சிவாஜி ராவ் டூ சூப்பர் ஸ்டார்.. தமிழகம் கொண்டாடும் ரஜினிகாந்த்.. பிறந்தநாள் ஸ்பெஷல்!

498 0

Rajinikanth Birth Day: ரஜினிகாந்த் கேட்டை திறந்து வீட்டிற்குள் நுழையும் அந்த முதல் காட்சி தமிழ் திரையுலக ரசிகர்கள் மனதின் திறவுகோலாகவும் அமைந்தது.

73 வது வயதில் இன்று அடியெடுத்து வைக்கும் ரஜினி46 ஆண்டுகளை தமிழ் சினிமாவில் வெற்றிகரமாக கடந்துள்ளார். 45 ஆண்டுகளுக்கு மேல் சினிமாவில் நீடித்து இன்னமும் நாயகனாக நடிக்கும் நடிகன் என்ற பெருமை உலகிலேயே ரஜினிகாந்த்துக்கு மட்டுமே கிடைத்துள்ளது. இப்படி உலகின் தன்னிகரில்லா நடிகனாக விளங்கும் ரஜினிகாந்தின் சாதனைகளையும் திரைப்பயணத்தையும் இந்தத் தொகுப்பில் திரும்பி பார்க்கலாம்.

வசீகரம் என்ற சொல்லிற்கு வாழும் எடுத்துக்காட்டு நடிகர் ரஜினிகாந்த். நான்கு தசாப்தங்களை தாண்டி ஒரு நடிகரால் ரசிகர்களை கட்டிப்போட்டு வைக்க முடியும் என்றால் அதனை தமிழ் திரையுலகில் சாத்தியப்படுத்தியது ரஜினிகாந்தின் அபாரமான ஸ்டைல். சிவாஜி ராவாக பெங்களூரில் பஸ் கண்டக்டராக 134ம் நம்பர் பஸ்ஸில் பணியாற்றியபோதே ரஜினிகாந்தின் ஸ்டைல் பெங்களூரு முழுவதும் பிரபலம். பகட்டாக உடை அணிந்து கூட்டநெரிசலில் ரஜினி ஸ்டைலாக டிக்கெட் கிழிக்கும் காட்சியை காணவே கல்லூரி பெண்கள் ரஜினியின் பஸ்ஸில் விரும்பி ஏறுவார்கள் என ரஜினியே மேடைகளில் தெரிவித்துள்ளார்.

பேருந்தில் நடத்துனராக பணியாற்றினாலும் நடிகனாக வேண்டும் என்று தீராத வேட்கையில் சென்னைக்கு வந்து திரைப்பட கல்லூரியில் நடிப்பு பயிற்சி ரஜினிகாந்த், பிரபல இயக்குனர் கே பாலசந்தர் மோதிரக்கையால் குட்டப்பட்டு அபூர்வ ராகங்கள் திரைப்படத்தில் நடிக்க ஒப்பந்தமானார். ரஜினிகாந்த் கேட்டை திறந்து வீட்டிற்குள் நுழையும் அந்த முதல் காட்சி தமிழ் திரையுலக ரசிகர்கள் மனதின் திறவுகோலாகவும் அமைந்தது.

முதல் படத்திலேயே ஒரு நடிகரை மூன்று திரைப்படங்களுக்கு ஒப்பந்தம் செய்வது அந்நாளில் சாத்தியமில்லாத ஒன்று ஆனால் ரஜினியின் வசீகரத்தை உணர்ந்த கே பாலசந்தர் ரஜினியை மூன்று முடிச்சு, அவள் ஒரு தொடர்கதை திரைப்படத்தின் தெலுங்கு பதிப்பு என ஒரே நேரத்தில் 3 படங்களுக்கு ஒப்பந்தம் செய்தார். மூன்று முடிச்சு திரைப்படத்தில் சிகரெட்டை தூக்கிப்போட்டு ரஜினிகாந்த் பிடித்த ஸ்டைல் ஒட்டுமொத்த உலகையும் திரும்பிப் பார்க்க வைத்தது. எனினும் பின்னாளில் புகைபிடிக்க வேண்டாம் என ரசிகர்களிடம் பலமுறை வேண்டுகோள் விடுத்துள்ளார்கள்.தமிழ் சினிமாவின் சிறந்த வில்லனாகவும் ஸ்டைல் மன்னனாகவும் வளர்ந்த ரஜினிகாந்திற்கு எஸ்பி முத்துராமன் இயக்கத்தில் வெளியான “புவனா ஒரு கேள்விக்குறி” நற்பெயரை பெற்றுத் தந்தது. சிறந்த குணச்சித்திர நடிகர் என்ற அடையாளம் ரஜினிகாந்திற்கு இந்த திரைப்படத்தின் மூலம் கிடைக்க தமிழின் படு பிசியான நடிகராக மாறிய ரஜினிகாந்த் 1978ஆம் ஆண்டில் மட்டும் 20 திரைப்படங்களில் நடித்து ஆச்சரியப்படுத்தினார். கலைஞானம் தயாரிப்பில் ரஜினிகாந்த் பைரவி திரைப்படத்தில் நாயகனாக களமிறங்க அவருக்கென தனி ரசிகர் கூட்டம் உருவானது.

பைரவி திரைப்படத்தை தமிழகத்தில் வெளியிட்ட கலைப்புலி தாணு ரஜினிகாந்த் சூப்பர் ஸ்டார் என தலைப்பிட்டு திரைப்படத்தை விளம்பரம் செய்தார். பின்னாட்களில் சூப்பர் ஸ்டார் என்ற பெயர் புதிய மைல்கல்லாக உருவானது. ஒரு கட்டம் வரை கமல்ஹாசனும் ரஜினிகாந்தும் இணைந்து நடித்து வந்த நிலையில் இனி தனித்தனியாக திரைப்படங்களில் நடிப்பது என்று முடிவெடுத்தனர். முள்ளும் மலரும், ஜானி போன்ற தேர்ந்த நடிப்பை வெளிப்படுத்தும் திரைப்படங்களில் நடித்து வந்த ரஜினிகாந்த் ஒருகட்டத்தில் முழுக்க வணிக ரீதியிலான கமர்சியல் திரைப்படங்களில் நடிக்கத் தொடங்கினார்.

பாலிவுட்டிலும் புகுந்து பட்டையைக் கிளப்பினார். ஹாலிவுட்டிலும் பிள்ட்ஸ்டோன் மூலம் தடம் பதித்தார். 1990ஆம் ஆண்டுக்கு பிறகு ரஜினிகாந்த் நடிப்பில் வெளியான எஜமான், அண்ணாமலை, பாட்ஷா, முத்து, அருணாச்சலம் படையப்பா போன்ற திரைப்படங்கள் வசூலை அள்ள ரஜினிகாந்தின் வர்த்தக எல்லைகள் எகிறின. டான்சிங் மகாராஜ் என்ற பெயரில் ஜப்பானில் வெளியான முத்து திரைப்படம் மாபெரும் வெற்றிபெற அங்கு பெரும் ரசிகர் கூட்டம் உருவானது.

தமிழ் சினிமாவின் முதல் நூறு கோடி, 200 கோடி வசூல் திரைப்படங்கள் என ரஜினியின் செல்வாக்கு நாளுக்கு நாள் அதிகரிக்க ஆசியாவில் அதிக சம்பளம் பெறும் இரண்டாவது நடிகர் என்ற சாதனைக்கு சொந்தக்காரர் ஆனார். தமிழ் சினிமாவில் வேறெந்த நடிகராலும் இனி தொட முடியாத பல உச்சங்களை தொட்டுள்ள ரஜினிகாந்த் தமிழ் சினிமாவின் தன்னிகர் இல்லா அடையாளம்.

Related Post

கடையை சூறையாடிய திமுக கவுன்சிலர்! பூதாகரமான பண விவகாரம்!

Posted by - நவம்பர் 12, 2024 0
பணம் கொடுக்கல் வாங்கல் பிரச்சினையில் பலகார கடையை அடித்து நொறுக்கிய திமுக கவுன்சிலர். மதுரை மாவட்டம், திருமங்கலம் பேருந்து நிலையத்தில் உள்ள நகராட்சி வணிக வளாக கட்டிடத்தில்…

நீண்ட உறக்கத்திலிருந்து முதல்வர் எப்போது விழிப்பார்..? – அண்ணாமலை விமர்சனம்..!!

Posted by - மே 25, 2024 0
நீண்ட உறக்கத்திலிருந்து தமிழக முதல்வர் எப்போது விழிப்பார் ? என தமிழக பாஜக தலைவர் அண்ணாமலை விமர்சித்து கேள்வி எழுப்பியுள்ளார். அண்ணாமலை இன்று வெளியிட்டுள்ள செய்தியில் கூறிருப்பதாவது…

Mohan G Arrest: பழனி பஞ்சாமிர்தம் குறித்து சர்ச்சைப் பேச்சு.. இயக்குநர் மோகன் ஜி கைது!

Posted by - செப்டம்பர் 24, 2024 0
பழைய வண்ணாரப்பேட்டை, திரௌபதி, ருத்ரதாண்டவம், பகாசூரன் உள்ளிட்ட படங்களை இயக்கி தமிழ் சினிமாவில் முன்னணி இயக்குநராக இருப்பவர் மோகன் ஜி. வன்னியர் சமூகத்தைச் சேர்ந்த இவர் மீது…

உங்கள் BSNL 4G சிம் கார்டில் VoLTE சேவையை எவ்வாறு செயல்படுத்துவது? இதோ வழிமுறைகள்..

Posted by - டிசம்பர் 3, 2024 0
தனியார் டெலிகாம் நிறுவனங்களுக்குப் போட்டியாகத் தொடர்ந்து பல்வேறு புதிய முயற்சிகளைச் செயல்படுத்தி வருகிறது பிஎஸ்என்எல் (bsnl) நிறுவனம். அதாவது 4ஜி சேவை, 5ஜி சோதனை, லைவ் டிவி…

விஜய்க்காக விட்டுக்கொடுக்கும் அ.தி.மு.க.? இடைத்தேர்தலில் தி.மு.க.வுடன் மல்லுகட்டுமா தவெக?

Posted by - டிசம்பர் 15, 2024 0
ஈரோடு கிழக்கு தொகுதி இடைத்தேர்தலில் விஜய் போட்டியிட்டால் அவருக்காக அ.தி.மு.க. போட்டியிடாமல் ஒதுங்க முடிவு செய்துள்ளதாக தகவல் வெளியாகியுள்ளது. ஈவிகேஎஸ் இளங்கோவன் மறைவை தொடர்ந்து 3வது முறையாக…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன