கமல்ஹாசனின் ‘தக் லைஃப்’ படத்தில் இருந்து நடிகர் துல்கர் சல்மான் விலகல் – காரணம் என்ன தெரியுமா..?

மணிரத்தினம் – கமல்ஹாசன் காம்போவில் உருவாகி வரும் ‘தக் லைஃப்’ படத்தில் இருந்து நடிகர் துல்கர் சல்மான் விலகி உள்ளதாக அதிர்ச்சி தகவல் வெளியாகி உள்ளது.

விக்ரம் வெற்றியைத் தொடர்ந்து தற்போது பல மெகா கூட்டணியில் இணைந்துள்ளார் நடிகர் கமல்ஹாசன் . அந்தவகையில் தற்போது தனது 234வது படத்திற்காக இயக்குநர் மணிரத்னம் உடன் இணைந்துள்ளார் நடிகர் கமல்ஹாசன்

தக் லைஃப் என பெயரிடப்பட்டுள்ள இப்படத்தில் கமல்ஹாசனுடன் சேர்ந்து ஜெயம் ரவி, த்ரிஷா, துல்கர் சல்மான், நாசர், அபிராமி, கெளதம் கார்த்திக், ஜோஜூ ஜார்ஜ், ஐஸ்வர்யா லக்‌ஷ்மி ஆகியோர் முக்கிய கதாபாத்திரங்களில் நடிக்க ஒப்பந்தமாகி உள்ளனர்.

பிரம்மாண்ட பொருட்செலவில் உருவாகி வரும் இப்படத்தின் அப்டேட் கேட்டு ரசிகர்கள் அன்பு தொல்லை செய்து வந்த நிலையிகள் தற்போது இப்படம் குறித்த அதிர்ச்சி தகவல் ஒன்று வெளியாகி உள்ளது.

பிரம்மாண்ட பொருட் செலவில் மெகா கூட்டணியில் உருவாகி வரும் இந்த படத்திலிருந்து நடிகர் துல்கர் சல்மான் விலகியுள்ளதாக தகவல் வெளியாகியுள்ளது.

இது தொடர்பாக துல்கர் சல்மானின் செய்தி தொடர்பாளர் கூறியதாவது :

ஆம் அந்த செய்தி உண்மைதான். படத்திலிருந்து துல்கர் விலகிவிட்டார். அவரது மற்ற படப்பிடிப்பு தேதிகளுடன் இப்படத்தின் ஷெட்யூல் ஒரே நேரத்தில் வர இருப்பதால் தேதிகள் ஒதுக்க முடியாத காரணத்தால் துல்கர் சல்மான் படத்திலிருந்து விலகிவிட்டார்” என தெரிவித்துள்ளார்.