ஜனநாயகனை விடுங்கப்பா.. அரசியலை பார்ப்போம்- விஜய் வெளியிட்ட முக்கிய அறிவிப்பு

ஜனநாயகன் திரைப்படம் இன்று வெளியாகும் என எதிர்பார்த்த ரசிகர்கள் ஏமாற்றம் அடைந்துள்ள நிலையில், தவெக தலைவர் விஜய் முக்கிய அறிக்கையை வெளியிட்டுள்ளார்.

ஜனநாயகனுக்கு செக் வைத்த சென்சார் டீம்

தமிழக சட்டமன்ற தேர்தல் நெருங்கி வரும் நிலையில், தேர்தலுக்கான பணிகளில் அனைத்து அரசியல் கட்சிகளும் தீவிரமாக களம் இறங்கியுள்ளது. இந்த நிலையில் தனது கடைசி படமாக ஜனநாயகன் திரைப்படத்தை அறிவித்த விஜய் அதன் வெளியீட்டை ஆவலோடு எதிர்பார்த்து காத்திருந்தார். அந்த வகையில் இன்று வெளியாகும் என அறிவிக்கப்பட்ட நிலையில், தணிக்கை சான்றிதழ் கிடைக்காத காரணத்தால் நீதிமன்றத்தில் ஜனநாயகன் படக்குழு சார்பாக வழக்கு தொடரப்பட்டது. இந்த வழக்கில் தணிக்கை சான்றிதழ் வழங்க நீதிபதி உத்தரவிட்ட நிலையில், உடனடியாக தணிக்கை துறை மேல்முறையீடு செய்தது. இதனால் ஜனநாயகன் திரைப்படம் பொங்கல் பண்டிகைக்கு வெளியிடமுடியாத நிலை ஏற்பட்டுள்ளது.

தேர்தல் அறிக்கை குழு- விஜய் அறிக்கை

இதன் காரணமாக விஜய் மட்டுமில்லாமல், அவரது ரசிகர்கள் கடும் அதிர்ச்சி அடைந்துள்ளனர். இந்த நிலையில் ஜனநாயகன் திரைப்படத்திற்காக தவெக தொண்டர்கள் காத்திருந்த நிலையில், அதனை விடுங்கப்பா, தேர்தல் பணியை பார்க்கலாம் என்ற வகையில் தேர்தல் அறிக்கை குழுவை அமைத்து தவெக தலைவர் விஜய் உத்தரவிட்டுள்ளார். இது தொடர்பாக வெளியிடப்படுடள்ள அறிக்கையில், தமிழ்நாட்டு மக்களின் முன்னேற்றத்தையும் மாநிலத்தின் ஒட்டுமொத்த வளர்ச்சியையும் நோக்கமாகக் கொண்டு. நடைபெற உள்ள சட்டமன்றத் தேர்தலை முன்னிட்டு, தமிழக வெற்றிக் கழகம் சார்பில் தேர்தல் அறிக்கை தயாரிக்கப்பட இருக்கிறது.

இதற்காகச் சிறப்புக் குழு அமைக்கப்படுகிறது. இந்தக் குழு. தமிழகம் முழுவதும் பொதுமக்கள். சிறு, குறு தொழில் அமைப்புகள், தொழிலாளர் அமைப்புகள், பொருளாதார & தொழில் வல்லுனர்கள், வர்த்தக சபைகள், பல்வேறு ஊழியர் சங்கங்கள். விவசாயச் சங்கங்கள். கல்வியாளர்கள். மருத்துவர்கள். செவிலியர்கள். மகளிர் அமைப்புகள். இளைஞர் அமைப்புகள் உள்ளிட்ட பல்வேறு தரப்பினரின் கருத்துகளையும் தேவைகளையும் அறிந்து, தரவுகளைப் பெறவுள்ளது.

அவர்களிடம் இருந்து பெறப்படும் தரவுகளின் அடிப்படையில் தமிழ்நாட்டு மக்களையும் ஒட்டுமொத்த மாநிலத்தையும் வளர்ச்சிப் பாதையில் கொண்டு செல்லும் வகையில் தேர்தல் அறிக்கையினைத் தயார் செய்யவுள்ளது.

தேர்தல் அறிக்கைக் குழு விவரம்:

1.திரு. Dr. K.G. அருண்ராஜ்

2. . J.C.D. பிரபாகர்

3. திரு. A. ராஜ்மோகன்

4.  T.S.K. மயூரி

5. பேராசிரியர். .A. சம்பத்குமார்

6. M.அருள் பிரகாசம்

7. விஜய் R. பரணிபாலாஜி

8. . முகமது பர்வேஷ்

9. . T.K பிரபு

10. K. கிறிஸ்டி பிருத்வி

11.  M.K. தேன்மொழி பிரசன்னா

12. வழக்கறிஞர் சத்யகுமார்

மேற்கண்ட குழுவினருக்குக் கழகத் தோழர்கள் முழு ஒத்துழைப்பு நல்குவதோடு, அந்தந்தப் பகுதிகளில் சம்பந்தப்பட்ட அமைப்புகளைச் சந்திக்கும் பொழுது தேவையான உதவிகளைச் செய்யுமாறு கேட்டுக்கொள்வதாக அந்த அறிவிப்பில் விஜய் குறிப்பிட்டுள்ளார்..