”திமுகவுக்கு பயம் வந்துவிட்டது.. அதிமுகவை அழிக்க முடியாது! ஃபயர் மோடில் எடப்பாடி பழனிசாமி பேச்சு

296 0

பாஜகவுடன் கூட்டணி என்பதை  முதல்வர் ஸ்டாலினால் பொறுக்க முடியவில்லை. நாங்கள் யாருடன் கூட்டணி வைத்தால் உங்களுக்கு என்ன கவலை என எடப்பாடி பழனிச்சாமி தெரிவித்தார்

எந்த கொம்பனாலும் அதிமுகவை கபளீகரம் செய்ய முடியாது எனவும் திமுகவுக்கு பயம் வந்துவிட்டது என  அதிமுக பொதுச்செயலாளர் எடப்பாடி பழனிச்சாமி ஆவேசமாக தெரிவித்துள்ளார்.

அதிமுக-பாஜக கூட்டணி:

2026 ஆம் ஆண்டு சட்டமன்ற தேர்தலுக்கான கூட்டணியை அதிமுக பாஜக அமைத்துள்ளது. மேலும் தமிழ்நாட்டில் கூட்டணி ஆட்சி தான் அமையும் என்று மத்திய அமைச்சர் அமித் ஷா கூறியிருந்தார். ஆனால் மதுரை முருகன் மாநாட்டில் அண்ணா மற்றும் பெரியார் குறித்தான சர்ச்சை வீடியோ குறித்து எடப்பாடி பழனிச்சாமி கருத்து எதுவும் தெரிவிக்காமல் இருந்தார்

எடப்பாடி பேச்சு:

இந்த நிலையில் உளூந்துர்பேட்டையில்  நடந்த அதிமுக பொதுக்கூட்டத்தில் பேசிய எடப்பாடி பழனிச்சாமி தமிழக முதல்வர் ஸ்டாலின் பகல் கனவு காண்கிறார். அதிமுகவின் வெற்றிக்கு இங்கு குவிந்திருக்கும் சிப்பாய்களைப் பாருங்கள். இங்குள்ள ஒவ்வொருவரும் 25 வாக்குகளை அதிமுக வேட்பாளருக்குப் பெற்று கொடுக்க வேண்டும். நமக்குக் கூட்டணி பலமானதாக அமையும். யாரும் கவலைப்பட வேண்டாம். .

திமுகவுக்கு கவலை:

பாஜகவுடன் கூட்டணி என்பதை  முதல்வர் ஸ்டாலினால் பொறுக்க முடியவில்லை. நாங்கள் யாருடன் கூட்டணி வைத்தால் உங்களுக்கு என்ன கவலை. ஸ்டாலினுக்கு பயம் வந்து விட்டது வாக்குகள் சிதறாமல் இருக்க, திமுகவை ஆட்சியில் இருந்து அகற்றவே கூட்டணி வைத்துள்ளோம்.

தனிபெரும்பான்மையுடன் ஆட்சி:

அதிமுக அழிந்துவிடும் என ஸ்டாலின் பகல் கனவு காண்கிறார். தொண்டர்களால் உருவாக்கப்பட்ட. கட்சி அதிமுக. 2026 சட்டமன்ற தேர்தலில் அதிக இடங்களில் வென்று தனிப் பெரும்பான்மையுடன் அதிமுக ஆட்சி அமைக்கும்.

”எந்த கொம்பனாலும் அழிக்க முடியாது:”

அதிமுகவை பாஜக கபளீகரம் செய்துவிடும் என்று திமுக கூட்டணிக் கட்சியினர் கூறுகிறார்கள். எந்த கொம்பனாலும் அதிமுகவை கபளீகரம் செய்ய முடியாது. ஒவ்வொரு தொண்டரின் உடலிலும் ஓடுவது அதிமுகவின் ரத்தம். எம்ஜிஆர் மறைவுக்குப் பின் கூட, கருணாநிதியால் அதிமுகவை வீழ்த்த முடியவில்லை. அத்தனை முயற்சிகளும் தூள் தூளாக்கப்பட்டது. ஸ்டாலினின் கனவு ஒருபோதும் பலிக்காது என்றார்.

’பொய் வாக்குறுதி”

2011ல் எதிர்க்கட்சி வரிசையில் கூட திமுகவால் அமர முடியவில்லை அதிமுகவை விமர்சனம் திமுகவுக்கு எந்த தகுதியும் இல்லை 2021ல் மக்களை ஏமாற்றுவதற்காக 500க்கும் மேலான தேர்தல் வாக்குறுதிகளை வெளியிட்டார்கள். பொய் சொல்லி ஆட்சிக்கு வந்தவர்கள் திமுக, பெட்ரோல், டீசல் விலை குறைப்பு,  100 நாள் வேலைவாய்ப்பு திட்டம், சிலிண்டர் மானியம், கல்விக் கடன் என்று எந்த வாக்குறுதியையும் திமுக இதுவரை நிறைவேற்றவில்லை என்று எடப்பாடி ஆவேசமாக தெரிவித்திருந்தார்

Related Post

“ஆண்ட பரம்பரை என்பதை மனதில் வைத்துக் கொள்ள வேண்டும்” – அமைச்சர் மூர்த்தி பேச்சால் சர்ச்சை

Posted by - ஜனவரி 2, 2025 0
“பல வரலாறுகள் மறைக்கப்பட்டுள்ளது. தற்போது ஐந்து பேர் இறந்து போனால் கூட பெரிதாக பேசப்படுகிறது. சுதந்திரத்திற்காக 10 ஆயிரத்துக்கும் மேற்பட்டோர் இறந்து போனார்கள்.” மதுரை முக்குலத்தோர் இலவச…

14,121 உற்பத்தியாளர்கள் மூலம் தினமும் 1,38,000 லிட்டர் பால் கொள்முதல் – கலெக்டர் தகவல்

Posted by - நவம்பர் 15, 2023 0
திருப்பூர்: தமிழ்நாடு முதல்-அமைச்சர் மு.க.ஸ்டாலின் சென்னை, தலைமை செயலகத்திலிருந்து காணொலி காட்சி வாயிலாக கால்நடை, பால்வளம்,மீன்வளம் மற்றும் மீனவர் நலத்துறையின் சார்பில் திருப்பூர் மாநகராட்சி வீரபாண்டி பிரிவில்…

ஒரு மாதம் டீ குடிப்பதை தவிர்த்தால் என்ன ஆகும்..? அவசியம் தெரிஞ்சுக்கோங்க

Posted by - மார்ச் 15, 2024 0
ஒருவேளை உங்கள் டயட்டிலிருந்து டீயை முற்றிலுமாக நீக்குவதற்கு நீங்கள் முடிவு செய்து இருந்தால், நீங்கள் டீக்கு பதிலாக மூலிகை தேநீர், பழச்சாறு அல்லது வெந்நீர் போன்றவற்றை முயற்சி…

புதுச்சேரி

Posted by - ஏப்ரல் 12, 2022 0
புதுச்சேரி மற்றும் காரைக்காலில் வரும் 16ம் தேதி அரசு மற்றும் தனியார் பள்ளிகளுக்கு விடுமுறை அளிக்கப்பட்டு உள்ளது. வரும் 14 ஆம் தேதி தமிழ் வருடப்பிறப்பு மற்றும்…

பெட்ரோலுடன் கலந்த தண்ணீர்.. வாகனங்கள் பழுதானதால் போராட்டத்தில் ஈடுபட்ட மக்கள்..

Posted by - ஆகஸ்ட் 27, 2024 0
நீண்ட காலமாகவே பெட்ரோலில் கலப்படம் செய்யப்படுகிறது, தரமான பெட்ரோல் வழங்கப்படுவதில்லை என்ற புகார் மக்கள் மத்தியில் இருந்து வருகிறது. இதனால் வாகனங்கள் எளிதில் பழுதாகி விடுவதாக தெரிவிக்கின்றனர்.…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன