TN Election Result 2026 Chennai MLAs: தமிழ்நாடு சட்டமன்ற தேர்தல் முடிவில் தலைநகர் சென்னையில் உள்ள 16 தொகுதிகளில் வெற்றி பெற்ற எம்.எல்.ஏக்களின் விவரங்கள் கீழே பட்டியலிடப்பட்டுள்ளன.
TN Election Result 2026 Chennai MLAs: தமிழ்நாடு சட்டமன்ற தேர்தல் முடிவில் தலைநகர் சென்னையில் உள்ள 16 தொகுதிகளில் வெற்றி பெற்ற எம்.எல்.ஏக்களின் விவரங்கள் கீழே பட்டியலிடப்பட்டுள்ளன.
திமுகவின் கோட்டையை கைப்பற்றிய திமுக
தமிழ்நாடு சட்டமன்ற தேர்தல் முடிவுகள் திமுகவிற்கு மிகப்பெரிய பின்னடைவாக கருதப்படுகிறது. குறிப்பாக அந்த கட்சியின் கோட்டையாக கருதப்படும் மாநில தலைநகர் சென்னையிலேயே பெரும்பாலான தொகுதிகளை, விஜய் தலைமையிலான தமிழக வெற்றிக் கழகம் கைப்பற்றியது மிகப்பெரிய ஆச்சரியத்தையும் அதிர்ச்சியையும் ஏற்படுத்தியுள்ளது. தமிழ்நாட்டில் ஆளுங்கட்சி எதுவானாலும், தலைநகர் சென்னை தங்களது கட்டுப்பாட்டில் இருக்க வேண்டும் என விரும்புவார்கள். அதனை முதல் தேர்தலிலேயே சாதித்ததோடு, முதலமைச்சர் ஸ்டாலின், அமைச்சர் மா.சுப்பிரமணியன், அமைச்சர் தா.மோ. அன்பரசன் போன்றோரையே வீழ்த்தி தவெக ஆதிக்கம் செலுத்தியுள்ளது.
14 இடங்களை வென்ற தவெக, 2 இடங்களுக்கு சரிந்த திமுக
கடந்த 2021 சட்டமன்ற தேர்தலில் திமுக கூட்டணி தலைநகர் சென்னையில் 16 இடங்களையும் கைப்பற்றி இருந்தது. ஆனால் இந்த தேர்தலில் உதயநிதி ஸ்டாலின் போட்டியிட்ட சேப்பாக்கம் திருவல்லிக்கேணி மற்றும் சேகர்பாபு போட்டியிட்ட துறைமுகம் ஆகிய இரண்டு தொகுதிகளை தவிர, மற்ற அனைத்து இடங்களில் திமுக தோல்வியையே சந்தித்துள்ளது. விஜய் போட்டியிட்ட பெரம்பூர் உட்ப்ட 14 இடங்களில் தமிழக வெற்றிக் கழகம் வெற்றி பெற்று, சென்னை திமுகவின் கோட்டை என்ற பிம்பத்தை தவிடுபொடியாக்கியுள்ளது.
சென்னையின் 16 எம்.எல்.ஏக்கள் யார்?
| தொகுதிகள் | வெற்றியாளர்கள் | 2வது இடம் | வாக்கு வித்தியாசம் |
| கொளத்தூர் | வி.எஸ். பாபு (தவெக) | மு.க. ஸ்டாலின் (திமுக) | 8,795 |
| திரு.வி.க. நகர் | எம்.ஆர். பல்லவி (தவெக) | கே.எஸ். ரவிச்சந்திரன் (திமுக) | 22,333 |
| அண்ணா நகர் | வி.கே. ராம்குமார் (தவெக) | சிற்றரசு (திமுக) | 21363 |
| ஆயிரம் விளக்கு | ஜே.சி.டி. பிரபாகர் (தவெக) | டாக்டர் எழிலன் (திமுக) | 15,141 |
| எழும்பூர் | ராஜ்மோகன் (தவெக) | தமிழன் பிரசன்னா (திமுக) | 10,804 |
| வில்லிவாக்கம் | ஆதவ் அர்ஜுனா (தவெக) | கார்த்திக் மோகன் (திமுக) | 17,302 |
| தியாகராய நகர் | என்.ஆனந்த் (தவெக) | சத்தியநாராயணன் (அதிமுக) | 13,027 |
| மயிலாப்பூர் | பி. வெங்கடரமணன் (தவெக) | த. வேலு (திமுக) | 28,972 |
| வேளச்சேரி | ஆர். குமார் (தவெக) | எம்.கே. அசோக் (அதிமுக) | 33,305 |
| விருகம்பாக்கம் | சபரிநாதன் (தவெக) | பிரபாகர ராஜா (திமுக) | 27,086 |
| சைதாப்பேட்டை | அருள் பிரகாசம் (தவெக) | மா. சுப்பிரமணியன் (திமுக) | 28,514 |
| பெரம்பூர் | ஜோசப் விஜய் (தவெக) | ஆர்.டி. சேகர் (திமுக) | 53,715 |
| ராயபுரம் | விஜய் தாமு (தவெக) | சுபேர் கான் (திமுக) | 14,249 |
| சேப்பாக்கம் – திருவல்லிக்கேணி | உதயநிதி ஸ்டாலின் (திமுக) | டி. செல்வம் (தவெக) | 7,140 |
| துறைமுகம் | சேகர் பாபு (திமுக) | சினோரா அசோக் (தவெக) | 11,750 |
| ஆர்.கே. நகர் | மரிய வில்சன் (தவெக) | ஜான் எபனேசர் (திமுக) | 49,668 |
மிகபெரிய வெற்றி யாருக்கு?
சென்னை மாவட்டத்தில் மிகப்பெரிய வாக்கு வித்தியாசத்தில் வெற்றி பெற்ற வேட்பாளராக, பெரம்பூர் தொகுதியில் போட்டியிட்ட தவெக தலைவர் விஜய் திகழ்கிறார். அதன்படி, 53 ஆயிரத்து 715 வாக்குகள் வித்தியாசத்தில் திமுகவின் சிட்டிங் எம்.எல்.ஏவை வீழ்த்தியுள்ளார். மிகக்குறைந்த வாக்குகள் வித்தியாசத்தில் வெற்றி பெற்ற சென்னை வேட்பாளராக, சேப்பாக்கம் திருவல்லிக்கேணி தொகுதியில் போட்டியிட்ட உதயநிதி உள்ளார். அவர் தன்னை எதிர்த்து போட்டியிட்ட தவெக வேட்பாளரை வெறும் 7 ஆயிரத்து 140 வாக்குகள் வித்தியாசத்தில் வீழ்த்தியுள்ளார்.
