கனவுக்கன்னி டூ வில்லி.. தமிழ் சினிமாவின் எவர்கிரீன் நாயகி சிம்ரன்.!

435 0
 90களில் பிறந்த குழந்தைகளுக்கு கனவு கன்னி என்றவுடன் சட்டென்று நினைவுக்கு வரும் நடிகை சிம்ரனின் பிறந்தநாளான இன்று அவரது திரை வாழ்க்கையை திரும்பி பார்க்கலாம்.சிலையைப் போன்ற உடலமைப்பு, குழந்தை போன்ற முகம், அசுரத்தனமான நடிப்பு என தமிழ் சினிமா அதுவரை பார்த்திராத புதுவித கலவை நடிகை சிம்ரன். பாலிவுட்டில் நடிக்க தொடங்கி, தென்னிந்திய திரைப்படங்களில் வாய்ப்பு கிடைக்க, வி ஐ பி திரைப்படத்தின் மூலம் தமிழ் சினிமாவிற்குள் நுழைந்தார் நடிகை சிம்ரன். முதல் திரைப்படத்திலேயே யார் இந்த நடிகை என ஒட்டுமொத்த தமிழ்நாட்டையும் திரும்பிப் பார்க்க வைக்க, தயாரிப்பாளர்களும் இயக்குனர்களும் சிம்ரனை ஒப்பந்தம் செய்ய படை எடுத்தனர்.நேருக்கு நேர், துள்ளாத மனமும் துள்ளும், வாலி என 90களில் இறுதியில் சிம்ரன் நடித்த எல்லா திரைப்படங்களும் வெற்றி திரைப்படம் ஆக புதிய நூற்றாண்டின் துவக்கத்தில் தமிழ் சினிமாவின் நம்பர் ஒன் நடிகை என தனது வெற்றி கொடியை பறக்க விட்டார் சிம்ரன். நடிகர்களுக்கு பாடல்கள் ஹிட் அடிப்பது போல சிம்ரன் தோன்றும் பாடல்கள் தமிழ் சினிமாவில் அடுத்தடுத்து ஹிட் அடிக்க சிம்ரனுக்காகவே திரைப்படம் பார்க்கும் ரசிகர்களின் எண்ணிக்கை தமிழ் சினிமாவில் அதிகரிக்க தொடங்கியது. நாயகியாக தொடர்ந்து வெற்றி படங்களில் நடித்துக் கொண்டிருக்கும் பொழுதே தனது நடிப்புத் திறமையை நிரூபிக்க பார்த்தேன் ரசித்தேன் திரைப்படத்தில் வில்லி கதாபாத்திரத்தில் மிரட்டி எடுத்து இருப்பார் சிம்ரன். உடனிருந்த நலம் விரும்பிகள் வேண்டாம் என தடுத்தும் தனது நடிப்புத் திறமையை நிரூபிக்க சிம்ரன் எடுத்த இந்த விஷபரிட்சைக்கும் ரசிகர்கள் மத்தியில் வரவேற்பே கிடைத்தது. சிம்ரனின் வில்லி கதாபாத்திரம் அவரது கேரியரை பாதிக்காமல் அவருக்கான திரைப்படங்களின் எண்ணிக்கையை அதிகரிக்க தொடங்கியது.நாயகியாக தொடர்ந்து வெற்றி படங்களில் நடித்துக் கொண்டிருக்கும் பொழுதே தனது நடிப்புத் திறமையை நிரூபிக்க பார்த்தேன் ரசித்தேன் திரைப்படத்தில் வில்லி கதாபாத்திரத்தில் மிரட்டி எடுத்து இருப்பார் சிம்ரன். உடனிருந்த நலம் விரும்பிகள் வேண்டாம் என தடுத்தும் தனது நடிப்புத் திறமையை நிரூபிக்க சிம்ரன் எடுத்த இந்த விஷபரிட்சைக்கும் ரசிகர்கள் மத்தியில் வரவேற்பே கிடைத்தது. சிம்ரனின் வில்லி கதாபாத்திரம் அவரது கேரியரை பாதிக்காமல் அவருக்கான திரைப்படங்களின் எண்ணிக்கையை அதிகரிக்க தொடங்கியது.வில்லியாக நடித்தது மட்டுமல்லாமல் மேலும் பல இலக்கணங்களையும் உடைத்து இருக்கிறார் சிம்ரன். வேறொரு நடிகை நடிக்கும் திரைப்படத்தில் ஒரு பாடலில் ஆட பெரும்பாலானோர் தயங்கிய நிலையில் அதையும் முதலில் செய்து காட்டியவர் சிம்ரன். யூத் திரைப்படத்தில் இவர் தோன்றி ஆட்டம் போட்ட ஆல்தோட்ட பூபதி இன்றும் பலரின் ப்ளே லிஸ்டில் இன்றும் ஃபேவரைட் பாடலாக இருந்து வருகிறது.ஒவ்வொரு நடிகருக்கும் தனது திரை வாழ்கையில் காலத்தால் மறக்க முடியாத திரைப்படமாக ஒரு திரைப்படம் அமையும். அதுபோல சிம்ரனுக்கு அமைந்த திரைப்படம் கன்னத்தில் முத்தமிட்டால். மணிரத்தினம் இயக்கத்தில் மாதவனுடன் சிம்ரன் இணைந்து நடித்திருந்த இந்த திரைப்படம் சிம்ரனுக்காகவே எழுதப்பட்ட கதை போல கச்சிதமாக அவருக்கு பொருந்தி போக விருதுகள் சிம்ரனை துரத்த தொடங்கின.கமலஹாசன், அஜித், விஜய் என தமிழ் சினிமாவின் முன்னணி நடிகர்கள் அனைவருக்கும் ஆஸ்தான நாயகியாக விளங்கிய சிம்ரனுக்கு சந்திரமுகி திரைப்படத்தில் நடிக்கும் வாய்ப்பு நழுவி போனதன் காரணமாக ரஜினிகாந்துடன் நடிக்க முடியாமல் போனது. பின்னர் பேட்ட திரைப்படத்தில் நடித்து இந்த கணக்கையும் நேர் செய்து கொண்டார் சிம்ரன்.திருமணத்திற்கு பிறகு மீண்டும் நடிக்க வந்த போதும் தனது இடத்தை மீட்டெடுக்க முடியாமல் துணை கதாபாத்திரங்களில் நடிக்க தொடங்கிய சிம்ரனுக்கு வெற்றி கிடைக்காமல் இருந்து வந்த நிலையில் வாரணம் ஆயிரம் திரைப்படம் சிம்ரனுக்கு இரண்டாவது இன்னிங்ஸின் துவக்கமாக அமைந்தது. தொடர்ந்து பாவ கதைகள், மகான் என கலக்கிக் கொண்டிருக்கும் சிம்ரனின் பெயர் 90களில் பிறந்த குழந்தைக்கு என்றுமே கனவுகளை மீட்டுத் தரும் ஒரு பெயர்.

Related Post

’லியோ’ திரைபார்வை..

Posted by - அக்டோபர் 20, 2023 0
’லியோ’ விமர்சனம்: விஜய்-லோகேஷ் கூட்டணியின் மாயாஜாலம் பலித்ததா? LEO movie review: Despite mixed reviews from audience, Thalapathy Vijay’s film mints ₹132.5 cr…

உதயநிதியுடன் மோதும் நடிகர் சிவகார்த்திகேயன்.. வெளியான புதிய தகவல்

Posted by - ஏப்ரல் 19, 2023 0
மண்டேலா படத்தின் இயக்குனர் மடோன் அஸ்வின் சிவகார்த்திகேயன் வைத்து மாவீரன் படத்தை இயக்கி வருகிறார். இதில் அதிதி ஷங்கர் கதாநாயகியாக நடிக்கிறார். சிவகார்த்திகேயனின் பிரின்ஸ் திரைப்படம் படும் தோல்வியை சந்தித்த…

கேப்டன் மில்லர் ஷூட்டிங்கில் பயங்கர குண்டு வெடிப்பு.. படப்பிடிப்பு நிறுத்தம்!

Posted by - ஏப்ரல் 25, 2023 0
நடிகர் தனுஷ் நடிப்பில் அருண் மாதேஸ்வரன் இயக்கத்தில் பிரமாண்டமாக உருவாகி வரும் படம் கேப்டன் மில்லர். இப்படத்தில் சிவ ராஜ்குமார், பிரியங்கா மோகன், சந்தீப் போன்ற பல…

விஜய் ஆண்டனியின் ஹிட்லர்.. திரை விமர்சனம் இதோ!

Posted by - செப்டம்பர் 28, 2024 0
தனா இயக்கத்தில் விஜய் ஆண்டனி கதாநாயகனாக நடித்துள்ள ஹிட்லர் படம் இன்று திரையரங்குகளில் வெளியாகி இருக்கிறது. இதில் ரியா சுமன் மற்றும் கௌதம் மேனன் ஆகியோரும் முக்கிய கதாபாத்திரத்தில் நடித்திருக்கின்றனர்.…

தயவு செஞ்சு யாரும் ‘கோட்’ அப்டேட் கேட்காதீங்க

Posted by - மார்ச் 5, 2024 0
தளபதியின் கோட் படத்தின் அப்டேட் கேட்டு ரசிகர்கள் அன்புத்தொல்லை செய்து வந்த நிலையில் தயவு செஞ்சு யாரும் ‘கோட்’ அப்டேட் கேட்காதீங்க என அப்படத்தின் இயக்குநர் வெங்கட்…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன