Generated Image January 19 2026 11 05AM

திடீர் பல்டி அடித்த டிடிவி தினகரன்- பாஜக கூட்டணியில் அமமுக.?

239 0

தமிழக அரசியலில் திடீர் திருப்பமாக அதிமுக கூட்டணியில் டிடிவி தினகரன் இணையவுள்ளார். 23ஆம் தேதி நடைபெறும் கூட்டத்தில் இபிஎஸ் மற்றும் டிடிவி தினகரன் ஒரே மேடையில் கை கோர்க்கவுள்ளனர்.

திமுகவை வீழ்த்த திட்டமிடும் அதிமுக

தமிழக சட்டமன்ற தேர்தல் நெருங்கி வரும் நிலையில் தேர்தல் பணிகள் சூடு பிடிக்க தொடங்கியுள்ளது. அரசியல் கட்சிகள் தங்களது கூட்டணியை பலப்படுத்த திட்டமிட்டு காய் நகர்த்தி வருகிறது. அந்த வகையில் தமிழகத்தில் கடந்த 2019ஆம் ஆண்டு முதல் திமுக கூட்டணி வெற்றி கூட்டணியாக உள்ளது. கடந்த 6 ஆண்டுகளில் நடைபெற்ற இரண்டு மக்களவை தேர்தல், ஒரு சட்டமன்ற தேர்தல், இடைத்தேர்தல்களில் வெற்றி பெற்றுள்ளது. எனவே இந்த கூட்டணியோடு வருகிற 2026ஆம் ஆண்டு சட்டமன்ற தேர்தலையும் எதிர் கொள்ள திமுக முடிவு செய்துள்ளது. இதற்கு முட்டுக்கட்டை போடும் வகையில் காங்கிரஸ் கட்சி திடீரென போர்கொடி தூக்கிய நிலையில், தேசிய தலைமையின் உத்தரவின் காரணமாக கப் சிப் ஆகியுள்ளது காங்கிரஸ்.

டிடிவி தினகரன் அரசியல் மாற்றம்

இந்த நிலையில் பலம் வாய்ந்த திமுக கூட்டணியை வீழ்த்த அதிமுகவும் பலம் வாய்ந்த கூட்டணியை உருவாக்கி வருகிறது. இதற்கு ஏற்ப பாஜகவுடன் கூட்டணியை உறுதி செய்த எடப்பாடி பழனிசாமி, அடுத்தாக பாமகவையும் தங்கள் அணியில் இணைத்துள்ளார். அடுத்தாக தேமுதிக மற்றும் அமமுகவுடனும் பேச்சுவார்த்தை நடைபெற்று வருகிறது. இதனிடையே கடந்த நாடாளுமன்ற தேர்தலின் போது பாஜக கூட்டணியில் நீடித்த டிடிவி தினகரன், கடந்த சில மாதங்களுக்கு முன்பாக அந்த கூட்டணியில் இருந்து வெளியேறினார். மேலும் எடப்பாடி பழனிசாமியை முதலமைச்சர் வேட்பாளராக ஏற்கும் கூட்டணியில் இடம்பெற மாட்டோம் என அறிவித்தார்.  துரோகி எடப்பாடி பழனிசாமியை வீழ்த்துவேன் எனவும் கூறியிருந்தார்.

ஒரே மேடையில் இபிஎஸ்- டிடிவி தினகரன்

இதற்கு ஏற்ப கடந்த சில வாரங்களாக டிடிவி தினகரன் விஜய் கட்சியோடு கூட்டணி வைக்கப்போவதாக தகவல் வெளியானது. விஜய்க்கு ஆதரவாகவும் பல கருத்துகளை டிடிவி தினகரன் தெரிவித்து இருந்தார். இந்த நிலையில் தமிழகத்தில் அதிமுக- பாஜக கூட்டணியை பலப்படுத்த டிடிவி தினகரனை கூட்டணியில் இணைக்க வேண்டும் என அமித்ஷா உத்தரவிட்டார். இதனை ஆரம்பத்தில் மறுத்த எடப்பாடி பழனிசாமி, பின்னர் ஏற்றுக்கொண்டார். இதனையடுத்து அதிமுக- பாஜக கூட்டணியில் டிடிவி தினகரன் இணைவது உறுதியாகியுள்ளது. வருகிற 23ஆம் தேதி சென்னையில் நடைபெறவுள்ள பிரதமர் மோடியின் பொதுக்கூட்டத்தில் டிடிவி தினகரன், எடப்பாடி பழனிசாமி ஆகியோர் ஒரே மேடையில் ஏறவுள்ளனர்.

முதலமைச்சர் வேட்பாளர் இபிஎஸ்- ஓகே சொன்ன டிடிவி

இதனையடுத்து 23ஆம் தேதி கூட்டத்திற்கு அமமுக மாவட்ட செயலாளர்கள் தங்களது தொண்டர்களை அழைத்து வர டிடிவி தினகரன் உத்தரவிட்டுள்ளார். எனவே எடப்பாடி பழனிசாமியை முதலமைச்சர் வேட்பாளராக ஏற்க மாட்டேன் என உறுதியாக இருந்த டிடிவி தினகரன் முடிவில் திடீர் மாற்றம் ஏற்பட்டுள்ளது. தனது விருப்பு வெறுப்பை தள்ளி வைத்து விட்டு அம்மா ஆட்சி அமைய துணையாக இருக்கப்போவதாகவும் கூறியுள்ளார். எனவே எடப்பாடி பழனிசாமியை முதலமைச்சர் வேட்பாளராக டிடிவி தினகரன் ஏற்றுக்கொண்டுள்ளதாக அரசியல் விமர்சகர்கள் தெரிவித்து வருகிறார்கள்.

Related Post

”தமிழக அரசே.. விஜயை சுதந்திரமாக பேச விடுங்க” காங்., தலைவர் செல்வப்பெருந்தகை கோரிக்கை

Posted by - செப்டம்பர் 23, 2025 0
தமிழக வெற்றிக் கழக தலைவர் விஜய் சுதந்திரமாக பேசவும், பயணிக்கவும் தமிழக அரசு அனுமதிக்க வேண்டும் என காங்கிரஸ் மாநில தலைவர் செல்வப்பெருந்தகை வலியுறுத்தியுள்ளார். வாக்குத் திருட்டுக்கு…

தவெகவை நோக்கி நகரும் கட்சிகள்… தடுக்க முடியாமல் திணறும் பாஜக!

Posted by - டிசம்பர் 27, 2025 0
அ​தி​முக-வுடன் பியூஷ் கோயல் நடத்​திய பேச்​சு​வார்த்​தைக்​குப் பிறகு, கசி​ய​விடப்​பட்ட தொகு​திப் பங்​கீடு குறித்த தகவல்​கள் பெரும் புயலை கிளப்பி, சில கட்​சிகளை தவெக பக்​கம் தடம் மாற…
Generated Image November 06 2025 10 29AM

திமுகவுக்கு ஆதரவு… ஆதவ் அர்ஜூனா பரபரப்பு பேச்சு! ஷாக்காகி பார்த்த விஜய்

Posted by - நவம்பர் 6, 2025 0
நமது தலைவர் கடந்த சட்டமன்ற தேர்தலில் கருப்பு சிவப்பு சைக்கிளில் வந்து உங்களுக்கு மறைமுகமாக ஆதரவு தெரிவிப்பதாக சொன்னாரே எங்கள் தலைவர், உங்களுக்கு நன்றிக்கடன் இல்லையா என்று…
dmdk

’தேமுதிக, திமுக பக்கம் வந்தது எப்படி?’

Posted by - பிப்ரவரி 19, 2026 0
’அதிமுக கூட்டணியில் தேமுதிக இணைவது கிட்டத்தட்ட உறுதி செய்யப்பட்ட நேரத்தில், கடைசி நேரத்தில் களத்தில் குதித்த திமுக நிர்வாகிகள் முதல்வர் ஸ்டாலினுக்காக கூட்டணி கணக்கையே மாற்றியிருக்கின்றனர்’ எந்த…
DMK 2

MK Stalin: யாரை கேட்டு இப்படி பண்ணீங்க? உதயநிதி, சபரீசனுக்கு மு.க.ஸ்டாலின் வார்னிங்! நடந்தது என்ன?

Posted by - ஜூலை 4, 2026 0
தவெக ஆட்சியை கவிழ்க்க பேரம் பேசப்பட்ட விவகாரத்தில் திமுக தலைவர் மு.க.ஸ்டாலின் தனது மகன் உதயநிதி மற்றும் மருமகன் சபரீசனை எச்சரித்ததாக தகவல் வெளியாகியுள்ளது. தமிழ்நாட்டில் தற்போது விஜய் தலைமையிலான…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன