vijaytvk

CM Vijay Speech: ஸ்டாலினுக்கு குட்டிக் கதை சொன்ன CM விஜய்..

91 0

CM Vijay Assembly Speech: திமுக தலைவர் ஸ்டாலினின் தோல்வி குறித்து, சட்டப்பேரவையில் முதலமைச்சர் விஜய் சொன்ன குட்டி ஸ்டோரி இணையத்தில் வைரலாகியுள்ளது.

CM Vijay Assembly Speech: திமுக தலைவர் ஸ்டாலினின் தோல்வி குறித்து, சட்டப்பேரவையில் முதலமைச்சர் விஜய் சொன்ன குட்டி ஸ்டோரி இணையத்தில் வைரலாகியுள்ளது.

சிஎம் விஜய் சொன்ன குட்டி ஸ்டோரி

சட்டசபையில் உரையாற்றிய முதலமைச்சர் விஜய், திமுகவை கடுமையாக விமர்சித்தார். இதனை ஏற்காமல் உதயநிதி தலைமையில் அவரது கட்சி எம்.எல்.ஏக்கள் வெளிநடப்பு செய்தனர். இருப்பினும் சட்டப்பேரவையில் பேசிய விஜய், ஒரு குட்டிக்கதை சொல்ல தோன்றுகிறது சொல்லலாம என கேட்க சபாநாயகர் அனுமதி கொடுத்தார். அதன்படி, ”ஒரு ஊரில் வெயிலின் தாக்கம் அதிகமாக இருக்கிறது என்பதால் பெரியர் ஒருவர் கண்கள் மீது கையை வைத்து மறைத்தபடி சுற்றும் முற்றும் பார்த்து தேடிக்கொண்டிருந்தார். அப்போது உடன் இருந்த சிறுவன் என்ன தேடுகிறீர்கள் என கேட்டான். அதற்கு ஒன்றுமில்லை தம்பி, உங்கள் அப்பா இங்கே தான் இருப்பார் என சொன்னார்கள்.  என தேடிக்கொண்டு இருக்கிறேன்.  எங்க உங்க அப்பாவை காணோம். அவரை தான் தேடிக்கொண்டு இருக்கிறேன்” என சொன்னாராம் என தனது குட்டிக்கதையை முதலமைச்சர் விஜய் முடித்தார்.

ஸ்டாலினை சீண்டிய விஜய்

தொடர்ந்து பேசுகையில், “இல்ல எங்களுக்கும் இப்படி நக்கல் நையாண்டியாக சம்மந்தம் சம்மந்தமே இல்லாமல் குட்டிக்கதை சொல்ல எங்களுக்கும் தெரியும். அந்த கதையில் பெரியவர் அப்படி சொன்னார். தவறாக எடுத்துக்கொள்ள வேண்டாம். இதற்காக யாரும் டென்ஷனாக வேண்டாம். ஐந்து நிமிடங்கள் பேசியதற்கே கொளத்தூர் இந்த ஆட்டம் கண்டுள்ளது. பேசு பேசு என்றால் நான் வேறு என்ன செய்வது.

பழச மறந்துட்டீங்களா?

தேசிய கீதம் இரண்டு முறை பாடப்பட்டது குறித்து எதிர்க்கட்சியினர் கேள்வி எழுப்புகின்றனர். அப்படி ஒரு நிகழ்வு இதுவரை சட்டமன்ற வரலாற்றில் நிகழ்ந்ததே இல்லை என கூறுகின்றனர். மரபையே மாற்றிவிட்டீர்கள் என பெரிய போரை போன்று பேசினர். அந்த மாநில உரிமை போராளிகளை, மரபு காக்கிற போராளிகளை ஒரே ஒரு கேள்வி தான் கேட்க வேண்டும். 2021, ஆகஸ்ட் 2ம் தேதி நினைவிருக்கிறதா? தமிழ்நாடு சட்டமன்றத்தின் நூற்றாண்டு விழாவில் முன்னாள் முதலமைச்சர் கலைஞரின் புகைப்படம் குடியரசு தலைவரால் திறக்கப்பட்டது. அப்போது தேசிய கீதத்திற்கு அடுத்ததாக தமிழ்த்தாய் வாழ்த்து பாடப்பட்டது. அதோடு நிகழ்ச்சியின் முடிவில் இரண்டாவது முறையாகவும் தேசிய கீதம் பாடப்பட்டது. அதுவும் முத்தமிழறிஞர் என சொல்லப்படும் கலைஞரின் புகைப்பட திறப்பு விழாவில், அவர் இருந்த இதே சபையில் தமிழ் இரண்டாவது இடத்திற்கு தள்ளப்பட்டது. அது யார் என நியாபகம் இருக்கா? இதெல்லாம் கேட்டால் அது குடியரசு தலைவர் பங்கேற்ற நிகழ்ச்சி அப்படி தான் இருக்கும். அதையெல்லாம் கண்டுகொள்ள கூடாது என்பார்கள்” என முதலைச்சர் விஜய் பேசினார்.

Related Post

சட்டப்பேரவையில் நம்பிக்கையில்லா தீர்மானம் கொண்டு வந்ததது ஏன்? – எதிர்க்கட்சித் தலைவர் எடப்பாடி பழனிச்சாமி விளக்கம்

Posted by - மார்ச் 17, 2025 0
சட்டப்பேரவை தலைவர் திமுகவுக்கு சாதகமாக செயல்படுவதாகவும், நடுநிலை தவறிவிட்டதாகவும் நாட்டு மக்களுக்கு தெரியப்படுத்தவே நம்பிக்கையில்லா தீர்மானம் கொண்டு வந்ததாக எதிர்க்கட்சித் தலைவர் எடப்பாடி பழனிச்சாமி தெரிவித்துள்ளார். “அதிமுகவில்…
amitsha

EPS: இபிஎஸ்-க்கு எதிராக டெல்லிக்கு பறந்த புகார்.. அமித்ஷாவின் ரியாக்ஷன் என்ன?

Posted by - ஜூலை 20, 2026 0
எடப்பாடி பழனிசாமிக்கு எதிராக டெல்லி பாஜக தலைமையிடம் அதிமுக முன்னாள் அமைச்சர்கள் குற்றம் சாட்டியுள்ளதாக தகவல்கள் வெளியாகியுள்ளது. தமிழ்நாட்டில் சட்டமன்ற தேர்தல் முடிவுகளால் மிகவும் கடுமையாக பாதிக்கப்பட்ட…

திருவண்ணாமலை ஏ.டி.எம். கொள்ளை கும்பலை பிடிப்பதில் போலீசாருக்கு திடீர் சிக்கல்

Posted by - பிப்ரவரி 20, 2023 0
திருவண்ணாமலை: திருவண்ணாமலை மாவட்டத்தில் 4 ஏடிஎம் மையங்களில் எந்திரங்களை உடைத்து ரூ.73 லட்சம் கொள்ளையடித்தனர். கொள்ளை கும்பலை கைது செய்வதற்காக 9 தனிப்படைகள் அமைக்கப்பட்டுள்ளது. அரியானா, குஜராத்,…

அரையாண்டு விடுமுறை : சிறப்பு வகுப்பு நடத்தினால் நடவடிக்கை – பள்ளி கல்வித்துறை அதிரடி

Posted by - டிசம்பர் 24, 2022 0
பொதுத் தேர்வு எழுதும் மாணவர்களுக்கு அசைன்மென்ட் மட்டும் வழங்கலாம் எனவும் அறிவுறுத்தப்பட்டுள்ளது. அரையாண்டு தேர்வு விடுமுறையில் பள்ளி மாணவர்களுக்கு சிறப்பு வகுப்புகள் நடத்தக்கூடாது என மாவட்ட முதன்மைக்…

திட்டமிட்ட தேதியில் முதுகலை ஆசிரியர் தேர்வு? டிஆர்பி வெளியிட்ட முக்கிய அறிவிப்பு

Posted by - அக்டோபர் 7, 2025 0
TN TRB Hall Ticket 2025 தேர்வர்களுக்கு தேர்வு கூட நுழைவுச் சீட்டு குறித்த குறைகள் இருப்பின் அதைச் சரிசெய்யலாம். அதற்கு, ஆசிரியர் தேர்வு வாரியத்தால் சிறப்பு…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன