TAMILNADU BJP

தமிழக சட்டப்பேரவைத் தேர்தலில் தோல்வி எதிரொலி: நயினாருக்கு எதிராக திரளும் அண்ணாமலை ஆதரவாளர்கள்

113 0

மதுரை: சட்​டப்​பேர​வைத் தேர்​தல் தோல்வி காரண​மாக பாஜக தலை​வர் நயி​னார் நாகேந்​திரன் பதவி விலக அண்​ணா​மலை ஆதர​வாளர்​கள் குரல் எழுப்​பத் தொடங்கி உள்​ளனர்.

தமிழக சட்​டப்​பேர​வைத் தேர்​தலில் அதி​முக​வுடன் கூட்​டணி அமைத்து 27 தொகு​தி​களில் பாஜக போட்​டி​யிட்​டது. இதில் உதகை தொகு​தி​யில் மட்​டும் பாஜக வேட்​பாளர் 976 வாக்​கு​கள் வித்தியாசத்தில் வெற்​றி​பெற்​றார். சாத்​தூரில் போட்​டி​யிட்ட பாஜக மாநிலத் தலை​வர் நயி​னார் நாகேந்​திரன் உள்​ளிட்ட அனை​வரும் தோல்​வியைத் தழு​வினர்.

இந்​தத் தேர்​தலில் பாஜக 14 லட்சத்து 67,024 வாக்​கு​களைப் பெற்று 2.97 சதவீத வாக்​கு​களைப் பெற்​றுள்​ளது. கடந்த 2024 மக்​கள​வைத் தேர்​தலில் பாஜக தனித்​துப் போட்​டி​யிட்டு 11.24 சதவீத வாக்​கு​களைப் பெற்​றது. இந்​தத் தேர்​தலில் பெரிய கட்​சிகளு​டன் கூட்​டணி அமைத்​தும் வாக்கு சதவீதம் கணிச​மாகக் குறைந்​துள்​ளது.

தமிழக பாஜக கூட்​டுறவு பிரிவுத் தலை​வர் மகா சுசீந்​திரன் படத்​துடன், ‘சாணக்​கியர் சறுக்​கி​னாரோ என்ற தலைப்​பிலான அறிக்கை பாஜக​வில் பரபரப்பை ஏற்​படுத்​தி​யுள்​ளது. இந்த அறிக்கை நயி​னார் நாகேந்​திரனை குறை​கூறும் வகை​யிலும், அண்​ணா​மலை​யைப் பாராட்​டும் வகை​யிலும் அமைந்​துள்​ளது.

அந்த அறிக்கையில் கூறப்​பட்​டிருந்​த​தாவது: பாஜக​வின் லட்​சக்​கணக்​கான தொண்​டர்​களின் உழைப்பு 2026 தேர்​தலில் அடை​யாளம் இல்​லாமல் காற்​றில் கரைந்​துள்​ளது. தமிழகத்​தில் பாஜக​வின் 3 சதவீத வாக்கு வங்கி 2021-ல் 18 சதவீத​மாக உயர்ந்து இரு பெரும் திரா​விட கட்​சிகளுக்கு சவாலாக உயர்ந்​தோம். சுயநல​வா​தி​கள் கருத்​தைக் கேட்டு கட்​சியை வளர்த்த ‘கோபுரக் கலசத்​தை’ குழி​யில் தள்​ளி​விட்டு பிற இயக்​கத்​தின் ‘காகத்தை கழுகு’ என நினைத்து சாணக்​கியர் சறுக்​கி​னாரோ என மனம் வருந்​துகிறது.

இந்த வருத்​தம் என்​னால் ஏற்​பட்​டது என உணர்ந்​தால், பாஜக​வின் லட்​சக்​கணக்​கான தொண்​டர்​களின் பாதங்​களில் விழுந்து மன்​னிப்​புக் கேட்டு நானும் என் தலை​மையி​லான குழு​வும் அனைத்​துப் பொறுப்​பு​களில் இருந்து விடை​பெறுகிறோம் என தோல்​வியை ஒப்​புக்​கொண்​டிருப்​போம். இவ்​வாறு அதில் கூறப்​பட்​டுள்​ளது.

இந்த பரபரப்பு அடங்​கு​வதற்​குள் பாஜக​வின் வாக்கு வங்​கியை 12 சதவீதத்​தில் இருந்து 3 சதவீத​மாக குறைந்​ததற்​குப் பொறுப்​பேற்று நயி​னார் நாகேந்​திரன், தமிழிசை, எல்​.​முரு​கன், வானதி சீனி​வாசன் ஆகிய 4 பேரும் கட்​சியி​லிருந்து வில​கு​வ​தாக நயி​னார் நாகேந்​திரன் கையெழுத்​தில் கடிதம் வெளி​யான​தால் மேலும் பரபரப்பு எழுந்​துள்​ளது.

இந்​தக் கடிதம் போலி​யானது என போலீ​ஸில் பாஜக சார்​பில் புகார் அளிக்​கப்​பட்​டுள்​ளது. இருப்​பினும் அந்​தக் கடிதம் சமூக வலை தளங்​களில் பரப்​பப்​பட்டு வரு​கிறது.

இதுகுறித்து பாஜக​வினர் கூறியதாவது: அண்​ணா​மலை தலை​வ​ராக இருந்​த​போது கட்சி வேக​மாக வளர்ந்​தது. நயி​னார் நாகேந்​திரன் தலை​வ​ரானதும் பாஜக அதி​முக​வின் ஒரு கிளை அமைப்​பு​போல் மாறி​விட்​டது. வேறு கட்​சிகளில் இருந்து குறிப்​பாக திரா​விடக் கட்​சிகளில் இருந்து வந்​தோருக்கு கட்​சி​யில் முக்​கி​யத்​து​வம் அளிக்​கப்​பட்​டது.

அண்​ணா​மலை எதிர்ப்பு என்ற ஒற்​றைக் காரணத்​துக்காக தமிழிசை, எல்​.​முரு​கன், வானதி சீனி​வாசன் ஆகியோர் நயி​னார் நாகேந்​திரனுடன் இணைந்து செயல்​பட்​டனர். அனைத்​துத் தொகு​தி​களி​லும் பாஜக பின்​னுக்​குத் தள்​ளப்​பட்​டது. இந்த படு​தோல்விக்கு நயி​னார் நாகேந்​திரன் பொறுப்​பேற்க வேண்​டும். மேலிடம் அவரை தலை​வர் பதவியி​லிருந்து மாற்றி புதிய தலை​வரை நியமிக்க வேண்​டும். இவ்வாறு கூறியுள்ளனர்.

Related Post

தமிழகத்தில் காலை 10 மணி வரை 10 மாவட்டங்களில் மழைக்கு வாய்ப்பு

Posted by - நவம்பர் 8, 2023 0
தமிழகத்தில் வடகிழக்கு பருவமழை மற்றும் வளிமண்டல கீழடுக்கு சுழற்சி காரணமாக மழை பெய்து வருகிறது. மேலும், வடகிழக்கு பருவமழை தீவிரமாகி பெரும்பாலான மாவட்டங்களில் மழை பெய்து வருகிறது.…

திமுக அரசை கண்டித்து போராட்டத்தை அறிவித்தது அதிமுக..!!

Posted by - மார்ச் 9, 2024 0
போதை பொருள் புழக்கத்தை கட்டுப்படுத்த வலியுறுத்தி திமுக அரசை கண்டித்து தமிழகம் முழுவதும் மனித சங்கிலி போராட்டம் நடத்தப்படும் என அதிமுக தலைமை அறிவித்துள்ள்ளது. இதுகுறித்து அதிமுக…

அதிமுகவை கிண்டலடித்த ஆதவ் அர்ஜுனா; போட்டுக் கொடுத்த சீமான்.!! என்ன நடந்துச்சு தெரியுமா.?

Posted by - மே 31, 2025 0
ஆதவ் அர்ஜுனா அதிமுகவை கிண்டலடித்த வீடியோ வைரலான நிலையில், அதற்கு பதிலடி எங்கிருந்து வந்துள்ளது தெரியுமா.? சீமானிடமிருந்து. ஆம், அவர் ஆதவ் அர்ஜுனா குறித்த முக்கிய தகவலை…

காற்றழுத்த தாழ்வு பகுதி உருவானது.. வானிலை மையம் எச்சரிக்கை

Posted by - மே 22, 2024 0
 தேனி, தென்காசி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் இன்று கன முதல் மிக கனமழைக்கு வாய்ப்புள்ளதாக வானிலை மையம் தெரிவித்துள்ளது. தென்மேற்கு வங்காள விரிகுடாவில்…

”கருணாநிதி காலத்து டெக்னிக், சோத்துல கல்லு” ஷூட்டிங் ஓவரா? ஸ்டாலினை நக்கலடித்த ஈபிஎஸ்

Posted by - ஏப்ரல் 11, 2025 0
முதலமைச்சர் ஸ்டாலின் செயல்பாடுகளை கண்டித்து, எதிர்க்கட்சி தலைவர் எடப்பாடி பழனிசாமி காட்டமான அறிக்கையை வெளியிட்டுள்ளார். மறைந்த கருணாநிதி காலத்து டெக்னிக்கை பயன்படுத்துவதாக, எதிர்க்கட்சி தலைவர் எடப்பாடி பழனிசாமி…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன