அமெரிக்காவிற்கு எதிராக திரும்பிய இந்திய கூட்டாளிகள் – ”ஈரானை அடிச்சது தப்பு” பாக்.,ற்கு கொட்டு

301 0

இந்தியா உள்ளிட்ட பிரிக்ஸ் அமைப்பு நாடுகள் அமெரிக்காவின் சரிநிகர் வரி விதிப்பு முறைக்கு கண்டனம் தெரிவித்துள்ளன.

BRICS Summit: பிரிக்ஸ் அமைப்பு நாடுகள் பஹல்காம் தாக்குதல் மற்றும் ஈரான் மீதான அமெரிக்காவின் தாக்குதல்களுக்கும் கண்டனம் தெரிவித்துள்ளன.

பிரிக்ஸ் அமைப்பு கண்டனம்:

ஒற்றுமை மற்றும் வலுவான எதிர்ப்பின் வெளிப்பாடாக, பிரிக்ஸ் நாடுகள் ஈரான் மீதான சமீபத்திய ராணுவத் தாக்குதல்கள் மற்றும் ஒருதலைப்பட்ச வர்த்தக வரிகளை அதிகரிக்கும் குறிப்பாக அமெரிக்காவின் நடவடிக்கைகளுக்கு கடுமையாக கண்டனம் தெரிவித்துள்ளன. ரியோ டி ஜெனிரோவில் நடைபெற்ற கூட்டத்தில், உலகளாவிய வர்த்தக சிக்கல்கள், ராணுவ அதிகரிப்புகள் மற்றும் தீவிரம் குறித்த தங்களது ஒத்த கவலைகளை வெளிப்படுத்தும் வகையில், ரியோ டி ஜெனிரோ பிரகடனம் என்று அழைக்கப்படும் ஒரு கூட்டு அறிக்கையை பிரிக்ஸ் நாடுகள் வெளியிட்டன. புதியதாக இணைந்த எகிப்து, எத்தியோப்பியா, ஈரான், இந்தோனேசியா மற்றும் ஐக்கிய அரபு எமிரேட்ஸ் உள்ளிட்ட 11 உறுப்பு நாடுகளை உள்ளடக்கிய விரிவாக்கப்பட்ட பிரிக்ஸ் கூட்டணி, அதிகரித்து வரும் பாதுகாப்புவாதத்தின் மீதான தாக்கம் குறித்து உறுதியான எச்சரிக்கையை விடுத்துள்ளது.

11 நாடுகள் சொல்வது என்ன?

கூட்டு அறிக்கையில், “வர்த்தகக் கட்டுப்பாட்டு நடவடிக்கைகளின் பெருக்கம், அதன் கண்மூடித்தனமான வரி உயர்வு மற்றும் வரி அல்லாத நடவடிக்கைகள் போன்ற வடிவங்களில் இருந்தாலும் சரி… உலகளாவிய வர்த்தகத்தை மேலும் குறைக்கவும், உலகளாவிய விநியோகச் சங்கிலிகளை சீர்குலைக்கவும், சர்வதேச பொருளாதார மற்றும் வர்த்தக நடவடிக்கைகளில் நிச்சயமற்ற தன்மையை அறிமுகப்படுத்தவும் அச்சுறுத்துகிறது” என்று தெரிவிக்கப்பட்டுள்ளது.

உலக வர்த்தக அமைப்பின் (WTO) கொள்கைகளுக்கு எதிரான ஒருதலைப்பட்ச வர்த்தக நடவடிக்கைகள் குறித்து இந்தக் குழு கடுமையான கவலைகளை வெளிப்படுத்தியது. தங்கள் நிலைப்பாட்டை மீண்டும் உறுதிப்படுத்திய தலைவர்கள், விதிகள் அடிப்படையிலான, திறந்த மற்றும் உள்ளடக்கிய பலதரப்பு வர்த்தக முறைக்கு ஆதரவாக தங்கள் ஆதரவை அளித்தனர். WTO கட்டமைப்பிற்குள் வளரும் பொருளாதாரங்களுக்கு சிறப்பு மற்றும் வேறுபட்ட சிகிச்சையின் அவசியத்தை வலியுறுத்தினர்.

பஹல்காம் தாக்குதலுக்கு கண்டம்:

ஏப்ரல் 22 அன்று ஜம்மு காஷ்மீரில் 26 பேர் கொல்லப்பட்ட கொடிய தாக்குதலுக்கு பிரிக்ஸ் நாடுகள் கண்டனம் தெரிவித்துள்ளன. அதில், “பயங்கரவாதத்திற்கு பூஜ்ஜிய சகிப்புத்தன்மையை உறுதி செய்ய நாங்கள் வலியுறுத்துகிறோம், பயங்கரவாதத்தை எதிர்ப்பதில் இரட்டை நிலைப்பாடுகளை நிராகரிக்கிறோம்” என்று அறிக்கையில் குறிப்பிடப்பட்டுள்ளது. நீண்டகாலமாக நிலுவையில் உள்ள சர்வதேச முயற்சிகளை ஆதரித்து, சர்வதேச பயங்கரவாதம் குறித்த விரிவான திட்டங்களை ஏற்றுக்கொள்ள வேண்டும் என்று அழைப்பு விடுத்ததுள்ளது. தீவிரவாதச் செயல்களின் நோக்கத்தைப் பொருட்படுத்தாமல், எந்தவொரு நியாயப்படுத்தலும் அவற்றை மன்னிக்க முடியாது என்பதை மீண்டும் வலியுறுத்தியது.

ஈரான் மீதான தாக்குதலுக்கு கண்டனம்:

ஜூன் 13 அன்று தொடங்கிய ஈரான் மீதான ராணுவத் தாக்குதல்கள் தொடர்பாகவும், பிரிக்ஸ் நாடுகள் தங்களது நிலைப்பாட்டை தெரிவித்துள்ளன. அதில் இந்தத் தாக்குதல்களை சர்வதேச சட்டம் மற்றும் ஐ.நா. சாசனத்தின் “தெளிவான மீறல்” என்று கூறிய பிரிக்ஸ், சர்வதேச அணுசக்தி அமைப்பின் (IAEA) கண்காணிப்பின் கீழ் இயங்கும் பொதுமக்கள் உள்கட்டமைப்பு மற்றும் அணுசக்தி நிலையங்கள் குறிவைக்கப்படுவது குறித்து கடுமையான கவலையையும் வெளிப்படுத்தியுள்ளது.

இதுபோக சர்வதேச பாதுகாப்புகளைத் தவிர்த்து, குற்றச் செயல்களுக்கு நிதியளிக்க தீவிரவாதக் குழுக்கள் புதிய தொழில்நுட்பங்கள் மற்றும் டிஜிட்டல் நாணயங்களை – கிரிப்டோகரன்சிகள் போன்றவற்றை பயன்படுத்துவதாகவும் பிரிக்ஸ் அமைப்பு எச்சரித்துள்ளது. இந்த மாநாட்டில் பிரதமர் மோடி உள்ளிட்ட பல தலைவர்கள் பங்கேற்றது குறிப்பிடத்தக்கது.

Related Post

Extra-Marital Affair | பெண்கள் ஏன் திருமணத்தை கடந்த உறவைத் தேர்வு செய்கிறார்கள்? – 5 காரணங்கள்.!

Posted by - டிசம்பர் 3, 2022 0
தன் கணவருடன் பாலியல் உறவு மிக மிக கொடுமையாக இருந்ததுதான் ஒரே காரணம் என்று ஒரு பெண் தெரிவித்திருக்கிறார். பல முறை முயற்சி செய்தும் கூட, அந்த…

எலிகள் மூலம் பரவும் ஒமைக்ரான் உருமாறிய கொரோனா- சி.எம்.சி. தலைமையிலான விஞ்ஞானிகள் ஆய்வு

Posted by - ஏப்ரல் 27, 2023 0
கொரோனா உலக அளவில் பெரும் பாதிப்பை ஏற்படுத்தியுள்ளது. இது எவ்வாறு பரவியது என்பது குறித்து மருத்துவ நிபுணர்கள் ஆராய்ச்சியாளர்கள் தொடர்ந்து ஆய்வு செய்து வருகின்றனர். கடந்த 2021-ம்…

உக்ரைனோடு நிற்காது: உலக நாடுகளுக்கு ஜெலன்ஸ்கி எச்சரிக்கை

Posted by - செப்டம்பர் 20, 2023 0
உக்ரைன் அதிபர் ஜெலன்ஸ்கி, ஐ.நா. பொதுச்சபையில் வருடாந்திர உயர்மட்ட கூட்டத்தில் கலந்து கொண்டு பேசினார். அப்போது அவர் கூறியதாவது:- ஒரு நாட்டிற்கு எதிராக வெறுப்பு ஆயுதமாகும்போது, அது…

தாயின் கருப்பையில் இருக்கும் போதே பச்சிளம் குழந்தைகளின் மூளையை தாக்கும் கொரோனா- ஆய்வில் அதிர்ச்சி தகவல்

Posted by - ஏப்ரல் 10, 2023 0
வாஷிங்டன்: 2020-ம் ஆண்டு சீனாவில் தோன்றி உலகம் முழுவதும் பரவிய கொரோனா பெரும் உயிரிழப்புகளையும், கோடிக்கணக்கானவர்களை நோயாளிகளாகவும் ஆக்கியது. இதைத்தொடர்ந்து பல நாடுகளில் கொரோனா தொற்றுக்கு எதிராக…

காதலிக்கு அடித்த ஜாக்பாட்: ரூ.900 கோடி சொத்தை உயில் எழுதி வைத்த முன்னாள் இத்தாலி பிரதமர்

Posted by - ஜூலை 10, 2023 0
ஐரோப்பிய நாடான இத்தாலியின் முன்னாள் பிரதமர் சில்வியோ பெர்லுஸ்கோனி. இவர் கடந்த மாதம் காலமானார். இறந்தபின் அவரது உயில் வாசிக்கப்பட்டபோது, அவர் தனது சொத்துக்களில் ரூ. 905,86,54,868…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன