vijaybaskar

Vijaya Baskar : எம்எல்ஏ பதவியும் போச்சு.. கட்சியும் போச்சு.. பரிதாப நிலையில் விஜயபாஸ்கர்.?

114 0

Vijaya Baskar : அதிமுக தலைமை மீது அதிருப்தி காரணமாக எம்எல்ஏ பதவியில் இருந்து விலகிய விஜயபாஸ்கர், இன்னும் தவெகவில் இணையாமல் இருப்பது ஏன் என கேள்வி எழுந்துள்ளது. தவெகவில் இணைக்க விஜய் மறுத்துவிட்டாரா? என விவாதம் தொடங்கியுள்ளது.

தவெக வெற்றி – 3வது இடத்தில் அதிமுக

தமிழக சட்டமன்ற தேர்தல் முடிவுகள் தமிழக அரசியல் வரலாற்றில் புதிய திருப்பத்தை ஏற்படுத்தியுள்ளது. கடந்த 50 ஆண்டுகளுக்கும் மேலாக திமுக-அதிமுக என மாறி மாறி ஆட்சியை பிடித்து வந்த நிலையில், கடந்த 2 வருடங்களுக்கு முன்பாக கட்சியை தொடங்கிய விஜய், ஆட்சியை பிடித்து நாட்டையே திரும்பி பார்க்கவைத்துள்ளார். அதே நேரம் தேர்தலில் வெற்றி பெற்று ஆட்சியை பிடித்து விடலாம் என திட்டமிட்டிருந்த அதிமுக 3வது இடத்திற்கு தள்ளப்பட்டுள்ளது. பல இடங்களில் டெபாசிட் கூட கிடைக்காத நிலை ஏற்பட்டது. இந்த நிலையில் அதிமுக கூட்டணி 53 இடங்களில் வெற்றி பெற்ற நிலையில், அதிமுக 47 இடங்களில் மட்டும் வெற்றி பெற்றது. இதனால் கட்சி தலைமை மீது அதிருப்தி அடைந்த அதிமுக எம்எல்ஏக்கள் தனி அணியாக செயல்பட தொடங்கினார்கள்.

அதிமுக 5 எம்எல்ஏக்கள் ராஜினாமா

தவெக அரசுக்கு ஆதரவு அளிக்கும் வகையில் 25 எம்எல்ஏக்கள் எஸ்.பி.வேலுமணி,சி.வி.சண்முகம் தலைமையில் செயல்பட தொடங்கினார்கள். இதனால் அதிருப்தி அடைந்த எடப்பாடி பழனிசாமி 25 எம்எல்ஏக்களின் கட்சி பதவி பறித்ததும் இல்லாமல் புதிய மாவட்ட செயலாளர்களை நியமித்தார். இதனால் அதிமுகவில் உட்கட்சி மோதல் தலை தூக்கியது. இதில் மரகதம் குமரவேல் – மதுராந்தகம், எஸ். ஜெயக்குமார் – பெருந்துறை,
பி. சத்தியபாமா – தாராபுரம், இசக்கி சுப்பையா – அம்பாசமுத்திரம் என அடுத்தடுத்து தங்கள் எம்எல்ஏ பதவியை ராஜினாமா செய்து தவெகவில் இணைந்தனர். ஆனால் முன்னாள் அமைச்சர் சி.விஜயபாஸ்கர் மட்டும் எம்எல்ஏ பதவியை ராஜினாமா செய்ததோடு உள்ளார். இதுவரை வேறு கட்சியில் இணையவில்லை.

விஜயபாஸ்கர் திட்டம் என்ன.?

இது தொடர்பாக புதுக்கோட்டை பகுதியில் விசாரிக்கையில், சி.விஜயபாஸ்கர், அதிமுக தலைமை மீது கடும் அதிருப்தியில் இருந்துள்ளார். ஆனால் கட்சியை விட்டு செல்ல மனமில்லாமல் தவித்துள்ளார். ஆனால் அதிமுக பொதுச்செயலாளர் எடப்பாடி பழனிசாமியின் செயல்பாடுகளுக்கு எதிர்ப்பு தெரிவித்து தனது பதவியை ராஜினாமா செய்துள்ளார். தவெகவிற்கு பதிலாக திமுகவில் இணையவே விஜயபாஸ்கர் முயற்சி செய்துள்ளார். ஆனால் புதுக்கோட்டை மாவட்டத்தை சேர்ந்த திமுக நிர்வாகிகளான ரகுபதி, மெய்யநாதன், செல்லபாண்டி ஆகியோர் கடும் எதிர்ப்பு தெரிவித்துள்ளனர். இதனையடுத்து திமுகவில் விஜயபாஸ்கர் இணையமுடியாத நிலை ஏற்பட்டது.

விஜயபாஸ்கரை கைவிட்டாரா விஜய்.?

அடுத்ததாக தவெகவில் இணைய திட்டமிட்டார். ஆனால் தவெக தலைவரும், முதலமைச்சருமான விஜய் முன்னிலையில் தான் இணைவேன் என விஜயபாஸ்கர் உறுதியாக சொல்லியுள்ளார். ஆனால் கடந்த சில வாரங்களாக மாற்று கட்சியினர் தவெக பொதுச்செயலாளர் ஆனந்த், ஆதவ் அர்ஜூனா முன்னிலையிலேயே இணைந்து வருகிறார்கள். எனவே விஜயபாஸ்கர் தவெகவில் இணையும் நிகழ்ச்சியானது இன்னும் நடைபெறாமல் உள்ளது. தற்போது அதிமுகவிலும் இல்லாமல், தவெகவிலும் இல்லாமல் விஜயபாஸ்கர் நட்டாற்றில் தவித்து வருவதாக கூறப்படுகிறது. இருந்த போதும் இன்னும் ஓரிரு நாட்களில் தவெகவில் விஜயபாஸ்கர் இணைந்து விடுவார். விரைவில் அறிவிக்கப்படவுள்ள இடைத்தேர்தலில் போட்டியிட்டு வெற்றி பெற்று விஜயபாஸ்கர் அமைச்சராவார் என அவரது அதரவாளர்கள் நம்பிக்கையோடு தெரிவித்து வருகிறார்கள்.

Related Post

dmk cong

திமுகவை லெஃப்ட் ரைட் வாங்கிய மாணிக்கம் தாக்கூர்

Posted by - மே 24, 2026 0
DMK Cong: மதச்சார்பற்ற கட்சி என முகமூடியை அணிந்துகொண்டு திமுக நாடகமாடுவதாக, காங்கிரஸ் நாடாளுமன்ற உறுப்பினர் மாணிக்கம் தாக்கூர் (Manickam Tagore) குற்றம்சாட்டியுள்ளார். DMK Cong: பாஜக உடன்…
Generated Image November 27 2025 10 12AM

”விஜய் கட்டுவது குட்டிச்சுவர், யாராலும் ஆட்சி அமைக்க முடியாது” அட்டாக் மோடில் சீமான்

Posted by - நவம்பர் 27, 2025 0
Vijay  vs Seeman: நாம் தமிழர் கட்சியின் தலைமை ஒருங்கிணைப்பாளரான சீமான், தமிழக வெற்றிக் கழக தலைவர் விஜயை கடுமையாக சாடி பேசியுள்ளார். ஒரு வழக்கு போட்டதும்…
ER

திமுகவில் இணைந்த அதிமுக மாஜி அமைச்சர்.! டெல்டா மாவட்டத்தை தட்டி தூக்கிய ஸ்டாலின்

Posted by - ஜனவரி 21, 2026 0
தமிழக சட்டமன்ற தேர்தல் நெருங்கி வரும் நிலையில், முன்னாள் முதலமைச்சர் ஓ.பன்னீர் செல்வத்தின் ஆதரவாளர்கள் ஒருவர் பின் ஒருவராக திமுகவில் இணைந்து வரும் நிலையில் தற்போது முன்னாள்…

கூட்டணியை நான் பார்த்துக் கொள்கிறேன்… தேர்தல் பணிகளை துரிதப்படுத்துங்கள்… நிர்வாகிகளுக்கு கமல்ஹாசன் அட்வைஸ்

Posted by - ஜனவரி 23, 2024 0
கூட்டணி அமைத்து போட்டியிட்டாலும் அனைத்து வாக்குச்சாவடிகளிலும் மக்கள் நீதி மய்யம் சார்பில் பூத் கமிட்டி அமைக்க வேண்டும் – கமல்ஹாசன் நாடாளுமன்ற தேர்தலில் யாருடன் கூட்டணி அமைக்க…

“சோறு கூட போடுறோம், ஆனா ஓட்டு போட மாட்டோம்“ – நயினாரை அதிர்ச்சியில் உறையவைத்த பாஜக தொண்டர்

Posted by - ஜூலை 14, 2025 0
பாஜக மாநிலத் தலைவர் நயினார் நாகேந்திரனிடம், மக்கள் சோறு போட தயாராக இருப்பதாகவும், ஆனால் ஓட்டு போட மாட்டோம் என்று கூறுவதாகவும் தொண்டர் ஒருவர் தெரிவித்ததால், அவர்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன