tvk vijay

CPM Slams TVK: “ஆரோக்கியமான அரசியலுக்கு இது அழகல்ல..” – தவெக-வில் இணைந்த 4 அதிமுக MLA-க்கள்; சிபிஎம் கண்டனம்!

148 0

“அதிமுக எம்.எல்.ஏக்கள் ராஜினாமா செய்து தவெக-வில் இணைவது ஆரோக்கியமான அரசியலுக்கு உகந்தது அல்ல” என்று சிபிஎம் த மாநில செயலாளர் பெ.சண்முகம் சுட்டிக்காட்டியுள்ளார்.

தமிழக அரசியலில் தவெக மற்றும் அதிமுக இடையே ஏற்பட்டுள்ள புதிய அரசியல் நகர்வுகள் விவாதப் பொருளாக மாறியுள்ள நிலையில், மார்க்சிஸ்ட் கம்யூனிஸ்ட் கட்சி (CPM) இதுகுறித்து தனது கடுமையான விமர்சனத்தை முன்வைத்துள்ளது.

அதிமுக டூ தவெக: பின்னணி என்ன?

சட்டமன்றத்தில் தமிழக வெற்றிக் கழகத்திற்கு (தவெக) ஆதரவாக அதிமுக தரப்பில் 25 எம்.எல்.ஏ-க்கள் வாக்களித்திருந்தனர். அவர்களுள் 4 சட்டமன்ற உறுப்பினர்கள் தற்போது தங்களின் பதவியை அதிரடியாக ராஜினாமா செய்துவிட்டு, முறைப்படி தவெக-வில் இணைந்துள்ளனர்.

குதிரை பேரம் என இபிஎஸ், ஸ்டாலின் கண்டனம்

அதிமுக எம்.எல்.ஏ-க்களின் இந்த திடீர் அரசியல் மாற்றம், தமிழக அரசியல் வட்டாரத்தில் புயலைக் கிளப்பியுள்ளது. இதனை தவெக-வின் அப்பட்டமான “குதிரை பேரம்” என்று அதிமுக பொதுச்செயலாளர் எடப்பாடி பழனிசாமி மற்றும் முதலமைச்சர் மு.க.ஸ்டாலின் ஆகியோர் கூட்டாகக் கண்டித்து வருகின்றனர்.

“ஆரோக்கியமான அரசியலுக்கு ஏற்புடையதல்ல” – சிபிஎம் சாடல்

இந்தச் சூழலில், மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு சார்பில் அக்கட்சியின் மாநில செயலாளர் பெ.சண்முகம் அறிக்கை ஒன்றை வெளியிட்டுள்ளார். அதில், “அதிமுக எம்.எல்.ஏக்கள் ராஜினாமா செய்து தவெக-வில் இணைவது ஆரோக்கியமான அரசியலுக்கு உகந்தது அல்ல” என்று சுட்டிக்காட்டியுள்ளார்.

இயல்பான செயல் அல்ல – பெ.சண்மூகம்

பெ.சண்முகம் தனது அறிக்கையில் மேலும் குறிப்பிட்டுள்ளதாவது: கடந்த சட்டப் பேரவைத் தேர்தலில் அதிமுக சார்பில் போட்டியிட்டு வெற்றி பெற்ற உறுப்பினர்கள் திடீரென ராஜினாமா செய்துள்ளனர். தேர்தலுக்குப் பிறகு அதிமுகவுக்குள் நிலவி வரும் அடுக்கடுக்கான குழப்பங்களும், கோஷ்டி மோதல்களுமே இந்த ராஜினாமா நிலைக்குக் காரணம்.ராஜினாமா செய்த எம்.எல்.ஏ-க்கள் தவெக-வில் சேர்ந்திருப்பது அவர்களின் சொந்த விருப்பம் என்று கூறினாலும், இது எவ்வித பிரதிபலனும் இல்லாமல் இயல்பாக நடந்த செயலாகக் கருத முடியாது.

சட்ட ரீதியான நடவடிக்கையும் தவெக-வின் ஆதரவும்

ஏற்கனவே சட்டமன்றத்தில் தவெக ஆட்சிக்கு ஆதரவாக வாக்களித்ததன் மூலம், இந்த எம்.எல்.ஏ-க்கள் சட்ட ரீதியான (கட்சித் தாவல் தடைச் சட்டம் போன்ற) நடவடிக்கைகளை எதிர்கொள்ள வேண்டிய கட்டாயத்தில் இருந்தனர்.

இத்தகைய சூழலில், அவர்கள் ராஜினாமா செய்த உடனே தவெக அவர்களைத் தங்களது கட்சியில் சேர்த்துக் கொண்டிருக்கிறது. இதன் மூலம், இத்தகைய அரசியல் சட்ட விரோதப் போக்குகளை தவெக-வே முன்னின்று ஊக்குவிக்கிறதோ என்ற கேள்வி எழுகிறது. எனவே, இந்த நடவடிக்கை ஆரோக்கியமான அரசியல் பண்பாட்டிற்கு எதிரானது என இந்திய கம்யூனிஸ்ட் கட்சி (மார்க்சிஸ்ட்) சுட்டிக்காட்டுகிறது.

Related Post

dfghj

கருணாநிதி சூழ்ச்சி..ஜெயலலிதாவோடு மாட்டி விட்டுட்டாரு..

Posted by - மார்ச் 3, 2026 0
பிற்காலத்தில் ஜெயலலிதாவுக்கு பின்னால் இந்த பெண் அதிமுகவுக்கு தலைமையாக வரக்கூடும் என 1996ல் கருணாநிதி கணித்தார். அதனால் தான் என்னை சொத்து குவிப்பு வழக்கில் இணைத்து விட்டார்…
Gemini Generated Image 2gufn22gufn22guf

ஆரம்பமே அதிர்ச்சி.. விஜய் மீது 5 பிரிவுகளில் வழக்கு.. தேர்தல் பரப்புரை நடக்குமா?

Posted by - மார்ச் 31, 2026 0
விஜய் பெரம்பூர் மற்றும் கொளத்தூர் ஆகிய தொகுதிகளில் பரப்புரை மேற்கொண்டார். விஜயை காணும் பொருட்டு வழியெங்கும் மக்கள் கூட்டம் அலைமோதியது. கொளத்தூரில் திரண்ட மக்கள் கூட்டம் அச்சத்தை…
vijay 2

விஜய் உதயசூரியனுக்கு ஓட்டு போடச் சொன்னாரா? வைரலாகும் வீடியோ- நடந்தது என்ன?

Posted by - மார்ச் 31, 2026 0
திமுக சின்னம் உதய சூரியனுக்கு ஓட்டுப்போடச் சொன்ன தவெக விஜய்? வைரலாகும் வீடியோ- நடந்தது என்ன? தவெக தலைவர் விஜய், தனது தேர்தல் பிரச்சாரத்தில் உதய சூரியனுக்கு…
dmk e1780464006645

துரதிருஷ்டவசமா..? – துரை வைகோ கருத்தால் துடி துடிக்கும் திமுக

Posted by - ஜூன் 3, 2026 0
“சட்டப்பேரவைத் தேர்தலில் மதிமுக வேட்பாளர்கள் துரதிருஷ்டவசமாக திமுக சின்னத்தில் போட்டியிட்டனர். அதனால் தவெக அரசுக்கு ஆதரவு கொடுக்க முடியவில்லை” – மதிமுக முதன்மைச் செயலாளர் துரை வைகோவின்…
Generated Image November 22 2025 11 12AM

‘TVK’ விஜய் – தேமுதிகவின் உண்மையான பயம்?

Posted by - நவம்பர் 22, 2025 0
தேமுதிகவின் ‘மெகா’ பேரமும்… எதார்த்தத்தை உணர்த்திய ஸ்டாலினும்! – ஒரு அரசியல் பார்வை ​தமிழக அரசியல் களம் 2026 தேர்தலை நோக்கி நகரத் தொடங்கிவிட்டது என்பதற்கான முதல்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன