Pixel Media image featuring Nirmalkumar and Mahesh highlighted by breaking news banner.

CTR Nirmalkumar: ஒரு பைல்க்கே இந்த நிலைமை..! ரூல்ஸ் ஃபாலோ செய்தே அன்பில் மகேஷ் மீது நடவடிக்கை – நிர்மல்குமார்

126 0

Minister Nirmalkumar On Anbil Mahesh: திமுகவின் கோரிக்கையை ஏற்று ஒரு கோப்பையை திறந்ததற்கே இந்த நிலைமை ஏற்பட்டுள்ளது என, அன்பில் மகேஷ் கைது குறித்து அமைச்சர் நிர்மல்குமார் விளக்கம்

Minister Nirmalkumar On Anbil Mahesh: திமுக சொன்னபடி அனைத்து ரூல்ஸ்களையும் பின்பற்றியே கைது நடவடிக்கை எடுக்கப்பட்டுள்ளதாக அமைச்சர் நிர்மல்குமார் விளக்கமளித்துள்ளார்.

அன்பில் மகேஷ் கைது நடவடிக்கை

தனியார் பள்ளிகளுக்கு அங்கீகாரம் பெற்று தருவதாக 100 கோடி ரூபாய் வரை மோசடி செய்ததாக எழுந்த புகாரில், திமுக முன்னாள் பள்ளிக் கல்வி அமைச்சர் அன்பில் மகேஷ் கைது செய்யப்பட்டு புழல் சிறையில் அடைக்கப்பட்டுள்ளார். இதுதொடர்பாக கோவையில் செய்தியாளர்களிடம் பேசிய சட்ட அமைச்சர் நிர்மல்குமார், “ஒரு கோப்பை திறந்ததற்கே முன்னாள் அமைச்சர் அதுவும் 400 கோடி ரூபாய்க்கு மேல் வசூல் செய்த ஒருவர் கைது செய்யப்பட்டுள்ளார். இது திமுகவிற்கு ஒரு மிகப்பெரிய அவமானம். அவர்கள் கைவைக்காத இடமே இல்லை. ஆனால், தற்போது பள்ளி மாணவர்களுக்கான பாதுகாப்பிற்காக வழங்கப்படும் சான்றிதழில் கூட கட்சி நிதி வாங்கப்பட்டுள்ளது.

”குழந்தைகளுக்கான சான்றிதழில் லஞ்சம்”

பொதுமக்கள் பெரும்பாலானோருக்கு கட்சி நிதி என்றால் என்னவென? சந்தேகம் கொண்டுள்ளனர். குழந்தைகளின் பாதுகாப்பிற்காக பள்ளிக்கல்வித்துறை சார்பில் வழங்கப்படும் ஒரு சான்றிதழ்க்காக, அறக்கட்டளை உள்ளிட்ட பல அமைப்புகளால் நடத்தப்படும் பள்ளி நிர்வாகங்களை மிரட்டி பணம் பறிக்கப்பட்டுள்ளது. இதுதான் குற்றச்சாட்டு. இப்போது தான் பள்ளி நிர்வாகங்கள் பலவும் தைரியமான முன்வந்து புகார்களை அளித்து வருகின்றன. இவர்கள் விட்டுவைக்காத பள்ளிகளே இல்லை. இப்படி ஒரு சான்றிதழ் உள்ளது என எத்தனை பேருக்கு தெரியும்? ஒரு சான்றிதழில் ஒரு ஆண்டிலேயே 400 கோடி ரூபாய் அளவிற்கு வசூல் செய்யப்பட்டுள்ளது.

”ஸ்டாலினுக்கு வெட்கமே இல்லையா”

இதே முன்னாள் துணை முதலமைச்சர், முதலமைச்சர் தான் கோப்புகளை திறங்கள், திறங்கள் என வலியுறுத்தினர். ஒரே ஒரு கோப்பை தான் தற்போது முதலமைச்சர் விஜய் திறந்துள்ளார். ஒரு கோப்புக்கே இவ்வளவு பெரிய நாடகத்தை அரங்கேற்றுகிறீர்கள். கொஞ்சமும் வெட்கம் இல்லாமல் அரசியல் பழிவாங்கும் நடவடிக்கை என ஸ்டாலின் அறிக்கை கொடுக்கிறார். குழந்தைகளுக்கான சான்றிதழில் கூட திருட்டுத்தனம் செய்து பணம் வசூலிப்பதை நினைத்து வெட்கப்பட வேண்டும். ஆனால், அதைவிட்டுவிட்டு கரூர் விவகாரத்திலேயே வழக்கு போட்டிருக்க வேண்டுமென, நீதிமன்ற வளாகத்திலேயே திமுக ஆதரவாளர்கள் பேசுகின்றனர். எனில் அவர்கள் கரூர் சம்பவத்திலேயே திட்டமிட்டுள்ளனர். இதற்காக தான் அன்பில் மகேஷ் அன்று நாடகம் போட்டாரா? இந்த அளவிற்கு கேவலமானவர்கள் தான் திமுகவினர்.

”பல கோப்புகள் விசாரணையில் உள்ளன”

கட்சி நிதி எப்படி வசூலிக்கப்பட்டது என்பதற்கு இது ஒரு உதாரணம். முதலமைச்சருக்கு சவால்விட்டதன்படி, இன்னும் பல கோப்புகள் விசாரணையில் உள்ளன. அரசு வேலை வாங்கி தருவதாக கே.என். நேரு தொடர்புடைய துறையில் பல நூறு கோடி ரூபாய் மோசடி நடந்ததாக வழக்கு தொடரப்பட்டது. அந்த விசாரணைக்கு எதிராக அவர் நீதிமன்றத்தை நாடினார். தவறு செய்யாவிட்டால் விசாரணையை எதிர்கொண்டு குற்றமற்றவர் என நிரூபிக்க வேண்டியது தானே. நீதிமன்றம் அவரது கோரிக்கையை நிராகரித்தது தொடர்ந்து விரைவில் அந்த வழக்கில் விசாரணை தொடங்கப்படும். முறையான விசாரணை நடத்தப்பட்டு குற்றவாளிகள் தண்டிக்கப்படுவர். அவர்கள் சொன்னபடியே ரூல்ஸ் பின்பற்றப்பட்டு ரூல்ஸ்படி அனைத்து விசாரணையும் நடைபெறும்.

அன்பில் மீது கைது நடவடிக்கை ஏன்?

நேற்று இரவு 1.30 மணி வரை சிறையில் அடைக்கக் கூடாது என திமுகவினர் போராடினர். அதிகாரமிக்க நபரை கைது செய்யாவிட்டால் அவரால் பாதிக்கப்பட்ட நபர்கள் எப்படி முன்வந்து புகார் கொடுப்பார்கள். அண்ணாநகர் ரமேஷ் உட்பட சாட்சி சொல்ல வந்த பலருக்கும் என்ன ஆனது என அனைவருக்கும் தெரியும். 2ஜி விவகாரத்தில் எத்தனை பேர் மறைந்தார்கள், எத்தனை பேர் காணாமல் போனார்கள் என எல்லாம் தெரியும். எனவே அவர்களை காவலில் எடுத்தால் தான் பாதிக்கப்பட்டவர்கள் முன் வந்து புகார் அளிப்பார்கள். யாரையும் பழிவாங்கும் நடவடிக்கை இதுவல்ல. செய்த தவறுக்கான விளைவு தான் இது” என அமைச்சர் நிர்மல்குமார் பதிலளித்துள்ளார்.

Related Post

திமுகவை கடுமையாக தாக்கி கிழித்து தொங்கவிட்ட விசிக பிரமுகர் – 2026இல் திமுக காலி என சபதம்

Posted by - பிப்ரவரி 14, 2025 0
மயிலாடுதுறையில் நடைபெற்ற விசிகவின் ஆர்ப்பாட்டத்தில் திமுகவை கடுமையாக விமர்சித்து விசிக நிர்வாகி பேசியுள்ள சம்பவம் பெரும் பரபரப்பை ஏற்படுத்தியுள்ளது. விசிக ஆர்ப்பாட்டம் வேங்கை வயல் கிராமத்தில் குடிநீர்…
dmk vs vck

திமுகவை சுத்துப்போட்ட விசிக- நடந்தது என்ன?

Posted by - மே 22, 2026 0
ஆற்றாமையால் அள்ளிவீசும் அவதூறுகள் அசைத்திடாது, அமைதியாய் கடப்பது அநாகரீகம் தவிர்க்கவே. அநீதி தொடர்ந்து, அனைத்தும் உரைத்தால் அணைக்க முடியா அனலில் தகித்து போவீர்- விசிக ஆற்றாமையால் அள்ளிவீசும்…

மன்னித்துவிடுங்கள்.. 41 குடும்பத்திடமும் கதறி அழுத விஜய் – மாமல்லபுரத்தில் நடந்தது இதுதான்!

Posted by - அக்டோபர் 27, 2025 0
கரூரில் கூட்ட நெரிசலில் சிக்கி உயிரிழந்தவர்களின் குடும்பத்தினரிடம் விஜய் மன்னிப்பு கேட்டு அழுதததாக தகவல் வெளியாகியுள்ளது. கடந்த மாதம் 27ம் தேதி கரூரில் நடந்த தமிழக வெற்றிக்…

“கடலில் பேனா நினைவு சின்னம் வைத்தால் நிச்சயம் உடைப்பேன்…” – மீண்டும் சீமான் பரபரப்பு பேச்சு..!

Posted by - ஏப்ரல் 7, 2023 0
குண்டு வைத்து கொல்வது மட்டும் இனப்படுகொலை அல்ல, குடிக்க வைத்து கொள்வதும் இனப்படுகொலைதான் என நாம் தமிழர் கட்சி தலைமை ஒருங்கிணைப்பாளர் சீமான் பேச்சு. சென்னை துறைமுகத்தில் உள்ள…
OPS

மனம் திறந்த ஓபிஎஸ்.பொறுமையாக இருந்தது ஏன்?

Posted by - பிப்ரவரி 24, 2026 0
ஒன்றிணைந்தால்தான் வெல்ல முடியும் என்று நான் சொன்னது தவறா? இன்று கட்சியின் நிலை எப்படி இருக்கிறது? நாடாளுமன்றத் தேர்தலில் டெபாசிட் இழந்தது அதிமுக- ஓபிஎஸ். கட்சி விதியை…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன