உலகம் முழுக்கவே வரலாற்றுரீதியாக, பெண்கள் தங்கள் ஆண்களை விட நீண்ட காலம் வாழ்ந்திருக்கிறார்கள். கடந்த காலங்களில் போர் இதற்கு முக்கிய காரணமாக இருந்தது. 2021 இல் நடத்தப்பட்ட ஆய்வின் படி, ஆண்களின் சராசரி ஆயுட்காலம் 73.2 ஆண்டுகள் எனவும் பெண்களுக்கு 79.1 ஆண்டுகள் எனவும் கணக்கிடப்பட்டது.
இந்த ஏற்றத்தாழ்வுக்கான சில காரணங்களில் நடத்தை, தீய பழக்கங்கள் மரபியல் மற்றும் போதுமான பராமரிப்பு இல்லாமை ஆகியவை அடங்கும். இவை மட்டுமின்றி பெண்களை விட ஆண்கள் இளம் வயதிலேயே இறப்பதற்கு வேறுசில காரணங்களும் உள்ளது. அவை என்னென்ன என்று இந்த பதிவில் பார்க்கலாம்.
இதய நோய்
உலகமே முழுக்க ஆண்கள் மற்றும் பெண்களின் மரணத்திற்கு முக்கிய காரணம் இதய நோய். ஆயினும்கூட, பெண்களை விட ஆண்கள் அதை வாழ்க்கையின் ஆரம்பத்திலேயே உருவாக்க முனைகிறார்கள் மற்றும் இதய நோயால் பெண்களை விட ஆண்கள் இறக்கும் வாய்ப்பு 50% அதிகம். இது அதிகப்படியான புகைபிடித்தல் மற்றும் மது அருந்துதல், அத்துடன் மன அழுத்தம், உயர் இரத்த அழுத்தம் மற்றும் கொலஸ்ட்ரால் காரணமாக இருக்கலாம்.
அதிக தற்கொலைகள்
மனநலப் பிரச்சினைகளால் பெண்களை விட ஆண்களை மிகவும் மோசமாக பாதிக்கின்றன. உலகளவில் பெண்களை விட ஆண்கள் மூன்று மடங்கு அதிகமாக தற்கொலை செய்து கொள்கின்றனர்.
ஆபத்தான வேலைகள்
இராணுவம், கட்டுமானம், மைனிங், டைவிங், தேடுதல் மற்றும் மீட்பு, காவல் பணி மற்றும் தீயணைப்புப் பணி போன்ற பல அதிக ஆபத்துள்ள பணிகளில் பெண்களை விட கணிசமான வித்தியாசத்தில் ஆண்களின் எண்ணிக்கை அதிகமாக உள்ளது. மன அழுத்தம் மற்றும் ஆரோக்கியமற்ற வாழ்க்கை முறைகளால் ஆயுட்காலத்தை நேரடியாகவும் மறைமுகமாகவும் பாதிக்கலாம்.
பெண்களை விட உருவத்தில் பெரியதாக இருப்பது
பல உயிரினங்களில், பெரிய விலங்குகள் சிறிய விலங்குகள் விட இளமையாக இறக்கின்றன. இந்த விளைவின் அளவு மனிதர்களுக்கு முற்றிலும் பொருந்தக்கூடியதாக இல்லாவிட்டாலும், இது ஆண்களின் நீண்ட ஆயுளுக்கு எதிராக வேலை செய்யலாம்.
குறைவான சமூகத் தொடர்பு
பெண்களை விட ஆண்கள் பல காரணங்களுக்காக, குறைவான மற்றும் பலவீனமான சமூக இணைப்புகளைக் கொண்டவர்கள், ஆண்களை விட பெண்கள் அதிகளவு நட்பு வட்டத்தை உருவாக்க முனைகிறார்கள்
ஆபத்தான விளையாட்டு மற்றும் செயல்பாடுகள்
பெண்களை விட அதிகமான ஆண்கள் அதிக ஆபத்துள்ள விளையாட்டு மற்றும் செயல்பாடுகளில் பங்கேற்கின்றனர், குறிப்பாக ரக்பி மற்றும் குத்துச்சண்டை போன்ற தொடர்பு விளையாட்டுகள், அல்லது அதிக வேகத்தில் கார்கள் அல்லது மோட்டார் சைக்கிள்களை ஓட்டுதல் போன்றவற்றில் ஈடுபடுகின்றனர். பாதகமான சம்பவங்கள் நீண்ட கால ஆரோக்கிய பிரச்சினைகள் மற்றும் உடனடி மரணத்திற்கு வழிவகுக்கும்.
மருத்துவர்களைத் தவிர்ப்பது
உடல்நலப் பரிசோதனைகளைப் பெறுவதற்கு ஆண்கள் பெண்களை விட குறைவான அளவே ஆர்வம் காட்டுகின்றனர். ஆண்களில் பெரும்பாலானவர்கள் ஆரோக்கியத்தில் அலட்சியமாகவும், பல மூடநம்பிக்கைகளில் மூழ்கியும் இருக்கின்றனர்.
பெரும்பாலும் உடலில் ஏற்படும் வலிகளையும், மாற்றங்களையும் புறக்கணிக்கின்றனர். இதனாலேயே பல ஆபத்தான பிரச்சினைகள் தாமதமாக கண்டுபிடிக்கப்படுகிறது. இதனாலேயே சிகிச்சை அளிக்க முடியாமல் பல ஆண்கள் இறக்கின்றனர்.
