2026 சட்டமன்ற தேர்தலில் அதிமுக – பாஜக கூட்டணி! அண்ணாமலை பதவி பறிக்கப்பட்ட உடனே அறிவிப்பு!

225 0

தமிழ்நாட்டில் 2026 சட்டமன்ற தேர்தலில் அதிமுக – பாஜக கூட்டணி அமைப்பது உறுதியாகியுள்ளது. இதை அமித்ஷா – எடப்பாடி பழனிசாமி இணைந்து அறிவித்தனர்.

தமிழ்நாட்டில் அடுத்தாண்டு சட்டமன்ற தேர்தல் நடைபெற உள்ள நிலையில், கடந்த சில மாதங்களாவே பரபரப்பான சூழலில் தமிழக அரசியல் காணப்பட்டு வருகிறது. குறிப்பாக, கடந்த ஓரிரு நாட்களாகவே அதிகளவு பரபப்பு காணப்படுகிறது.

தமிழக பா.ஜ.க. தலைவராக இருந்த அண்ணாமலைக்கு பதிலாக புதிய தலைவர் தேர்வு செய்யப்பட உள்ளார் என்று தகவல்கள் வெளியாகி வந்த நிலையில், அமித்ஷாவின் சென்னை வருகையில் புதிய தலைவராக நயினார் நாகேந்திரன் தேர்வு செய்யப்பட்டுள்ளார். அவர் நாளை அதிகாரப்பூர்வமாக தேர்வு செய்யப்பட்டுள்ளார் என்று தகவல்கள் வெளியாக உள்ள நிலையில், வேறு யாரும் வேட்புமனு தாக்கல் செய்யாத காரணத்தால் அவர் தலைவராவது உறுதி செய்யப்பட்டுள்ளது.

உறுதியான அதிமுக – பாஜக கூட்டணி:

இந்த நிலையில், அண்ணாமலையின் பதவி பறிக்கப்பட்டு புதிய தலைவர் தேர்வாகியுள்ள நிலையில் எடப்பாடி பழனிசாமி – அமித்ஷா ஆகியோர் இணைந்து நிருபர்களைச் சந்தித்தனர். இந்த சந்திப்பின்போது வரும் சட்டமன்ற தேர்தலில் அதிமுக – தமிழக பா.ஜ.க. கூட்டணி எடப்பாடி பழனிசாமி தலைமையில் இணைந்து போட்டியிடுகிறோம் என்று அதிகாரப்பூர்வமாக அறிவித்துள்ளனர்.  பா.ஜ.க., அதிமுக கூட்டணி உறுதியாகியிருப்பதால் தமிழக அரசியல் புதிய பரபரப்பான சூழல் ஏற்பட்டுள்ளது.

தனித்து விடப்பட்ட பா.ஜ.க.:

தமிழ்நாட்டில் ஜெயலலிதாவின் மறைவிற்கு பிறகு அ.தி.மு.க.வில் ஏற்பட்ட தலைமை மோதல் காரணமாக பல்வேறு நெருக்கடிகளுக்கு பிறகு எடப்பாடி பழனிசாமி – ஓபிஎஸ் ஒருங்கிணைவதில் பா.ஜ.க. முக்கிய பங்கு வகித்தது.  இதையடுத்து, தமிழ்நாட்டில் கடந்த சட்டமன்ற தேர்தல் வரை அதிமுக – பாஜக கூட்டணி தொடர்ந்தது.

தமிழக பா.ஜ.க. தலைவரான அண்ணாமலை அ.தி.மு.க.வின் தலைவர்களான எம்ஜிஆர் மற்றும் ஜெயலலிதா பற்றி விமர்சனம் செய்தது அதிமுக-வினர் மத்தியில் பெரும் கொந்தளிப்பை ஏற்படுத்தியது. இதையடுத்து, பா.ஜ.க.வின் கூட்டணியில் இருந்து அதிமுக விலகியது.

தமிழ்நாட்டில் பா.ஜ.க. தனித்து போட்டியிட்டால் வரும் சட்டமன்ற தேர்தலில் பெரும் பின்னடைவைச் சந்திக்க நேரிடும் என்பதால் மீண்டும் கூட்டணிக்குச் செல்ல வேண்டிய அவசியம் உண்டாகியுள்ளது. திமுக-விற்கு எதிராக இருப்பதால் அவர்களின் முதன்மை தேர்வாக அதிமுக-வே இருந்தது. மேலும், வரும் சட்டமன்ற தேர்தலில் புதிய அரசியல் முகமாக களமிறங்கியுள்ள விஜய்யின் தவெக-வின் கொள்கை எதிரியாக பா.ஜ.க.வும் இருப்பதால் விஜய்யுடன் தமிழக பா.ஜ.க.வால் கூட்டணி கோர்க்க முடியாத சூழல் உள்ளது.

நயினார் நாகேந்திரன்:

தமிழ்நாட்டில் அதிமுக – பா.ஜ.க.வுடன் கூட்டணி அமைக்கப்பட்டிருப்பது அதிமுக-வின் அடிப்படைத் தொண்டர்கள் மத்தியில் கலவையான விமர்சனத்தை உண்டாக்கியுள்ளது. அதேசமயம், தமிழக பா.ஜ.க.வின் புதிய தலைவர் நயினார் நாகேந்திரன் கூட்டணி கட்சியினருடன் இணக்கமான போக்கை கையாளும் நபர் என்பதாலும், அதிமுக சார்பில் அமைச்சர் பதவியை வகித்தவர் என்பதாலும் கடந்த கால கசப்பான அனுபவங்களை மாற்ற இயலும் என்று இரண்டு கட்சியினரும் நம்பிக்கையுடன் உள்ளனர்.

எதிர்வரும் கால அரசியல் நடவடிக்கைகளின் அடிப்படையில் அதிமுக – பா.ஜ.க. கூட்டணிக்கு மக்கள் எப்படி வரவேற்பு அளிக்கின்றனர் என்பது தீர்மானிக்க முடியும்.

Related Post

தென் மாவட்டங்களில் மழைக்கு வாய்ப்பு – அடுத்த 3 மணிநேரம் அலெர்ட் கொடுத்த வானிலை மையம்

Posted by - டிசம்பர் 11, 2023 0
தமிழகத்தில் வரும் 16ஆம் தேதி வரை இடி மின்னலுடன் மிதமான மழைக்கு வாய்ப்பு இருப்பதாக கூறியுள்ளது. தென் மாவட்டங்களில் அடுத்த 3 மணி நேரத்தில் இடி மின்னலுடன்…

“புதுக்கோட்டையில் கனிமவள கொள்ளைக்கு எதிராக புகார் அளித்தவர் காட்டிக் கொடுக்கப்பட்டார்” – எடப்பாடி பழனிசாமி பரபரப்பு குற்றச்சாட்டு

Posted by - ஜனவரி 20, 2025 0
கனிமவளக் கொள்ளையர்கள் மட்டுமின்றி, அவர் கொடுத்த புகார்களின் மீது நடவடிக்கை எடுக்காமல் இருந்த அனைத்து அதிகாரிகள் மீதும் நடவடிக்கை எடுக்க வேண்டும் என்று எடப்பாடி பழனிசாமி, வலியுறுத்தியுள்ளார். புதுக்கோட்டையில்…

1 ரூபாய் அனுப்பி பர்னிச்சர் கடை உரிமையாளரிடம் ‘கூகுள் பே’ மூலம் ரூ.65 ஆயிரம் மோசடி

Posted by - மார்ச் 10, 2023 0
தூத்துக்குடி: நவீன யுகத்தில் தொழில்நுட்பங்கள் வளர, வளர இந்தியா மட்டுமின்றி உலகம் முழுவதும் சைபர் குற்றங்கள் அதிகரித்த வண்ணம் உள்ளது. குறிப்பாக ஆன்-லைன் மோசடி மூலம் தனி…

தாலிக்கு தங்கம் திட்டத்தின் மூலமாக தங்கத்தை வாரி வழங்கியதுதான் அதிமுக அரசாங்கம் – இபிஎஸ்

Posted by - ஏப்ரல் 13, 2024 0
தாலிக்கு தங்கம் திட்டத்தின் மூலமாக தங்கத்தை வாரி வழங்கியது தான் அதிமுக அரசாங்கம் என தமிழக முன்னாள் முதலமைச்சரும் அதிமுக பொதுச்செயலாளருமான எடப்பாடி பழனிசாமி தெரிவித்துள்ளார். அதிமுக…

வலுவிழந்த மாண்டஸ் புயல்… கரையை கடக்கும் போது சீறுமா..?

Posted by - டிசம்பர் 9, 2022 0
Cyclone Mandous | வங்கக் கடலில் உருவாகி உள்ள மாண்டஸ் தீவிர புயலிலிருந்து புயலாக வலுவிழந்து உள்ளது. மாண்டஸ் தீவிர புயல் இன்று காலை வலுவிழந்து தற்போது சென்னையில் தெற்கு கிழக்கு…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன