நான் ஃபினிஷர் தான்டா..! தோனியின் 5 வருட காத்திருப்பு, மூச்சு விடும் சென்னை – ஐபிஎல் புள்ளிப்பட்டியலில் மாற்றம் என்ன?

287 0

தொடர் தோல்விகளால் துவண்டு கிடந்த சென்னை அணி மீண்டும் வெற்றிப்பாதைக்கு திரும்பியுள்ளது.

லக்னோ அணிக்கு எதிரான போட்டியில் சென்னை அணி 5 விக்கெட்டுகள் வித்தியாசத்தில் அபார வெற்றி பெற்றது.

2019ம் ஆண்டிற்குப் பிறகு..

பெரும் எதிர்பார்ப்பு மற்றும் நெருக்கடிக்கு மத்தியில் லக்னோ அணிக்கு எதிரான போட்டியில் சென்னை அணி நேற்று களமிறங்கியது. கடந்த சில போட்டிகளில் இல்லாத அளவில் ஒழுக்கத்துடன் பந்துவீசியது மற்றும் அனுபவம் வாய்ந்த கேப்டன்சியால்,  166 ரன்களுக்குள் எதிரணியை முடக்கியது. இலக்கை நோக்கி களமிறங்கிய போது கடந்த சில போட்டிகளில் கிடைக்காத, வலுவான தொடக்கம் அமைந்தது. இளம் வீரர் ஷேக் ரஷீத் 19 பந்துகளில் 27 ரன்களை குவித்தார். கடைசி கட்டத்தில் அதிரடி காட்டிய தோனி 11 பந்துகளில் 26 ரன்களை குவித்தார். ஃபீல்டிங்கின் போதும் 3 விக்கெட்டுக்ளை வீழ்த்த உதவி, அணியின் வெற்றிக்கு வழிவகுத்ததால் ஆட்டநாயகனாகவும் தேர்ந்தெடுக்கப்பட்டார். 2019ம் ஆண்டிற்கு பிறகு, தோனி ஆட்டநாயகன் விருது பெறுவது இதுவே முதல் முறையாகும்.

மூச்சு விடும் சென்னை:

முன்னெப்போதும் இல்லாத வகையில் தொடர்ந்து ஐந்து போட்டிகளில் தோல்வியுற்று சென்னை அணி தடுமாறியது. அதில் 3 போட்டிகள் உள்ளூர் சேப்பாக்கம் மைதானத்தில் நடைபெற்றவை. கடைசியாக தோனி தலைமையில் இறங்கியபோதும் மோசமான தோல்வியை சந்தித்ததால் ரசிகர்கள் கடும் சோகத்தில் மூழ்கினர். இந்நிலையில் தான், நீண்ட காத்திருப்புக்குப் பிறகு சென்னை அணி வெற்றி பெற்றுள்ளது. நடப்பு தொடரில் அந்த அணி பெறும் இரண்டாவது வெற்றி இதுவாகும். இது அந்த அணிக்கு பெரும் உத்வேகம் அளித்துள்ளது. இருப்பினும் புள்ளிப்பட்டியலில் பெரிய மாற்றம் ஏதும் ஏற்படவில்லை. சென்னை தொடர்ந்து 10வது இடத்திலேயே நீடிக்கிறது. இதையடுத்து சென்னை அணி வரும் 20ம் தேதி மும்பை அணிக்கு எதிராக களமிறங்க உள்ளது.

ஐபிஎல் 2025 புள்ளிப்பட்டியல்:

அணிகள் போட்டி வெற்றி தோல்வி ரன்ரேட் புள்ளிகள்
குஜராத் டைட்டன்ஸ் 6 4 2
டெல்லி கேபிடல்ஸ் 5 4 1 1.006  8
 ராயல் சேலஞ்சர்ஸ் பெங்களூரு 6 4 2 0.672  8
லக்னோ சூப்பர் ஜெயண்ட்ஸ் 7 4 3 0.086  8
கொல்கத்தா நைட் ரைடர்ஸ் 6 3 3 0.803  6
பஞ்சாப் கிங்ஸ் 5 3 2 0.065 6
மும்பை இந்தியன்ஸ் 6 2 4 0.027 4
 ராஜஸ்தான் ராயல்ஸ் 6 2 4 -0.838  4
சன்ரைசர்ஸ் ஹைதராபாத் 6 2 4 -1.245 4
சென்னை சூப்பர் கிங்ஸ் 7 2 5 -1.276 – 4

இன்றைய போட்டி:

இன்று நடைபெறும் லீக் போட்டியில் நடப்பு சாம்பியனான கொல்கத்தாவை, பஞ்சாப் அணி எதிர்கொள்கிறது. இந்த இரு அணிகளும் முறையே புள்ளிப்பட்டியலில் 5 மற்றும் 6வது இடங்கலில் உள்ளன. நியூ சண்டிகரில் இரவு 7.30 மணிக்கு போட்டி தொடங்குகிறது. இதில் கொல்கத்தா அணி வெற்றி பெற்றால் அதிகபட்சம் இரண்டாவது இடம் வரை புள்ளிப்பட்டியலில் முன்னேறக்கூடும். ஒருவேளை பஞ்சாப் அணி வெற்றி பெற்றால் அதிகபட்சம் 4வது இடம் வரை முன்னேறக்கூடும்.

Related Post

ஜடேஜாவை தூக்கிவைத்து கொண்டாடிய தோனி… வைரலாகும் புகைப்படம்

Posted by - மே 30, 2023 0
கடைசி பந்தில் 4 ரன்கள் தேவைப்பட்டபோது, அதனை பவுண்டரியாக மாற்றி ஜடேஜா அணியை வெற்றி பெற வைத்தார் ஐபிஎல் இறுதிப் போட்டியில் கடைசி 2 பந்துகளில் 10…

பழி தீர்க்க காத்திருக்கும் ரோகித் படை! – பிளே ஆப் வாய்ப்பை உறுதி செய்யுமா தோனி படை..!

Posted by - மே 6, 2023 0
 ராஜஸ்தான், பஞ்சாப் அணிகளுக்கு எதிராக 200 ரன்கள் இலக்கை மும்பை அணி எட்டிப் பிடித்து அசத்தியது. ஐபிஎல் கிரிக்கெட் தொடரில் மும்பை இந்தியன்ஸ் அணியுடன், சென்னை சூப்பர் கிங்ஸ் அணி…

மக்களவை தேர்தல் எதிரொலி… ஐபிஎல் போட்டிகள் வெளிநாட்டிற்கு மாற்றப்படுகிறதா? – பிசிசிஐ செயலாளர் ஜெய்ஷா விளக்கம்

Posted by - மார்ச் 18, 2024 0
நாடாளுமன்றத் தேர்தல் நடைபெற்றாலும், ஐபிஎல் போட்டிகள் இந்தியாவிலேயேதான் நடைபெறும் என பிசிசிஐ செயலாளர் ஜெய்ஷா திட்டவட்டமாகத் தெரிவித்துள்ளார். 2024ஆம் ஆண்டுக்கான ஐபிஎல் தொடர், மார்ச் 22ஆம் தேதி…

சொந்த மண் சோகத்திற்கு முடிவு கட்டிய குருணல், ஹேசில்வுட்! த்ரில் போட்டியில் ஆர்சிபி அபார வெற்றி!

Posted by - ஏப்ரல் 25, 2025 0
ராஜஸ்தான் அணிக்கு எதிரான போட்டியில் 11 ரன் வித்தியாசத்தில் வெற்றி பெற்று ஆர்சிபி சொந்த மண்ணில் முதல் வெற்றியை இந்த தொடரில் பதிவு செய்துள்ளது. சின்னசாமி மைதானத்தில்…
Generated Image November 15 2025 10 36AM

CSK Trade: Its Official.. ஜடேஜா, சாம் கரன் விட்டுக் கொடுத்த சிஎஸ்கே.. தோனியின் வாரிசாக சாம்சன் இணைப்பு

Posted by - நவம்பர் 15, 2025 0
CSK Trade: சஞ்சு சாம்சனிற்கான சென்னை சூப்பர் கிங்ஸ் அணி ஜடேஜா மற்றும் சாம் கரனை ராஜஸ்தான் அணிக்கு விட்டுக் கொடுத்துள்ளது. CSK Trade: ஐபிஎல் போட்டியில் ராஜஸ்தான் அணிக்காக…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன