Generated Image February 06 2026 10 48AM

அரசு கல்லூரிகளில் 426 விரிவுரையாளர் பணி

170 0

தமிழ்நாடு அரசு கலை அறிவியல் கல்லூரிகளில் 426 தற்காலிக கவுரவ விரிவுரையாளர் பணியிடங்கள் 29 பாடப் பிரிவுகளுக்கு நிரப்பப்பட உள்ளன. இதற்கு பிப்ரவரி 9ஆம் தேதி வரை விண்ணப்பப் பதிவு நடைபெற உள்ள நிலையில், விண்ணப்பிப்பது எப்படி? என்ன தகுதி? வயது வரம்பு ஆகியவை குறித்து விரிவாக அறியலாம்.

தமிழ்நாடு அரசு கலை அறிவியல் கல்லூரிகளில் 2025-26ஆம் கல்வியாண்டிற்கு பாடப்பிரிவுகளில் 15,000க்கும் மேற்பட்ட கூடுதல் இடங்களும், புதிய பாடப்பிரிவுகளும் தோற்றுவிக்கப்பட்டன. மேலும், 37 புதிய அரசு கலை மற்றும் அறிவியல் கல்லூரிகளும் தொடங்கப்பட்டன.

1,277 பேர் பணியமர்த்தல்

ஆரம்பத்தில் கல்லூரிகளில் காலியாக உள்ள இடங்களில் முதற்கட்டமாக 574 கௌரவ விரிவுரையாளர்கள் பணியமர்த்தப்படவும், பின்னர் 823 கௌரவ விரிவுரையாளர்கள் பணியமர்த்தவும் விளம்பரங்கள் வெளியிடப்பட்டு, தற்காலிகமாக 1,277 கௌரவ விரிவுரையாளர்கள் பணியமர்த்தப்பட்டுள்ளனர்.

இதன் தொடர்ச்சியாக மேலும், தமிழ் மற்றும் ஆங்கில மொழி பாடப்பிரிவுகளுக்கு 306 கௌரவ விரிவுரையாளர்களை தற்காலிகமாக பணியமர்த்துவதற்கு ஆணையிடப்பட்டது. இத்துடன் ஏற்கனவே வெளியிடப்பட்ட பணியிடங்கள் சேர்க்கை பெறாத 120 பணியிடங்களும் சேர்த்து ஆக மொத்தம் 426 தற்காலிக கௌரவ விரிவுரையாளர் பணியிடங்கள் 29 பாடப்பிரிவுகளுக்கு நிரப்பப்படவுள்ளது. இதற்குத் தேர்வர்கள் 09.02.2026 வரை விண்ணப்பிக்கலாம்.

சென்னை, கோவை, தர்மபுரி, தஞ்சாவூர், திருச்சி, திருநெல்வேலி, வேலூர் ஆகிய எட்டு மண்டலங்களில் தேர்வர்கள் விண்ணப்பிக்கலாம்.

விண்ணப்பக் கட்டணம்

எஸ்சி, எஸ்டி – ரூ.100

பிற பிரிவினர் – ரூ.250

வயது வரம்பு

அதிகபட்ச வயது 57

கல்வித் தகுதி

முதுநிலை பட்டத்தில் குறைந்தபட்ச மதிப்பெண் 55% பெற்றிருக்க வேண்டும். ஆதிதிராவிடர் / ஆதிதிராவிட பழங்குடியினர் /பிற்படுத்தப்பட்டோர் / மிகவும் பிற்படுத்தப்பட்டோர் / மாற்றத்திறனாளி பிரிவினர் ஆகியோர் 50% மதிப்பெண் பெற்றிருத்தல் போதுமானது. உடன், பி.எச்டி அல்லது NET / SLET / SET ஏதேனும் ஒரு தகுதியைப் பெற்றிருத்தல் அவசியம்.

கௌரவ விரிவுரையாளர்கள் தங்களின் கல்வித் தகுதியின் அடிப்படையில் கல்வியில் மதிப்பீடு 85 மதிப்பெண்கள் மற்றும் நேர்முகத் தேர்வு மூலம் 15 மதிப்பெண்கள் ஆகியவற்றில் அதிகபட்ச மொத்த மதிப்பெண்கள் 100-ன் அடிப்படையில் தெரிவு செய்யப்படுவர். அரசின் வழக்கமான இட ஒதுக்கீட்டு முறை பின்பற்றப்படும்.

விண்ணப்ப நடைமுறைகள்

விண்ணப்பப் பதிவு செய்தல்

விண்ணப்ப விவரங்களை உள்ளிடுதல்

சான்றிதழ்கள் பதிவேற்றுதல்

புதிய விண்ணப்பம், விண்ணப்பக் கட்டணம் செலுத்துதல்

பூர்த்தி செய்யப்பட்ட விண்ணப்பத்தைப் பதிவிறக்கம் செய்தல்

https://www.tngasa.org/pdf/TNGAS-GL-Instruction-Tamil.pdf என்ற இணைப்பில் கவுரவ விரிவுரையாளர் பணியிடங்களுக்கு விண்ணப்பிப்பது எப்படி என்ற விவரங்கள் முழுமையாகக் கொடுக்கப்பட்டு உள்ளன.

மாவட்ட வாரியான காலி பணியிடங்களின் விவரம் https://www.tngasa.org/pdf/district-wise-GL-New.pdf என்ற இணைப்பில் கொடுக்கப்பட்டு உள்ளது.

இது குறித்த முழு விவரங்கள் https://www.tngasa.org என்ற இணையதளத்தில் தெரிவிக்கப்பட்டுள்ளன.

Related Post

இனிமே தாறுமாறா கரண்ட் பில் உயராது..

Posted by - ஆகஸ்ட் 11, 2025 0
தமிழ்நாட்டில் திடீரென வீடுகளில் அபரிமிதமான மின்கட்டணம் வருவதை தடுக்க தமிழக அரசு புதிய நடைமுறையை செயல்படுத்த உள்ளது. தமிழ்நாட்டில் உள்ள வீடுகளில் தற்போது மின்மீட்டர் மூலமாக மின்சார…

அஜித்குமார் வழக்கு; “சாதாரண கொலை போல் தெரியவில்லை“ நீதிபதிகள் அதிர்ச்சி, அரசுக்கு 2 நாட்கள் கெடு

Posted by - ஜூலை 1, 2025 0
சிவகங்கை இளைஞர் அஜித்குமார் மரண வழக்கு விசாரணையின்போது தாக்கல் செய்யப்பட்ட பிரேத பரிசோதனை அறிக்கையால் நீதிபதிகள் அதிர்ச்சியடைந்துள்ளனர். அதைத் தொடர்ந்து, 2 நாட்களில் அறிக்கை அளிக்க அரசுக்கு…

அண்ணாமலைக்கு கல்தா; ஆட்டத்தை ஆரம்பித்த பாஜக தமிழ்நாடு – அப்போ தேர்தலுக்கு எப்படி பாஸ்.?

Posted by - மே 27, 2025 0
#TNBJP #ANNAMALAI #MODI #TNPOLITICS #AIADMK #DMK #BJP #INDIA #CONGRESS #PIXELTV #PIXELMEDIA சென்னை திருவான்மியூரில் நடந்த பாஜக கருத்தரங்கிற்காக வைக்கப்பட்ட பேனர்களில் அண்ணாமலையின் படம்…
45

உங்கள் கனவில் முருகன் வந்தாரா? அப்போ இதுதான் அர்த்தம் பக்தர்களே!

Posted by - நவம்பர் 11, 2025 0
முருகப்பெருமான் உங்கள் கனவில் தோன்றினால் அதற்கு என்ன அர்த்தம்? என்பதை கீழே விரிவாக காணலாம். தமிழ்க் கடவுள் என்று பக்தர்களால் போற்றி வணங்கப்படுபவர் முருகப்பெருமான். தைப்பூசம், கார்த்திகை…
மீனாட்சி இன்ஸ்டாகிராம் ஃபாலோயர்ஸ் உயர்வு - மதுரை தனிஷ்க் கொள்ளை வழக்கு

மீனாட்சி ஃபாலோயர்ஸ் ஒரே நாளில் 40K உயர்வு: தனிஷ்க் கொள்ளை

Posted by - நவம்பர் 16, 2026 0
சிறையில் இருந்தாலும் குறையாத கிரேஸ்: நகைக்கொள்ளை வழக்கில் சிக்கிய மீனாட்சிக்கு ஒரே நாளில் 40 ஆயிரம் புது ஃபாலோயர்கள்! மதுரையில் உள்ள தனிஷ்க் நகைக்கடையில் நடந்த கோடிக்கணக்கான…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன