TVKAIADMKEPS

ADMK functionaries JOIN TVK : தள்ளிட்டு வாங்க.. அள்ளிட்டு போங்க. அதிமுகவை காலி செய்ய தவெகவின் ஆடி ஆஃபர்- விஜய்யின் செம பிளான்

123 0

ADMK TO TVK: அதிமுக மூத்த தலைவர்களை தவெகவிற்கு அழைத்து வருபவர்களுக்கு முக்கிய பதவிகள் வழங்கப்படும் என தவெக வாக்குறுதி கொடுத்துள்ளதாக தகவல் வெளியாகியுள்ளது.

அதிமுகவின் தொடர் தோல்வி

சட்டமன்ற தேர்தல் முடிவுகள் தமிழக அரசியலை புரட்டிப்போட்டுள்ளது. அந்த வகையில் அதிமுக பொதுச்செயலாளராக ஜெயலலிதா இருந்தவரை அசைக்க முடியாத கட்சியாக அதிமுக இருந்தது. 20217ஆம் ஆண்டு ஜெயலலிதா மறைவிற்கு பிறகு அதிமுக தலைமையை கைப்பற்ற நடைபெற்ற போட்டியில் பல பிளவுகளாக அதிமுக பிரிந்துள்ளது. ஓ.பன்னீர் செல்வம், சசிகலா, டிடிவி தினகரன், எடப்பாடி பழனிசாமி என மோதிக்கொண்ட நிலையில், கடைசியாக எடப்பாடி பழனிசாமி அதிமுகவின் பொதுச்செயலாளர் பொறுப்பை கைப்பற்றினார். இதனையடுத்து அவரது தலைமையின் கீழ் கடந்த 9 வருடங்களாக அதிமுக சந்தித்த அனைத்து தேர்தலிலும் தோல்விக்கு மேல் தோல்வியே பரிசாக கிடைத்தது.

தவெகவில் இணைந்த அதிமுக எம்எல்ஏக்கள்

இதனால் அதிருப்தி அடைந்த அதிமுக நிர்வாகிகள் மாற்றுக்கட்சிக்கு பல்டி அடித்து வருகிறார்கள். அந்த வகையில் அதிமுகவில் இருந்து தவெகவிற்கு மூத்த நிர்வாகிகள், மாஜி அமைச்சர்கள், எம்எல்ஏக்கள் என படையெடுத்து வருகிறார்கள். விராலிமலை தொகுதி எம்எல்ஏ சி. விஜயபாஸ்கர். கரூர் எம்எல்ஏ எம்.ஆர்.விஜயபாஸ்கர், அம்பாசமுத்திரம் இசக்கி சுப்பையா, எஸ்.பெருந்துறை ஜெயக்குமார், மதுராந்தகம் மரகதம் குமரவேல்,தாராபுரம் பி. சத்யபாமா ஆகியோர் ராஜினாமா செய்து தவெகவில் இணைந்தனர். இந்த நிலையில் தமிழகத்தில் தவெக ஆட்சி அமைத்த நிலையில், அடுத்து அடுத்து நடைபெறும் தேர்தலிலும் வெற்றி பெற வேண்டும் என தவெக தலைமை திட்டமிட்டுள்ளது.

அதிமுகவை காலி செய்ய தவெக திட்டம்

ஆனால் தவெகவிடம் கிளைக்கழகம் முதல் மாவட்ட, மாநில பணிகளை சரிவர செய்ய சரியான கட்சி நிர்வாகிகள் இல்லாத நிலை நீடித்து வருகிறது. எனவே ஆட்சி அதிகாரத்தில் இருக்கும் போதே கட்சியை பலப்படுத்த தவெக தலைமை திட்டமிட்டுள்ளது. எனவே அதிமுகவை ஒட்டுமொத்தமாக தவெக பக்கம் இழுக்க அக்கட்சி தலைவரும், முதலமைச்சருமான விஜய் திட்டமிட்டுள்ளார். இதற்காக தவெக மூத்த தலைவரான ஆதவ் அர்ஜூனாவிற்கு முழு அதிகாரம் கொடுக்கப்பட்டுள்ளதாக கூறப்படுகிறது. அந்த வகையில் அதிமுகவின் முக்கிய நிர்வாகிகளை தவெகிற்கு அழைத்து வருபவர்களுக்கு ஜாக்பாட் பரிசாக கட்சியில் பதவிகள் மட்டுமல்ல, வாரிய தலைவர் பதவியும்  வழங்கப்படும் என வாக்குறுதி கொடுக்கப்பட்டதாக கூறப்படுகிறது. அந்த வகையில் கடந்த 2 மாதங்களில் மட்டும் அதிமுகவில் இருந்து 30 சதவிகித நிர்வாகிகள் தவெகவிற்கு சென்றுள்ளனர்.

அதிமுகவினருக்கு ஆடி ஆஃபர்

எனவே வரும் நாட்களில் அதிமுகவில் இருந்து அதிகளவு நிர்வாகிகள் தவெகவில் இணைய இருப்பதாக கூறப்படுகிறது. இதற்கு ஏற்ப அந்த அந்த மாவட்டங்களில் மிகப்பெரிய அளவில் இணைப்பு விழாவை நடத்தவும் தவெக தலைமை திட்டமிட்டுள்ளது. இதற்கான பொறுப்பை தவெகவில் இணைந்த அதிமுக மூத்த நிர்வாகிகளிடம் ஒப்படைக்கப்பட்டுள்ளதாக கூறப்படுகிறது. எனவே தவெகவின் இந்த திட்டத்தை அதிமுக உடைக்குமா.? அல்லது எப்போதும் போல போனால் போகட்டும் என கண்டுகொள்ளாமல் இருக்குமா.? என கேள்வி எழுந்துள்ளது.

Related Post

wetheleader

Annamalai: 18 மாதமாக பாஜகவில் பிரச்னை..

Posted by - ஜூன் 5, 2026 0
கடந்த 18 மாதங்களாக எனக்குள் இருந்த கருத்து வேறுபாடுகளை அமைதியாக சொல்லி கொண்டு வந்தேன். 2025 டிசம்பர் மாதமே நான் பாஜகவில் இருந்து விலகுவதாக தெரிவித்து அவர்களை…
vijay ravishankar deputy speaker.jpg

விஜய் அதிரடி முடிவா? ரவிசங்கர் துணை சபாநாயகர் பதவிக்கு சிக்கல்!

Posted by - நவம்பர் 11, 2026 0
விஜய் அதிரடி முடிவா? துணை சபாநாயகர் பதவியில் இருந்து ரவிசங்கர் நீக்கப்படுகிறாரா? கருப்பையாவுக்கு வாய்ப்பு! தமிழக அரசியல் வட்டாரத்தில் தற்போது தவெக சட்டமன்ற உறுப்பினர் ரவிசங்கர் தொடர்பான…

அதிமுக ஆட்சியை விமர்சிக்க பொம்மை முதல்வர் ஸ்டாலினுக்கு தகுதி வேண்டும் : பழனிசாமி ஆவேசம்!

Posted by - டிசம்பர் 3, 2022 0
  அதிமுக ஆட்சியை விமர்சிக்க தகுதி வேண்டும். குடும்ப ஆட்சி நடத்தும் ஸ்டாலினுக்கு எந்தவித தகுதியும் இல்லை என கோவையில் நடைபெற்ற உண்ணாவிரதத்தில் எடப்பாடி பழனிசாமி ஆவேசமாக…
CHT

எதிர்க்கட்சிகளுக்கு செங்கோட்டையன் வார்னிங்!

Posted by - பிப்ரவரி 9, 2026 0
விஜய் தலைமையிலான தமிழக வெற்றிக் கழகம் அரசியல் களத்தில் விறுவிறுப்பாக செயல்பட்டு வரும் நிலையில் தலைவர் விஜய் இதுவரை செய்தியாளர்களை சந்திக்காமல் இருப்பது எதிர்க்கட்சிகளின் குற்றச்சாட்டாக உள்ளது.…
Breaking news image featuring Anbil Mahesh with Tamil text and PixelTamil branding.

Anbil Mahesh Arrest: ரூ.100 கோடி லஞ்சம்: திமுக முன்னாள் அமைச்சர் அன்பில் மகேஷ் கைது!

Posted by - அக்டோபர் 26, 2026 0
ரூ.100 கோடி லஞ்சம் வாங்கியதாக தொடரப்பட்ட வழக்கில் திமுக முன்னாள் பள்ளிக்கல்வித்துறை அமைச்சர் அன்பில் மகேஸ் கைதுதனியார் பள்ளிகளுக்கு அங்கீகாரம் பெற்றுத்தர ரூ.100 கோடி லஞ்சம் வாங்கியதாக…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன