evvelu

Cm Vijay vs EV Velu : முதல் ரெய்டே தோல்வியா.? லஞ்ச ஒழிப்பு போலீசார் சோதனையில் எ.வ.வேலு வீட்டில் சிக்கியது என்ன.?

150 0

E.V. Velu’s house DVAC Raid : முன்னாள் அமைச்சர் எ.வ.வேலுவிற்கு சொந்தமான பல இடங்களில் லஞ்ச ஒழிப்பு போலீசார் சோதனையில் 40 லட்சம் ரூபாய் மற்றும் முக்கிய ஆவணங்கள் கைப்பற்றப்பட்டதாக வெளியான நிலையில், ஒரு ரூபாய் கூட எடுத்து செல்லவில்லையென தகவல் வெளியாகியுள்ளது.

எ.வ. வேலு வீட்டில் ரெய்டு

தமிழகத்தில் சட்டமன்ற தேர்தல் முடிவடைந்துள்ள முதலமைச்சராக விஜய் பொறுப்பேற்றுள்ளார். இதனையடுத்து முன்னாள் அமைச்சர் எ.வ.வேலுவிற்கு சொந்தமான இடங்களில் சோதனையானது நடைபெற்றது. அந்த வகையில், ‘அறப்போர் இயக்கம்’ அமைப்பின் ஒருங்கிணைப்பாளர்  ஜெயராம் வெங்கடேசன் லஞ்ச ஒழிப்புத்துறையிடம்  புகார் மனு ஒன்றை அளித்திருந்தார். அதில்,  கரூர் உபகோட்ட சாலை மேம்பாட்டுப் பணிகளுக்காக’சங்கரானந்த் இன்ஃப்ரா’ நிறுவனத்திற்கு சுமார் 7 கோடி ரூபாய் மதிப்பிலான ஒப்பந்தம் வழங்கப்பட்டது. இதில் எந்தவொரு சாலையும் அமைக்கப்படாத நிலையில், 2022 மார்ச் 25 மற்றும் 28 ஆகிய தேதிகளில் மட்டும் 3.23 கோடி ரூபாய் நிதி முறைகேடாக விடுவிக்கப்பட்டதாக புகார் தெரிவிக்கப்பட்டது.

எ.வ.வேலு மீது புகார் என்ன.?

இதனையடுத்து இந்த முறைகேடு தொடர்பாக  விசாரணையின் அடிப்படையில், கரூரைச் சேர்ந்த கோட்டப் பொறியாளர் சத்யபாமா, உதவி கோட்டப் பொறியாளர் கண்ணன் உட்பட 4 அதிகாரிகளும், ஈரோடு நபார்டு மற்றும் கிராமப்புற சாலைகள் பிரிவைச் சேர்ந்த கோட்டப் பொறியாளர் நிதிலன் உட்பட 5 அதிகாரிகளும் ஏற்கனவே பணியிடை நீக்கம் செய்யப்பட்டிருந்தனர். இதனையடுத்து முன்னாள் அமைச்சர் எ.வ.வேலு மீது லஞ்ச ஒழிப்பு போலீசார் கூட்டுச் சதி, பொதுப் பணத்தை முறைகேடு செய்தல், போலி ஆவணங்கள் தயாரித்தல் போன்ற குற்றங்களுக்காக இந்திய தண்டனைச் சட்டம் (IPC) பிரிவுகள் 120B, 409, 420, 468, 471, 109 மற்றும் ஊழல் தடுப்புச் சட்டத்தின் பிரிவுகள் 7(c), 13(2) r/w 13(1)(a) ஆகியவற்றின் கீழ் வழக்குப் பதிவு செய்யப்பட்டது.

40 லட்சம் ரூபாய் கைப்பற்றப்பட்டதா.?

எ.வ.வேலு மீது வழக்கு பதிவு செய்த நிலையில், சென்னை, திருவண்ணாமலை, கரூர் என எ.வ. வேலுவிற்கு சொந்தமான பல இடங்களில் நடைபெற்ற சோதனையில் நூற்றுக்கும் மேற்பட்ட லஞ்ச ஒழிப்பு போலீசார் பங்கேற்றிருந்தனர். அந்த வகையில், இந்த சோதனையில் கணக்கில் வராத சுமார் 40 லட்சம் ரூபாய் பணம் கைப்பற்றப்பட்டதாகவும், முக்கிய ஆவணங்களையும் பறிமுதல் செய்ததாக தகவல் வெளியானது. ஆனால் இந்த சோதனைஊயில் எந்த பணமும் கைப்பற்றப்படவில்லையென தற்போது கூறப்படுகிறது.

சோதனையில் சிக்கியது என்ன.?

இது தொடர்பாக எ.வ.வேலு கூறுகையில், எனக்கு சொந்தமான இடங்களில் இருந்து 40 லட்சம் ரூபாய் பறிமுதல் செய்யப்பட்டுள்ளதாக கூறப்படும் தகவல்கள் பொய் என கூறினார்.  என் வீட்டில் ஒரு ரூபாய்கூட எடுத்துச் செல்லவில்லை. எடுத்துச் செல்லப்பட்டுள்ள கணினியில் செய்தி தொடர்பான ஆவணங்கள் தவிர்த்து வேறு எதுவும் இல்லை என எ.வ.வேலு தெரிவித்தார். இதனிடையே எ.வ.வேலு வீட்டிற்கு முன்கூட்டியே சோதனை நடைபெறவுள்ளதாக தகவல் கிடைத்ததையடுத்தே எ.வ.வேலு தரப்பினர் உஷாராகி முக்கிய ஆவணங்களை மறைத்து விட்டதாகவும் தகவல் கூறப்படுகிறது. இந்த நிலையில் முன்னாள் அமைச்சர் எ.வ.வேலுவிற்கு சொந்தமான இடங்களில் நடைபெற்ற சோதனையில் முறைகேடு தொடர்பாக முக்கிய ஆவணங்கள் கைப்பற்றப்பட்டதாக லஞ்ச ஒழிப்பு போலீசார் தெரிவித்துள்ளனர்.

Related Post

d

Smallpox Prevention : பின்பற்ற வேண்டிய வழிமுறைகள் என்ன.?

Posted by - மார்ச் 2, 2026 0
தமிழகத்தில் பரவும் சின்னம்மை தமிழகத்தில் வடகிழக்கு பருவமழை முடிவடைந்து, பனியின் தாக்கம் தொடங்கியுள்ளது. இந்த நிலையில் வெயிலின் தாக்கம் மெல்ல மெல்ல அதிகரிக்க தொடங்கியுள்ளது. இந்த நிலையில்…

தொண்டை வலியுடன் ஆஸ்பத்திரிக்கு படையெடுக்கும் நோயாளிகள்

Posted by - ஜூலை 10, 2023 0
சென்னை: தொண்டை வலியுடன் கூடிய காய்ச்சல் பாதிப்புக்காக சிகிச்சைக்கு வரும் நோயாளிகளின் எண்ணிக்கை அண்மைக் காலமாக அதிகரித்து வருவதாக டாக்டர்கள் தெரிவித்துள்ளனர். பருவ காலத்தில் பரவும் வழக்கமான…

அரசியலிலும் சாதிக்க வேண்டுமென விஜய்க்கு மாணவி அழைப்பு…

Posted by - ஜூன் 17, 2023 0
#BREAKING | மேடையிலேயே விஜய்யை அரசியலுக்கு வருமாறு அழைப்பு விடுத்த மாணவி மாணவியின் அழைப்பை கடைசி வரை கவனமுடன் கேட்டுக்கொண்ட விஜய் சென்னை, நீலாங்கரையில் மாணவ – மாணவிகளுக்கு…
Generated Image November 29 2025 11 49AM

திக் திக் டிட்வா…சென்னையில் அடுத்த 2 நாள் காத்திருக்கு சம்பவம் – வெதர்மேன் அலர்ட்

Posted by - நவம்பர் 29, 2025 0
டிட்வா புயல் காரணமாக தென் மாவட்டங்களில் மழையானது வெளுத்து வாங்கிய நிலையில், இன்று டெல்டா மாவட்டங்களிலும் நாளை முதல் சென்னை உள்ளிட்ட வட மாவட்டங்களிலும் கன மழைக்கான…

உயிருக்கு ஆபத்து ஏற்படுத்தும் Smoke Biscuit?? அதிரடி உத்தரவிட்ட உணவுப்பாதுகாப்புத்துறை

Posted by - ஏப்ரல் 25, 2024 0
ஸ்மோக் பிஸ்கட்களை, குழந்தைகள் உட்கொள்ள வேண்டாம் என தமிழ்நாடு உணவு பாதுகாப்புத்துறை எச்சரித்துள்ளது. திரவ நைட்ரஜனை பயன்படுத்தி தயாரிக்கும் ஸ்மோக் பிஸ்கட்டை சிறுவன் ஒருவர் உட்கொண்டு துடிதுடித்த…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன