மணமணக்கும்… கொங்குநாடு ஸ்டைல் சேனைக்கிழங்கு மசாலா

440 0

இன்று மதியம் என்ன சமைப்பது என்று யோசிக்க தொடங்கிவிட்டீர்களா? நீங்கள் எப்போதும் வித்தியாசமான சுவையில் உங்கள் வீட்டில் உள்ளோருக்கு சமைத்து கொடுக்க விரும்புவீர்களா?

உங்கள் வீட்டில் சேனைக்கிழங்கு உள்ளதா? அப்படியானால் அந்த சேனைக்கிழங்கைக் கொண்டு கொங்குநாடு ஸ்டைலில் ஒரு மசாலா செய்யுங்கள். இந்த சேனைக்கிழங்கு மசாலா சாதத்திற்கு ஒரு அற்புதமான சைடு டிஷ்ஷாக இருக்கும். முக்கியமாக இது செய்வதற்கு சுலபமாக இருக்கும்.

உங்களுக்கு கொங்குநாடு ஸ்டைல் சேனைக்கிழங்கு மசாலாவை எப்படி செய்வதென்று தெரிந்து கொள்ள வேண்டுமா? கீழே கொங்குநாடு ஸ்டைல் சேனைக்கிழங்கு மசாலா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.கொங்குநாடு ஸ்டைல் சேனைக்கிழங்கு மசாலா | Kongunad Style Senai Kilangu Masala  In Tamil - Tamil BoldSky

தேவையான பொருட்கள்:

* சேனைக்கிழங்கு – 250 கிராம்

* மஞ்சள் தூள் – 1 டீஸ்பூன்

* உப்பு – 1 டீஸ்பூன்

* கடலை எண்ணெய் – 2 டேபிள் ஸ்பூன்

மசாலாவிற்கு…

* கடலை எண்ணெய் – 2 டேபிள் ஸ்பூன்

* பட்டை – 2 துண்டு

* கிராம்பு – 2

* பூண்டு – 6 பல்

* இஞ்சி – 1 இன்ச் (நறுக்கியது)

* வரமிளகாய் – 5

* சோம்பு – 1 1/2 டீஸ்பூன்

* கறிவேப்பிலை – சிறிது

* துருவிய தேங்காய் – 1/2 கப்

* கசகசா – 1 டேபிள் ஸ்பூன்

* மல்லித் தூள் – 1 டேபிள் ஸ்பூன்

* உப்பு – 1 டீஸ்பூன்

* தண்ணீர் – 1 கப்

தாளிப்பதற்கு…

* கடலை எண்ணெய் – 2 டேபிள் ஸ்பூன்

* கடுகு – 1/2 டீஸ்பூன்

* உளுத்தம் பருப்பு – 1/2 டீஸ்பூன்

* கறிவேப்பிலை – சிறிது

செய்முறை:

* முதலில் சேனைக்கிழங்கின் தோலை நீக்கிவிட்டு, அதை மெல்லிய விரல் நீளத் துண்டுகளாக வெட்டிக் கொள்ள வேண்டும்.

* பின்பு ஒரு பாத்திரத்தில் 1 லிட்டர் நீரை ஊற்றி அடுப்பில் வைத்து, அதில் சேனைக்கிழங்கை போட்டு, அத்துடன் மஞ்சள் தூள், உப்பு சேர்த்து 5-7 நிமிடம் கொதிக்க வைத்து இறக்கி, நீரை வடிகட்டிவிட வேண்டும்.

* பின் ஒரு வாணலியை அடுப்பில் வைத்து, அதில் 2 டேபிள் ஸ்பூன் எண்ணெய் ஊற்றி சூடானதும், சேனைக்கிழங்கை சேர்த்து 10 நிமிடம் மிதமான தீயில் வைத்து, நன்கு வதக்கி இறக்கி தனியாக வைத்துக் கொள்ள வேண்டும்.

* பிறகு மற்றொரு வாணலியை அடுப்பில் வைத்து, அதில் எண்ணெய் ஊற்றி சூடானதும், பட்டை, கிராம்பு, பூண்டு, இஞ்சி, வரமிளகாய், சோம்பு, கறிவேப்பிலை சேர்த்து நன்கு சில நொடிகள் வதக்க வேண்டும்.

* பின் அதில் துருவிய தேங்காய், கசகசா, மல்லித் தூள் மற்றும் சுவைக்கேற்ப உப்பு சேர்த்து 2 நிமிடம் வதக்கி இறக்கி குளிர வைக்க வேண்டும்.

* பின்னர் அதை மிக்சர் ஜாரில் போட்டு, நீரை ஊற்றி நன்கு மென்மையாக அரைத்து தனியாக வைத்துக் கொள்ள வேண்டும்.

* அடுத்து மற்றொரு வாணலியை அடுப்பில் வைத்து, அதில் 2 டேபிள் ஸ்பூன் எண்ணெய் ஊற்றி சூடானதும், கடுகு, உளுத்தம் பருப்பு மற்றும் கறிவேப்பிலை சேர்த்து தாளிக்க வேண்டும்.

* பின் அதில் அரைத்த மசாலா மற்றும் வதக்கி வைத்துள்ள சேனைக்கிழங்கை சேர்த்து கிளறி, குறைவான தீயில் வைத்து, மசாலா நன்கு சேனைக்கிழங்குடன் சேரும் வரை கிளறி இறக்கினால், சுவையான கொங்குநாடு ஸ்டைல் சேனைக்கிழங்கு மசாலா தயார்.

MURUGAN

முருகன் – PixelTamil.com செய்தி ஆசிரியர். தமிழ்நாடு, இந்தியா, உலகம், அரசியல் மற்றும் சினிமா தொடர்பான செய்திகளைத் துல்லியமாகவும் விரைவாகவும் வழங்குகிறார்.

Related Post

தக் லைப் பிளாப்.. முதல்முறையாக வாய்திறந்த மணிரத்னம்! என்ன கூறினார் பாருங்க

Posted by - ஜூன் 24, 2025 0
மணி ரத்னம் இயக்கத்தில் கமல், சிம்பு, த்ரிஷா ஆகியோர் நடித்து இருந்த தக் லைப் படம் கடந்த ஜூன் 5ம் தேதி ரிலீஸ் ஆனது. படம் எதிர்பார்ப்பை…
food 1

இட்லிக்கு ஏற்ற… காரசாரமான.. ஹைதராபாத் ஸ்டைல் தக்காளி சட்னியை செய்வது எப்படி?

Posted by - டிசம்பர் 4, 2023 0
காலை வேளையில் உங்கள் வீட்டில் இட்லி, அல்லது தோசை செய்யப் போகிறிர்களா? உங்கள் வீட்டில் உள்ளோர் ,இட்லி, தோசைகு சட்னியை தான் விரும்பி சாப்பிடுவார்களா? இதனால் உங்கள்…
SONY VIZHA

👉 சோனி அறிமுகம் செய்யும் புதிய தமிழ் தொலைக்காட்சி 😲 | ‘VIZHA’ Channel Full Details

Posted by - பிப்ரவரி 10, 2026 0
Sony நிறுவனம் தமிழ் தொலைக்காட்சி ரசிகர்களுக்காக புதிய தமிழ் அலைவரிசையை அறிமுகம் செய்துள்ளது! ‘VIZHA’ என்ற பெயரில் தொடங்கப்பட்டுள்ள இந்த சேனல், சினிமா, சீரியல், பொழுதுபோக்கு நிகழ்ச்சிகள்,…

பிக் பாஸ் 8 நிகழ்ச்சியில் டாப் 5 பைனலிஸ்ட் சம்பளம், டைட்டில் வின்னருக்கு தான் கம்மியா? லிஸ்ட் இதோ

Posted by - ஜனவரி 19, 2025 0
பிக் பாஸ் சீசன் 8 நிகழ்ச்சியில் டாப் 5 இடங்களை பிடித்த போட்டியாளர்களின் சம்பளம் விவரம் தான் தற்போது இணையத்தில் வைரல் ஆகி வருகிறது. விஜய் இணையத்தில் பிக் பாஸ்…

தேங்காய் பாறை மீனின் அற்புதம்.. பெண்களுக்கு வரப்பிரசாதம்.. பாறை மீன் வாங்கினால் இப்படி செய்யுங்க

Posted by - ஆகஸ்ட் 30, 2023 0
சென்னை: பாறை மீன்கள் என்றாலே ருசியானவை என்றாலும், தேங்காய்ப்பாறை மீனை பலரும் வாங்க என்ன காரணம் தெரியுமா? தேங்காய் பாறை மீனிலுள்ள நன்மைகள் என்னென்ன? பாறை மீன்கள்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன