image 3

திமுகவுக்கு பலனளிக்குமா ‘டாப்ஸ்’ ஓய்வூதியத் திட்டம்? – மீண்டும் போராடத் தயாராகும் சங்கங்கள்

204 0

கடந்த 2021- சட்​டப்​பேர​வைத் தேர்​தலில் ‘பழைய ஓய்​வூ​தி​யத் திட்​டத்தை அமல்​படுத்​து​வோம்’ என திமுக வாக்​குறுதி அளித்​தது. அது திமுக-​வின் வெற்​றிக்கு பெரிதும் உதவியது. ஆனால், 4 ஆண்​டு​களுக்​கும் மேலாக இதற்​காக பல்​வேறு போராட்​டங்​களை அரசு ஊழியர்​கள், ஆசிரியர்​கள் நடத்​தி​யும் பழைய ஓய்​வூ​தி​யத் திட்​டம் கிணற்​றில் போட்ட கல்​லாகவே கிடந்​தது.

தற்​போது, தேர்​தல் நெருங்​கும் நிலை​யில், அரசு ஊழியர்​கள், ஆசிரியர்​கள் போராட்​டத்​தில் குதிக்​கும் சூழல் ஏற்​பட்​ட​தால், ககன்​தீப்​சிங் பேடி தலை​மையி​லான குழு​வின் பரிந்​துரைப்​படி, ‘தமிழ்​நாடு உறு​தி​யளிக்​கப்​பட்ட ஓய்​வூ​திய திட்​டத்தை (டாப்​ஸ்)’ முதல்​வர் ஸ்டா​லின் ஜனவரி 3-ல் அறி​வித்​தார். இதனிடையே, தேர்​தலில் அரசு ஊழியர்​களின் குடும்ப ஓட்​டு​களை கவர்​வதற்​காக இந்​தத் திட்​டத்தை அறி​வித்​திருப்​ப​தாக விமர்​சனங்​கள் எழுந்​துள்​ளன.

திட்​டத்​தின் முக்​கிய அம்​சங்​கள்: இந்த திட்​டத்​தில், ஊழியர்​கள் பெற்ற கடைசி மாத ஊதி​யத்​தில் 50 சதவீதம் ஓய்​வூ​தி​ய​மாக வழங்​கப்​படும். இதற்கு பணி​யாளர்​களின் பங்​களிப்​பாக ஊதி​யத்​தில் 10 சதவீதம் பிடிக்​கப்​படும். ஓய்​வூ​தி​ய​தா​ரருக்கு 6 மாதங்​களுக்கு ஒரு​முறை அகவிலைப்​படி உயர்த்​தப்​படும். ஓய்​வூ​தி​ய​தா​ரர் இறந்​து​விட்​டால் அவர் பெற்​று​வந்த ஓய்​வூ​தி​யத்​தில் 60 சதவீதம் குடும்ப உறுப்​பினருக்கு ஓய்​வூ​தி​ய​மாக தரப்​படும். பணிக்​காலத்​தில் இறந்​தால் ரூ.25 லட்​சம் வரை பணிக்​கொடை அளிக்​கப்​படும் என்பன உட்பட பல்​வேறு அம்​சங்​கள் உள்​ளன.

இந்​நிலை​யில் 23 ஆண்​டு​கால கோரிக்​கையை பூர்த்தி செய்​யும் தமிழக அரசின் முயற்​சியை வரவேற்​ப​தாக ஜாக்​டோ-ஜியோ, போட்​டா-ஜியோ ஆகிய பிர​தான கூட்​டமைப்​பு​கள் வரவேற்​றுள்​ளன. அதேசம​யம், மற்​றொரு தரப்​பினர் கடும் அதிருப்​தியை வெளிப்​படுத்தி மீண்​டும் போராட்​டங்​களை அறி​வித்​துள்​ளனர். ஜாக்​டோ-ஜியோ அமைப்​பிலும் டாப்ஸ் திட்​டத்​துக்கு எதி​ரான குரல்​கள் வலுக்​கின்​றன. இதுகுறித்​தான சம்​பந்​தப்​பட்​ட​வர்​களின் கருத்​துகள் வரு​மாறு: பா.ஆரோக்கியதாஸ் – பழைய ஓய்வூதிய திட்ட மீட்பு இயக்க மாநில ஒருங்கிணைப்பாளர் தமிழக அரசின் புதிய ஒய்​வூ​தி​யத் திட்​டம் என்​பது ஏமாற்று வேலை. இதில் அரசின் பங்​களிப்பு இல்​லை. உறு​தி​யளித்​த​படி பழைய ஓய்​வூ​தி​யத் திட்​டத்தை நிறை​வேற்​றாமல் இருப்​பது ஏற்​புடையதல்ல. அரசால் லாபமடைந்த குறிப்​பிட்ட சில சங்​கங்​கள் மட்​டுமே இதை ஆதரிக்​கின்​றன. இதை​விட மத்​திய அரசின் ஒருங்​கிணைந்த ஓய்​வூ​தி​யத் திட்​டத்​தில் கூடு​தலான சிறப்​பம்​சங்​கள் உள்​ளன.

நீதிப​தி​கள், எம்​எல்ஏ, எம்​பி-க்​களுக்கு பங்​களிப்பு இல்​லாத ஓய்​வூ​திய திட்​டமே அமலில் உள்​ளது. ஆனால், பல ஆண்​டு​களாக அரசுக்​காக பணி​யாற்றி ஒய்வு பெறு​பவர்​களுக்கு அவர்​களிடம் பிடித்த பணத்​தையே வைத்து பலன்​களை அளிப்​பது நியாயமற்ற செய​லாகும். இந்​தத் திட்​டத்​தில் ஓய்​வு​பெறு​பவர்​களுக்கு பணிக்​கொடை மற்​றும் முறை​யான ஓய்​வூ​தி​யம் கிடைக்க வழி​யில்​லை. பழைய ஓய்​வூ​தி​யத் திட்​டத்​தையே அமல்​படுத்த வேண்​டும்.

சி.​முரு​கன் – ஜாக்​டோ-ஜியோ உயர்​மட்​டக் குழு உறுப்​பினர் சிபிஎஸ் திட்​டத்​தில் ஊழியர்​கள் மற்​றும் அரசின் பங்​களிப்பு தொகை​யை​யும் சேர்த்து மொத்​த​மாக எங்​களிடம் கொடுத்​து​விடு​வார்​கள். ஆனால் இதில், ஊழியர்​களின் பங்​களிப்பு தொகை எப்​படி திரும்ப வழங்​கப்​படும் என்​பது குறித்து தெளி​வில்​லை. அதே​போல், நிதிப் பற்​றாக்​குறை ஏற்​பட்​டால் மட்​டுமே ரூ.13 ஆயிரம் கோடி தமிழக அரசு செல​விடும் என்​பதும் சரியல்ல. ஏனெனில், ஊழியர்​களின் பணம் ரூ.85 ஆயிரம் கோடி முதலீடு செய்​யப்​பட்​டுள்​ளது. அதற்​கான வட்டி மற்​றும் கமிஷன் விவரங்​கள் வெளிப்​படை​யாக இல்​லை.

ஜாக்​டோ-ஜியோ​வில் உள்ள சில சங்​கங்​கள் அரசுக்கு ஆதரவு தெரி​வித்​தா​லும், பல சங்​கங்​கள் எதிர்ப்​பில் உள்​ளன. அரசாணை வந்​ததும் உச்ச நீதி​மன்​றத்​தில் வழக்​குத் தொடர திட்​ட​மிட்​டுள்​ளோம். ராஜஸ்​தான் உள்​ளிட்ட 7 மாநிலங்​கள் பழைய ஓய்​வூ​தி​யத் திட்​டத்தை அமல்​படுத்​திய நிலை​யில், பொருளா​தா​ரத்​தில் முன்​னேறிய தமிழக அரசும் அதை அமல்​படுத்த வேண்​டும். இல்​லை​யெனில் தேர்​தலில் தாக்​கத்தை ஏற்​படுத்​தும்.

<div class="paragraphs"><p>பா.ஆரோக்கியதாஸ்,&nbsp;சி.​முரு​கன்,&nbsp;த.அமிர்​தகு​மார்</p></div>த.அமிர்​தகு​மார் – போட்டா – ஜியோ மாநில ஒருங்​கிணைப்​பாளர் டாப்ஸ் திட்​டத்​தில் சில குறை​பாடு​கள் இருப்​பினும் அதை வரவேற்​கி​றோம். எங்​களின் 23 ஆண்​டு​கால போராட்​டத்​துக்​குப் பின்​பு, மாதாந்​திர ஓய்​வூ​தி​யம் கிடைப்​பது உறு​தி​யாகி​யுள்​ளது. ஒட்​டுமொத்த தொகை​யாக (Lump sum) கிடைப்​ப​தை​விட, வாழ்​நாள் முழு​வதும் கிடைக்​கும் மாத ஓய்​வூ​தி​யமே பாது​காப்​பானது. தற்​போதைய முடிவை 90 சதவீத வெற்​றி​யாக கருதுகி​றோம்.

அதே​போல், நிதிப் பற்​றாக்​குறை​யால் ஊழியர்​களின் 10 சதவீத பங்​களிப்பை குறைக்க முடி​யாது என்று அரசு தெரிவிக்​கிறது. எனினும், ஊழியர்​களின் பங்​களிப்பை ரத்து செய்து முழு​வதும் அரசே ஏற்க வேண்​டும். மத்​திய அரசின் ஒருங்​கிணைந்த ஒய்​வூ​தி​யத் திட்​டத்​தில் இருப்​பது போல், ஓய்வு பெறும்​போது கிடைக்​கும் மொத்​தத் தொகை (Lump sum payment) அல்​லது முன்​பணம் எடுக்​கும் வசதி இதில் இல்​லை. இது சரிசெய்​யப்பட வேண்​டும். இவ்​வாறு அவர்​கள் தெரி​வித்​தனர்.

இதற்​கிடையே, பல்​வேறு சங்​கங்​கள் மீண்​டும் போராட்​டத்​தில் குதிக்​க​வும் ஆயத்​த​மாகி வரு​கின்​றன. மறு​புறம் அரசு ஊழியர்​களை அரவணைக்​கும் வித​மான தேர்​தல் வாக்​குறு​தி​களை வழங்க அதி​முக-​வும் திட்​ட​மிட்​டுள்​ள​தாகக் கூறப்​படு​கிறது. இதனால் தேர்​தலை மைய​மாக வைத்து திமுக மேற்​கொண்ட இந்த நடவடிக்​கை​யானது அவர்​களுக்கு கை​கொடுக்​குமா என்​பதே கேள்​விக் குறி​யாகியுள்​ளது.

Related Post

செந்தில் பாலாஜியை காப்பாற்ற முதல்வர் கரூர் சென்றார் – நயினார் நாகேந்திரன்

Posted by - அக்டோபர் 17, 2025 0
கரூர் கூட்ட நெரிசல் விவகாரத்தில் செந்தில் பாலாஜியை காப்பாற்றவே முதலமைச்சர் கரூருக்கு சென்றதாக நயினார் நாகேந்திரன் விமர்சித்துள்ளார். சென்னையில் நடைபெற்ற தமிழகம் தலைநிமிர தமிழனின் பயணம் என்ற…
Generated Image January 01 2026 12 01PM

பழைய ஓய்வூதிய திட்டம்.! முதலமைச்சர் நாளை முக்கிய அறிவிப்பு- அரசு ஊழியர்கள் குஷி

Posted by - ஜனவரி 2, 2026 0
அரசு ஊழியர்கள் கோரிக்கை புதிய ஓய்வூதியத் திட்டத்தை ரத்து செய்து விட்டு பழைய ஓய்வூதியத் திட்டத்தை மீண்டும் அமல்படுத்த வேண்டும், அரசுத் துறைகளில் உள்ள காலிப் பணியிடங்களை உடனடியாக நிரப்ப வேண்டும் என்பன உள்ளிட்ட  10 அம்ச கோரிக்கையை வலியுறுத்தி அரசு ஊழியர்கள் ஆசிரியர்கள் போராட்டம் நடத்தி வருகிறார்கள். இந்த நிலையில் பழைய ஓய்வூதிய திட்டம் தொடர்பாக முதலமைச்சர் ஸ்டாலின் மூத்த ஐஏஎஸ் அதிகாரி ககன் தீப் சிங் பேடி தலைமையில் குழு ஒன்றை அமைத்தார். இந்த குழு அரசு ஊழியர்கள், நிதி ஆலோசக அதிகாரிகள் என பல கட்ட ஆலோசனை…
fb

மே 4ஆம் தேதி வாக்குகள் இப்படித்தான் எண்ணப்படும்.! தேர்தல் ஆணையம் வெளியிட்ட முக்கிய அறிவிப்பு

Posted by - ஏப்ரல் 27, 2026 0
Tamil Nadu Assembly election vote counting : காலை 8:00 மணிக்குத் தபால் வாக்குகள் எண்ணும் பணி துவங்கும் என தெரிவித்துள்ள தேர்தல் ஆணையம், 30…

அண்ணாதுரை, எம்.ஜி.ஆர் ஆகியோர் கட்சி தொடங்கியவுடன் வெற்றி பெறவில்லை – இபிஎஸ்

Posted by - ஆகஸ்ட் 22, 2025 0
அண்ணாதுரை, எம்.ஜி.ஆர். ஆகியோர் கட்சி தொடங்கியவுடன் வெற்றி பெறவில்லை என இபிஎஸ் தெரிவித்துள்ளார். காஞ்சிபுரத்தில் விஜய்-க்கு பதிலளிக்கும் வகையில் பேசிய அவர், அதிமுக யாரிடம் இருக்கிறது என்று…
Gemini Generated Image q70qvaq70qvaq70q

ஆந்திராவில் தலைமறைவாக இருந்த சவுக்கு சங்கர் கைது..

Posted by - ஏப்ரல் 9, 2026 0
நிபந்​தனை ஜாமீனை மீறி, நீதி​மன்​றத்​தில் சரணடை​யாமல் ஆந்​தி​ரா​வில் தலைமறை​வாக இருந்த சவுக்கு சங்​கரை சென்னை போலீ​ஸார் நேற்று கைது செய்​தனர். சவுக்கு மீடியா தலைமை செயல் அதி​காரி​யான…

Leave a comment

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன