tamilnadu teachers census duty workload stress mobile phone issue

மக்கள்தொகை கணக்கெடுப்பு பணியால் தமிழக ஆசிரியர்கள் கடும் மன உளைச்சல்? தனிப்பட்ட செல்போன் பயன்பாடும் புதிய சர்ச்சை!

154 0

தமிழகத்தில் நடைபெற்று வரும் மக்கள்தொகை கணக்கெடுப்பு பணிக்காக அரசு பள்ளி ஆசிரியர்கள் பெருமளவில் களப்பணியில் ஈடுபடுத்தப்பட்டுள்ளதாக தகவல்கள் தெரிவிக்கின்றன. பள்ளிப் பணிகளையும், மக்கள்தொகை கணக்கெடுப்பு பணிகளையும் ஒரே நேரத்தில் மேற்கொள்ள வேண்டிய நிலை ஏற்பட்டுள்ளதால் பல ஆசிரியர்கள் கடும் மன உளைச்சலுக்கு ஆளாகியுள்ளதாக ஆசிரியர்கள் தரப்பில் வேதனை தெரிவிக்கப்படுகிறது.

ஆசிரியர்கள் கூறுவதாவது, தாங்கள் பணியாற்றும் பள்ளியிலிருந்து சுமார் 15 கிலோமீட்டர் அல்லது அதற்கும் அதிக தூரத்தில் உள்ள பகுதிகளுக்கு கணக்கெடுப்பு பணிக்காக அனுப்பப்படுவதாகவும்  இதனால் தினமும் நீண்ட தூரம் பயணம் செய்ய வேண்டிய சூழல் ஏற்பட்டுள்ளதுடன், பள்ளி நேரம் முடிந்த பிறகும் கணக்கெடுப்பு பணிகளை மேற்கொள்ள வேண்டிய கட்டாயம் இருப்பதாகவும் அவர்கள் தெரிவிக்கின்றனர். இதன் காரணமாக மாணவர்களின் கல்விப் பணிகளையும் முழுமையாக கவனிக்க முடியாத நிலை ஏற்பட்டுள்ளதாகவும் கூறப்படுகிறது.

மேலும், கணக்கெடுப்புக்காக அரசால் தனி மின்னணு சாதனம் வழங்கப்படாமல், ஆசிரியர்களின் சொந்த செல்போன்களையே பயன்படுத்துமாறு அறிவுறுத்தப்பட்டுள்ளதாக குற்றச்சாட்டு எழுந்துள்ளது. கணக்கெடுப்பு செயலியில் தகவல்களை பதிவு செய்து கொண்டிருக்கும் நேரத்தில் தனிப்பட்ட தொலைபேசி அழைப்புகள் வந்தால், பதிவு செய்யப்பட்ட தகவல்கள் பாதிக்கப்படுமோ என்ற அச்சம் ஆசிரியர்களிடையே நிலவி வருவதாகவும் கூறப்படுகிறது. இதனால் பதற்றத்துடனும், கவலையுடனும் பணியாற்ற வேண்டிய சூழல் ஏற்பட்டுள்ளதாக ஆசிரியர்கள் வேதனை தெரிவிக்கின்றனர்.Census: Self-enumeration process in Tamil Nadu to commence on July 17 - The Hindu

பள்ளி நிர்வாகப் பணிகள், மாணவர்களின் கல்வி, தேர்வு தொடர்பான பணிகள் ஆகியவற்றுடன் கூடுதலாக மக்கள்தொகை கணக்கெடுப்பு பணியும் வழங்கப்பட்டிருப்பதால், உடல் சோர்வுடன் மன அழுத்தமும் அதிகரித்துள்ளதாக ஆசிரியர்கள் தெரிவிக்கின்றனர். கணக்கெடுப்பு பணிக்காக போதிய வசதிகளும், தொழில்நுட்ப ஆதரவுகளும் வழங்கப்பட வேண்டும் என்றும் அவர்கள் கோரிக்கை விடுத்துள்ளனர்.

இந்த விவகாரம் தொடர்பாக பல ஆசிரியர்கள் தங்களது ஆதங்கத்தை வெளிப்படுத்தி வரும் நிலையில், ஆசிரியர்களின் நலனில் போதிய அக்கறை காட்டவில்லை என்றும், தங்களது கோரிக்கைகளை வலுவாக முன்வைக்கவில்லை என்றும் சில ஆசிரியர்கள் தாங்கள் சார்ந்துள்ள சில ஆசிரியர் சங்கங்கள் மீது கடும் அதிருப்தி தெரிவித்துள்ளனர். கணக்கெடுப்பு பணியால் ஏற்பட்டுள்ள சிரமங்கள் குறித்து சில ஆசிரியர் சங்கங்க நிர்வாகிகள் இதுவரை உரிய முறையில் குரல் கொடுக்கவில்லை என்ற குற்றச்சாட்டும் எழுந்துள்ளது.

“ஆசிரியர்களின் நலனில் அக்கறை இல்லாத ஆசிரியர் சங்க நிர்வாகிகள்” என்ற விமர்சனமும் ஆசிரியர்கள் மத்தியில் உள்ளதாக தெரிவிக்கின்றன. ஆசிரியர்களின் பணிச்சுமையை குறைக்கும் வகையில் அரசு உடனடியாக நடவடிக்கை எடுக்க வேண்டும் என்பதுடன், மக்கள்தொகை கணக்கெடுப்பு பணிக்கான நடைமுறைகளில் மாற்றம் செய்யவும், ஆசிரியர்களுக்கு தேவையான வசதிகள் மற்றும் பாதுகாப்பு ஏற்பாடுகளை வழங்கவும் பலரும் வலியுறுத்தி வருகின்றனர்.

Related Post

”யார் சொத்து, தூக்கிருவேன்” மேடையில் மகன் அன்புமணியை எச்சரித்த ராமதாஸ்? விசிக மீது அட்டாக்?

Posted by - மே 12, 2025 0
வன்னிய இளைஞர் மாநாட்டில் பாமக நிறுவனம் ராமதாஸ், மகன் அன்புமணியை மறைமுகமாக விமர்சித்ததாக கூறப்படுகிறது. Anbumani Ramadoss: பாட்டாளி மக்கள் கட்சி தனிப்பட்டவர்களின் சொத்து அல்ல என, அதன்…

வட மாநிலங்களில் கனமழை- தமிழ்நாடு முழுவதும் லோடு கிடைக்காமல் 2 லட்சம் லாரிகள் நிறுத்திவைப்பு

Posted by - ஜூலை 10, 2023 0
நாமக்கல்: இந்தியா முழுவதும் 30 லட்சத்திற்கும் மேற்பட்ட லாரிகள் இயங்குகிறது. தமிழகத்தில் 4 லட்சத்து 75 ஆயிரம் லாரிகள் இயங்குகிறது. இந்த தொழிலை நம்பி டிரைவர், கிளீனர்…

கூட்டணி கேள்விக்கு டென்ஷன்.. தேர்தல் நேரத்தில் திமுகவை விட்டு கட்சிகள் பிரியும்.. இபிஎஸ் அதிரடி…

Posted by - மார்ச் 26, 2025 0
டெல்லியில் செய்தியாளர்களை சந்தித்த எடப்பாடி பழனிசாமி, பாஜக கூட்டணி குறித்த கேள்விக்கு டென்ஷனான நிலையில், தேர்தல் நேரத்தில் திமுக கூட்டணி உடையும் என்பதுபோல் பேசியதால் பரபரப்பு ஏற்பட்டுள்ளது.…

சூறாவளிக்காற்று.. இடி மின்னலுடன் மழை.. புது அலெர்ட் கொடுத்த வானிலை மையம்

Posted by - டிசம்பர் 20, 2022 0
weather update | சென்னையை பொறுத்தவரை, அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஓரிரு இடங்களில் லேசான மழை பெய்யக்கூடும் என…

கண்பார்வையை அதிகரிக்க கேரட் மட்டுமில்லை இந்த எளிய பொருட்களையும் சாப்பிடலாமாம்… ட்ரை பண்ணுங்க…!

Posted by - அக்டோபர் 17, 2023 0
நம் உடலின் மிகவும் முக்கியமான பாகங்களில் ஒன்று கண்கள். நம் கண்களால் தான் நாம் இந்த உலகை ரசிக்க முடிகிறது. ஆனால், மோசமான வாழ்க்கை முறையால் கண்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன