. அவர் அரசியல் படங்களில் நடித்தபோது, அரசியல் சம்பந்தப்பட்ட காட்சிகள், வசனங்கள், படத்தின் தலைப்புக்கு என பல தடைகள் வந்தன. அதைத்தாண்டி இன்று அரசியல் கட்சி ஆரம்பித்து முதல் மாநாடு நடத்த ஏற்பாடு செய்தபோதும் பல்வேறு தடைகள் ஏற்பட்டதாக அவரது கட்சித் தொண்டர்கள் கூறினர்.

அதையும் தாண்டி, தவெக முதல் மாநாடு வரும் அக்டோபர் 27 ஆம் தேதி நடைபெற உள்ள நிலையில், இம்மாநாட்டிற்காக தமிழ் நாட்டில் பல்வேறு பகுதிகளைச் சேர்ந்த தொண்டர்கள் தயாராகி வருகின்றனர். இதற்கான ஏற்பாடுகளை அக்கட்சியின் பொதுச்செயலாளர் புஸ்ஸி ஆனந்த் செய்து வருகிறார். இம்மாநாட்டில் பங்கேற்கும் தொண்டர்களுக்கும், நிர்வாகிகளுக்கும் விஜய் பல நிபந்தனைகள் வெளியிட்டு கட்டுக்கோப்பாக மாநாடு நடக்க வேண்டும் என அறிவுறுத்தியுள்ளார்.

இந்த நிலையில், தவெகவின் மாநாடிற்கு மட்டும் பல்வேறு நிபந்தனைகள் விதித்த அரசு, விடுதலை சிறுத்தைகள் கட்சியின் மது ஒழிப்பு மாநாட்டிற்கு நிபந்தனை விதித்தார்களா? ஆளுங்கட்சியின் மாநாடுகளுக்கு நிபந்தனைகள் விதித்தார்களா? எனக் கேள்வி எழுப்பி வருகின்றனர். எனவே விஜயின் அரசியல் வருகை, அவரது கட்சியின் முதல் மாநாடு இதைப்பற்றி சமூக வலைதளங்கள் மற்றும் ஊடகங்களில் விவாதங்கள் நடந்து கொண்டிருக்கின்றன.

இந்த நிலையில், எதிர்க்கட்சிகளும், ஆளுங்கட்சியும் விஜய்கு எதிரான கருத்துகளைக் கூறி வந்தாலும் சினிமாத்துறையினரும், அரசியல் விமர்சகர்களும் தொடர்ந்து விஜய்க்கு ஆதரவான கருத்துகளை கூறி வருவது தவெக தொண்டர்களுக்கு ஆறுதல் தருவதாக அமைந்துள்ளது. இதை அவர்கள் தளபதி 2026 சட்டசபைத் தேர்தலில் வாகை சூடுவதற்காக ஆருடமாக எடுத்துக் கொண்டு களப்பணி ஆற்றி வருகின்றனர்.

இந்த நிலையில், சில மாதங்களுக்கு முன்பு கட்சிப் பெயரை அறிவித்ததுடன், அக்கட்சிக்கு என தனி செயலியை அறிமுகம் செய்து, அதில் உறுப்பினர்களாக இணையலாம் என்று அறிவித்தார். அதன்படி தமிழகம் முழுவதும் உள்ள அவரது ரசிகர்கள், விஜய் மக்கள் இயக்கத்தினர் என பலரும் அதில் இணைந்து வருகின்றனர். விஜய்யின் இந்த ஸ்மார்ட்டான திட்டத்தில் பல லட்சம் பேர் உறுப்பினர்களாக இணைந்ததாக தகவல் வெளியானது. இந்த நிலையில், தமிழகத்தில் 60 லட்சம் உறுப்பினர்களைக் கொண்ட ஒரே கட்சி தளபதியின் தவெக என்று பிரபல ஜர்னலிஸ்ட் மணி தெரிவித்துள்ளார்.

இதுகுறித்து மணி தெரிவித்திருப்பதாவது:

தமிழக பாஜகவில் 10 லட்சம் பேர் உறுப்பினர்களாக இருப்பதாக கூறுவது பொய். அதேபோல் எந்தக் கட்சிக்கும் 1 கோடி உறுப்பினர்கள் எல்லாம் இல்லை. எல்லாம் ஏமாற்றுகிறார்கள். ஆனால், திமுக, அதிமுக ஆகிய கட்சிகளுக்கு ஓரளவு வலு உள்ளது.பவர்புல் கட்சிகள் என்றால் இவ்விரு கட்சிகள் தான். ஆனால் இவ்விரு கட்சிகளும் தங்களுக்கு 2 கோடி உறுப்பினர்கள் இருப்பதாக கூறுகிறார்கள். அப்படியில்லை.

இதில், ஓரளவு ஆச்சர்யப்படத் தக்க விஷயம் என்னவென்றால் விஜய். 60 லட்சம் பேர் உறுப்பினராக சேர்ந்துள்ளனர். இதில் சேர்ந்தவர்கள் ஆன்லைனில் இணைந்துள்ளனர். அதில், பிராசஸ் வோட் ஐடி, ஆதார் ஐடியை அப்லோடு செய்யனும். அதற்கு ஒடிபி எண் வந்த பின் தான் உறுப்பினர் கார்டு கிடைக்கும். போலி உறுப்பினர்களைத் தடுக்க, இப்படி உறுப்பினர்களைச் சேர்த்திருக்கும் ஒரே கட்சி தவெக தான். திமுக, அதிமுகவுக்கு அவ்வளவு எண்ணிக்கை இல்லை. தேர்தலில் நின்று ஜெயிப்பது வேறு’’ என்று தெரிவித்துள்ளார்.

Related Post

எல்லாம் பணத்திமிரு, அடுத்தவங்க கஷ்டம் உனக்கு சிரிப்பா இருக்கா.. நெட்டிசன்களிடம் சிக்கிய யூடியூபர் இர்ஃபான்

Posted by - ஏப்ரல் 1, 2025 0
சமீப காலமாக அடுக்கடுக்காக ஏகப்பட்ட சர்ச்சைகளை சந்தித்து வருகிறார் யூடியூபர் இர்ஃபான். பாட்டியின் மீது கார் மோதியதில் தொடங்கி அவருக்கு குழந்தை பிறந்தது வரை எல்லாமே பஞ்சாயத்து தான்.ஆனால்…

15 வருஷமா எங்கே? திராவிட நாய்கள் நேரடியாக பதில் சொல்லாது: சீமான் பரபரப்பு பேச்சு

Posted by - ஜனவரி 22, 2025 0
பாஜக சாதிவாரி கணக்கு எடுக்காது என்பது நன்றாகவே தெரியும். அப்புறம் எதுக்கு நீங்கள் அவர்களிடம் மாற்றிவிடுகிறீர்கள். என் பொம்மையைத்தான் திராவிட இயக்கத்தினரால் எரிக்க முடியும் என நாம்…

ஆர்ப்பாட்டத்தில் ஈடுபட்டுள்ள ஆசிரியர்கள் – சமாதானம் பேசிய அமைச்சர் அன்பில் மகேஷ்

Posted by - பிப்ரவரி 28, 2024 0
சம வேலைக்கு சம ஊதியம் கேட்டு தொடர் ஆர்ப்பாட்டத்தில் ஈடுபட்டிருக்கும் ஆசிரியர்களுக்கு தமிழ்நாடு பள்ளிக்கல்வி துறை அமைச்சர் அன்பில் மகேஸ் சமாதானமாக வேண்டுகோள் விடுத்துள்ளார். இதுகுறித்து அவர்…

எருமைமாட்டுக்கு சேலை கட்டின மாதிரி இருக்கு.. மோசமாக பேசிய ஜனனிக்கு ரச்சிதாவின் கணவர் பதிலடி

Posted by - நவம்பர் 30, 2022 0
ரச்சிதாவை விமர்சித்த ஜனனி விஜய் டிவி சரவணன் மீனாட்சி சீரியல் புகழ் ரச்சிதா பிக் பாஸ் ஆறாம் சீசனில் போட்டியாளராக கலந்துகொண்டிருக்கிறார். அவர் இதற்கு முன்பு சீரியல்களில் நடிக்கும் போது…

சிவராத்திரி: வெள்ளியங்கிரி மலையேற பக்தர்களுக்கு இன்று முதல் 4 நாட்களுக்கு அனுமதி

Posted by - பிப்ரவரி 17, 2023 0
கோவை அருகே மேற்கு தொடர்ச்சி மலையடிவாரம் பூண்டியில் வெள்ளியங்கிரி ஆண்டவர் கோவில் உள்ளது. மிகவும் புகழ்பெற்ற இந்த கோவிலுக்கு ஏராளமான பக்தர்கள் வந்து சாமி தரிசனம் செய்து…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன